ဝံပုလွေလူလည်နဲ့ သိုးသူငယ်

သိုးငယ် တစ်ကောင်ကို မြိန်ရည်ယှက်ရည် စားပြီးတဲ့ အချိန်မှာတော့ ၀ံပုလွေငစဉ်းလဲဟာ သက်ပြင်းကိုချ၊ နှုတ်ခမ်းကို သပ်ပြီးတော့..

” ဒီသိုးတွေကို တစ်ကြိမ် တစ်ကောင်နှုန်းနဲ့ ငါဖမ်းစားလာခဲ့တာ ကြာနေပြီ။ နောက်ဆို အများအမြင် သင့်တော်အောင် အကြောင်းပြချက် တစ်ခုခုရှာ ပြီး ဖမ်းစားမှ ကောင်းတော့မယ် ” လို့ စဉ်းစား မိလိုက်တယ်။

ရက်အတန် ကြာတဲ့အခါ ၀ံပုလွေဟာ သိုးငယ် တစ်ကောင်နဲ့ မြစ်ကမ်း နဘေးတစ်ခုမှာ သွားဆုံ ကြတယ်။

ဝံပုလွေက ” ဟေး.. မင်း ဒီနေရာမှာ ဘာလာ လုပ်တာလည်းကွ …ဟေ ” လို့ ပြောလိုက်တယ်။

သိုးငယ်က ” ရေလာသောက်တာပါ ခင်ဗျာ ” လို့ဖြေလေတယ်။

ဒီတော့ ၀ံပုလွေက ” ရေလာသောက်တယ် ဟုတ်စ။ ဒီမြစ်ထဲမှာ ရေလာသောက်ရင် မြစ်ရေတွေ အားလုံး နောက်ကျိကုန်မှာ မင်း နားမလည်ဘူးလား။ ဒီနားတစ်ဝိုက်မှာ မှီတင်းနေထိုင်တဲ့ သက်ရှိလူတွေရော သတ္တ၀ါတွေရော ဒီနောက်ကျိနေတဲ့ ရေကိုသောက်မိရင် အကုန် ရောဂါတွေရကုန်ပြီး ဒုက္ခ ရောက်ကုန် ကြလိမ့်မယ်။ ဒါတင်မကသေးဘူး။ ဒီမြစ်ထဲက မသန့်ရှင်းတဲ့ ရေတွေ ပင်လယ်ထဲ အထိ စီးဝင်သွားမယ်ဆိုရင် ကမ္ဘာလောက တစ်ခုလုံးမှာ ရှိတဲ့ သက်ရှိသတ္တ၀ါတွေ အကုန်လုံး ကိုယ်ကျိုးနည်းကုန် တော့မှာပဲ။ မင်းက စကြ၀ဠာကြီးတစ်ခုလုံး ပျက်စီးသွားအောင် လုပ်ချင်နေတဲ့ ကောင်ပါလား ကွ…ဟေ ” လို့ပြောလိုက်တယ်။

ဒီလို ၀ံပုလွေ ငစဉ်းလဲရဲ့ စွပ်စွဲတာကို ခံလိုက်ရတော့ သိုးငယ်လည်း ရုတ်တရက် အံ့သြ မင်တက် မိသွားတယ်။ ခဏကြာ စဉ်းစားပြီးတော့ သိုးငယ်က..

” ကျွန်တော် တိရစ္ဆာန် ဆရာဝန်နဲ့ သေချာစစ်ဆေး ပြီးပါပြီ။ ကျွန်တော့မှာ ဘာရောဂါမှ မရှိဘူး တဲ့ဗျ “

ဒီတော့ ၀ံပုလွေ က မာန်ဖီဟိန်းလိုက်ပြီး ” ဘာပြောတယ်… မင်းမှာ ဘာရောဂါမှ မရှိဘူး ဟုတ်လား။ ဒါဆို မင်း မိဘတွေမှာရော မရှိနိုင်ဘူးလား၊ အ်ိုကွာ ကုန်ကုန်ပြောရရင် မင်းမိဘမှာ မရှိတောင် မင်းဘိုးဘေးဘီဘင်တွေမှာတော့ ရောဂါရှိနေမှာ အသေအချာဘဲ။ မင်းဘယ်လောက်ဘဲ ဆရာဝန်နဲ့ ပြထား တယ်ဘဲပြောပြော ဘာမှ အသုံးမ၀င် မထိရောက်ဘူး။ ဆရာဝန်ရဲ့ အနုကြည့် မှန်ပြောင်းတွေကရော ဘယ်လောက်ကောင်းတယ်လို့ တာဝန်ယူနိုင် လို့လည်း။ မင်းက ဆရာဝန်နဲ့ ပူးပေါင်းပြီး ရောဂါမရှိပါဘူးလို့ရော လိမ်မပြောနိုင်ဘူးလား ” လို့ တရဇပ် ပြောလိုက်တယ်။

ဒီတော့ သိုးငယ်လည်း ၀ံပုလွေငစဉ်းလဲရဲ့အကြံကို ရိပ်စားမိလာပြီး ” ကျွန်တော် ဒီမြစ်ရေတွေကို မသောက်တော့ ပါဘူးဗျာ ” လို့ပြောပြီး တစ်ချိုးထဲ ထွက်ပြေး ပါလေတော့တယ်။

မြေခွေးက ” ရပ် ” လို့ အသံကုန် အော်လိုက်ပြီး သိုးငယ်ကို ခုန်အုပ် လိုက်လေတော့တယ်။ ပြီးတော့..

” မင်းက ရေကို လုံးဝ မသောက်တော့ဘူးဆိုပေမယ့် မင်းခုလို ထွက်ပြေး တဲ့တော့ မင်း မိဘ၊ ဘိုးဘေးဘီဘင်တွေကနေ ကူးလာတဲ့ရောဂါပိုးတွေက ပြေးလမ်းတစ်လျှောက် လေထဲမှာ ပျံ့နှံ့ကုန်ပြီး လေထုတွေ ညစ်ညမ်းစေကုန်တော့မှာ မင်းမစိုးရိမ်ဘူးလား။ ဒီနေ့ မင်း ကို ငါမှ ဖမ်းပြီးမစားရင်တော့ မဖြစ်တော့ပါဘူး ” လို့ပြောလေတယ်။

ဒီတော့ သနားစရာ သိုးငယ်လည်း ” ကျွန်တော့ အသက်ကို ချမ်းသာပေးပါဗျာ။ ခင်ဗျားသာ ကျွန်တော့ကို ဖမ်းစားမယ်ဆိုရင် ခင်ဗျားမှာ ရောဂါတွေ ကူးစက်ပြီး သေရမှာစိုးမိတယ်ဗျ ” လို့ ပြောရှာတယ်။

ဝံပုလွေလည်း မာန်တစ်ချက် ဖီလိုက်ပြီး အခုလို ပြောကာ ” ငါသေရင် သေသွားပါစေ။ ကမ္ဘာကြီးမှာ နေနေကြတဲ့ သက်ရှိတွေ အားလုံး မသေစေဘို့ ငါ့အသက်ကို မငဲ့ကွက်ဘဲ မင်းကို ငါစားရလိမ့်မယ် ” လို့ပြောပြီးသိုးငယ်ကို ချမ်းသာမပေးဘဲ ဖမ်းစား လိုက်လေတော့တယ်။

ဒီပုံပြင်လေးက အပြစ်ရှာချင်သူတွေ အတွက် ဘယ်လိုဘဲ တောင်းပန် ဖြေရှင်း ပေမယ့် ထိရောက်မှု မရှိနိုင်ပါဘူး။ ဘယ်လိုဘဲ ရှောင်ထွက်ထွက်၊ ဘယ်လိုဘဲ အကြောင်း ပြချက်တွေ ပေးပေး သူတို့ စက်ကွင်းကနေ မလွတ်နိုင်ဘူး ..ဆိုတာကို အသေအခြာ ဖော်ညွှန်း နေပါတော့တယ်ရှင် ။

< Chinese Literature 1979 မှ The Wolf and the Lambကို ခံစာရေးဖွဲ့ပြန်ဆိုပါသည်။ >

ဆန္ဒနဲ့ဘ၀တစ်ထပ်ထဲကျကြပါစေ။

မြသွေးနီ