ပန်းပွင့်ငယ်လေးများရဲ့ ကမ္ဘာ

၂၁.၂.၂၀၁၀ ခုနှစ်၊ တနင်္ဂနွေနေ့ နံက်ခင်း။

ထုံးစံအတိုင်း ဒီမနက်ခင်းအတွက်၊ ဒီနေ့ တစ်နေ့လည်လုံးအတွက်၊ မင်္ဂလာရှိတဲ့ ဒီတနင်္ဂနွေအတွက် စနေနေ့ရုံးကပြန်လာထဲက လုပ်စရာ ရှိတာတွေ သိမ်းကျုံးလုပ်ထား၊ ၀ီရိယရှိရှိနဲ့ အရင် ပိတ်ရက်တွေလို ဇိမ်ကျမနေတော့ပဲ စောစောစီးစီး မနက်၆နာရီထဲက လူက တက်ကြွ လန်းဆန်းလို့ နိုးထလာ လိုက်တာများ အိမ် ကလူတွေတောင် အံ့သြယူရတဲ့အထိပါဘဲ။

ဟုတ်တယ်လေ။ မင်္ဂလာရှိတဲ့ ဒီနေ့ကတော့ ရွှေပြည်သာမြို့နယ်မှာရှိတဲ့ အနောက်အုတ်ကျင်း ပရဟိတ ဘုန်းတော်ကြီး စာသင်ကျောင်းရဲ့ စာသင် ကျောင်းသူ၊ ကျောင်းသား၊ ရဟန်း၊ သီလရှင် စုစုပေါင်း ၁၂၅၄ ယောက်ကို ကျွန်မတို့ Save The Agedအဖွဲ့ရဲ့ ဒုတိယအကြိမ်မြောက် အလှူအဖြစ် သွားရောက်လှူဒါန်းကြမယ့်နေပါဘဲရှင်။

ဒါနဲ့ ကျွန်မဆုံရပ် (၁) Tokyo Donut ရှေ့ကိုရောက်တော့ မနက် ၈နာရီခွဲ။ ဇင်အိတို့ ဇင်ဇင်တို့ ကိုဟိန်းတို့ တာဝန်ခံတွေက ရောက်နေ နှင့်ပြီ။ ဒီတစ်ခါ အသင်းရဲ့ လိုဂိုနဲ့ ရင်ထိုးတံဆိပ် အ၀ိုင်းလေးတွေ ဝေပေးတယ်။ ကျွန်မလည်းရလျှင်ရချင်း အိကျီ င်္လေးမှာ ထိုးချိတ် လိုက်မိပါတယ်။

ဆုံရပ်(၁)မှာ လူစုံအောင် စောင့်နေရင်း မနက် ၉နာရီ ၂၀မိနစ်မှာ စတင်ထွက်ခွာလာ ခဲ့ ပါတယ်။ ကျွန်မတို့ရောက်တော့ ဆုံရပ် (၂)က အဖွဲ့က နောက် ဘတ်စ်ကားတစ်စီးနဲ့ စောင့်နှင့်နေကြပြီ။ ကား၂စီးစာ အဖွဲ့ဝင် ၆၀လိုက်ပါလာကြပါတယ်။ လမ်းမှာ ကားကတော်တော် စီးလိုက် ရပါတယ်။ ဒီလိုနဲ့ ကျွန်မတို့ ဆက်ပြီး ထွက် လာ လိုက်ကြတာ ရွှေပြည်သာမြို့ထဲကို ၁၁နာရီ နီးပါးလောက်မှာ ၀င်ရောက် လာ ခဲ့ပါတယ်။

မနက်ဈေးမကွဲသေးလို့ ကုသိုလ်သွားပြုမယ့် နေရာမရောက်ခင် လမ်းမကြီးတစ်ခုကိုဖြတ်ရပါတယ်။ လမ်းမကြီး တစ်ခုလုံး ဈေးသည် ဈေးဝယ်များနဲ့ စည်ကားနေလို့ ကားဝင်ရောက်လို့မရပါဘူး။ ဒါနဲ့ ကျွန်မတို့ တစ်ဖွဲ့လုံး လှူဖွယ်ပစ္စည်းများနဲ့တကွ လမ်းဆင်း လျှောက် ကြပါတယ်။ ( ဆုံရပ်-၂ က ကားကတော့ ဘုန်းကြီးကျောင်းရှိတဲ့ လမ်းထိပ်အထိ ၀င်လို့ရခဲ့တယ်။ ဘယ်လိုများ ၀င်လာပါလိမ့်နော်) ။ ၅မိနစ်လောက် လမ်း လျှောက်ရတာ သွေးပူလေ့ကျင့်ခန်းလုပ် လိုက်ရသလိုပါဘဲ။ ကျွန်မတို့ အားလုံးရဲ့ခြေလှမ်းတွေ ပိုသွက် လာ ကြတယ်။

ဒီလိုနဲ့ အနောက်အုတ်ကျင်းကျောင်းတိုက်ရှေ့ကို ရောက်တော့ ကျောင်းအပြင်မှာ ကလေးတွေက တစ်ပြုံကြီး ကြိုစောင့်နေကြရှာပြီိ။ ကလေးတွေက “ အလှူရှင်တွေလာပြီ“ “အလှူရှင်တွေလာပြီ “ နဲ့ နှုတ်ကအော်ဟစ်နေကြရင်း ကျွန်မတို့ အဖွဲ့နဲ့ အတူကျောင်းထဲကို လိုက်ဝင်လာလိုက်တာ ကျောင်းဝင်းနဲ့ စာသင်ခန်းအ၀င် တံခါးနားဆီအထိ ပြွတ်သိပ်တိုးဝှေ့ လို့ပါဘဲရှင်။

ဦးစွာ အဖွဲ့ဝင်တချို့က ဘုန်းဘုန်း၊ ကိုရင်၊ သီလရှင်တွေကို မွန်းမတိမ်းခင် နေ့ဆွမ်းအမှီု ကျောင်းတိုက်အပေါ်ထပ်မှာ ကပ်လှူ ပါတယ်။

ကျန်တစ်ဖွဲ့ကတော့ စာသင်ကျောင်းအ၀င် တံခါးဝကနေ ကျောင်းသား၊ ကျောင်းသူများကို ၂ယောက်တစ်တွဲနဲ့ စံနစ်တကျ အထဲ ကို ၀င်စေပါတယ်။ ကလေးများကို သူတို့ရဲ့ စာသင်ခန်း တွေမှာပဲ ကျွေးမွေးဖို့ စီစဉ်ထားတာပါ။ တခဏနေတော့ ပျဉ်ခင်း၊ ကျူထ ရံကာ စာသင် ကျောင်း ခန်း ၆ခန်းတွဲ အဆောင်လေးတွေပေါ်က ပျဉ်စားပွဲတမ်းရှည်လေးတွေပေါ်မှာ ကြာဇံချက် ပန်းကန်ကိုယ်စီနဲ့ ကလေး ငယ်တွေ စတင်စားသုံးနေကြပါတော့တယ်။ ထိုင်ခုံမဲ့ ပျဉ်ကြမ်းခင်းကြဲကြဲပေါ်မှာ ကလေးငယ်များ ထိုင်လျှက် မြိန်လျှက်စွာ စား သောက်နေကြတာ ကို သနားဂရုဏာသက်စဖွယ် တွေ့မြင်ရပါတယ်။ အဖွဲ့ဝင်တချို့လည်း အကျွေးအမွေး တာဝန်ကို တက်ကြွ စွာ ကူညီဆောင်ရွက် ပေးကြပါတယ်။

စားသောက်ပြီးတဲ့ ကလေးတွေကိုတော့ အခန်းတစ်ခန်းမှာ လက်သည်းညှပ်တဲ့ အဖွဲ့က တာဝန်ယူ လက်သည်းညှပ်ပေးကြပါတယ်ရှင်။ လက်သည်းညှပ် နေရင်းလည်း လက်သန့်ရှင်းရေး။ တကိုယ်ရေသန့်ရှင်းရေး အတွက် အဖွဲ့ဝင်များက သမီးငယ် သားငယ်များကို ပညာ ပေး ရှင်းလင်းပြောပြကြပါတယ်။

လက်သည်းညှပ်ပြီး ကလေးသူငယ်များကိုတော့ အဖွဲ့ရဲ့ မန်ဘာ ဆရာဝန်ဆေးအဖွဲ့ကကျန်းမာရေးစစ်ဆေးပေးခြင်း၊ အနာရှိသူ ကလေးများကို အနာဆေးထည့်ပေးခြင်း၊ ဆေးသောက်သုံးဖို့ လိုအပ်တဲ့ ကလေးများကို သောက်ဆေးများပေးခြင်းတို့ တက်ကြွ စွာ ဆောင်ရွက်ပေးကြပါတယ်။ ကျွန်မတို့အဖွဲ့မှာ ယခုလို ကျန်းမာရေးအတွက် ဆေးပညာရှင်တွေ တစ်တပ်တစ်အားပါဝင်လာတာ ၀မ်းသာပီတိဖြစ်မိပါတယ်ရှင်။

တချိန်ထဲမှာပဲ ကလေးတွေနဲ့ အတူဆော့ကစားဖို့ တာဝန်ယူထားတဲ့ အဖွဲ့ဝင်များက ရာဘာ ဘော်လုံး များမှုတ်၊ အသင့်ပါလာတဲ့ ပင်ပေါင်ဘောလုံးများနဲ့ ပျော်ရွှင်ဖွယ် ကစားနည်း များကို ကစားကြတာဖြင့် မြင်ရသူတွေအဖို့ တကယ့်ကို ပျော်ရွှင်လာမိ ပါတယ် ရှင်။ ကစားပြီး ကလေး များကိုလည်း ချိုချဉ်၊ ဘောလုံးလေးများ မျှဝေပါတယ်။ စိတ်လွတ်လက်လွတ်ပျော်ရွှင်နေကြတဲ့ ကလေးငယ် လေးများရဲ့ အပျော်ဟာ ကျွန်မတို့ရင်ကိုပါ ကူးစက်လာစေပါတယ်ရှင်။

ဒါတင်မကသေးပါဘူး။ ကျန်အဖွဲ့ဝင်တချို့ကလည်း အခန်းလွတ်၂ခန်းမှာ ကလေးများ ဗဟုသုတရစဖွယ် ပုံပြင်လေးများကို ပြောပြ ကြပါတယ်။ ကျွန်မလည်း “ မပုကြွယ်နဲ့ခရုငယ်“ ပုံပြင်လေး တစ်ပုဒ် ၀င်ပြောခဲ့ကြောင်း ကြုံတုန်းလေး ကြော်ငြာ ၀င်လိုက်ပါရစေရှင်။ ဖော်ပြပါပုံကတော့ ကျွန်မ မဟုတ်ပါဘူးနော်။ ကျွန်မပုံကို ဖော်ပြချင်ပေမယ့် အသံတွေဝင်အောင် ကလေး တွေကို နွေးထွေးစွာ ဆက်ဆံခဲ့တဲ့၊ ပုံပြောခဲ့တဲ့ ချစ်ညီမလေးကို ဦးစားပေး ဂုဏ်ပြုချင်မိလို့ပါနော်။ :)

ပုံပြင်ပြောပြီးပြန်တော့ သူတို့လေးတွေ ပျော်ရွှင်အောင် ဆိုကြမယ် ပျော်ကြမယ် အစီစဉ်လေး လုပ်ပေးပါတယ်။ အံ့သြစရာရှင်။ ကလေးတွေဟာ အရွယ်နဲ့ မမျှအောင် ဆိုတတ်၊ ကတတ်၊ သရုပ်ဆောင်တတ်ပုံများ ကျွန်မတို့တွေ လက်ဖျားခါယူရပါတယ်။ ဆိုပြီးတိုင်း ဆုချရတာလည်း လက်ကိုမလည်ရပါဘူးရှင်။ အဖွဲ့ဝင် ညီမလေးများလား ကလေးငယ်များနဲ့ အတူ ဈာန်ဝင်ပြီး ဆိုလိုက်ကြတာများ။ ကျွန်မလည်း အပါအ၀င်ပါနော်။ :)

ဒီလိုနဲ့ ၁၂နာရီ ၀န်းကျင်မှာ ကျွန်မတို့အဖွဲ့ ကျောင်းတိုက် အပေါ်ပြန်တက်လို့ အရသာရှိလှ တဲ့ ကြာဇံချက်များ သုံးဆောင်ကြ ပါတယ်ရှင်။ ထုံးစံအတိုင်း စပ်စုတတ်တဲ့ ကျွန်မက ကြာဇံ ချက် တစ်ပန်းကန် မြန်မြန်စားပြီး ကျောင်းထိုင်ဘုန်းဘုန်းကြီးဆီမှာ သိလိုတာတွေ ကို မေးဖြစ် ပါတယ်။ ကြည်ညိုစဖွယ် ဥပဓိနဲ့ ဘုန်းဘုန်းကြီးက သူ့ရဲ့လိပ်စာကဒ်ကို ကျွန်မကို ပေးပြီး စိတ်ရှည်စွာ သိလိုသည်များကို သေခြာရှင်းပြပါတယ်။

နေ့လည်စာစားအပြီးမှာ အဖွဲ့ဝင်တစ်ဝက်က သီလခံယူပြီး အလှူငွေရေစက်ချ လှူကာ ဘုန်းဘုန်းကြီး တိုက်ကျွေးတဲ့ တရားရေ အေး ကို သောက်သုံးကြပါတယ်ရှင်။ ကျွန်မကိုရေစက်ချပေးဖို့ တာဝန်ခံများက ပြောကြပါသေးတယ်။ ဒါပေမယ့် ဒီကိစ္စတွေက လူကြီးသူမတွေသာ လုပ်ကြ ရတာမို့လို့ ကျွန်မလည်း ပြုံးပြုံးလေး ငြင်းလိုက်ရပါတယ်ရှင်။ (တကယ်က ဓာတ်ပုံ မရိုက်လိုက်ရမှာ စိုးလို့ပါ) ။ :)

ကျန်အဖွဲ့ဝင် တစ်ဝက်က တဖက်ကျောင်းတိုက် အပေါ်ထပ်မှာ ကိုသူရဇော်ရေးတဲ့ ပညာပေး ပြဇာတ်တိုလေးကို အဖွဲ့ဝင်တချို့နဲ့ သာမ က ကလေးငယ်တချို့ပါ ပါဝင်လျှက် ကလေးငယ် များကို ကပြဖျော်ဖြေကြပြန်ပါတယ်။ ကျွန်မ ဘုန်းဘုန်းကြီးနဲ့ စကား ပြောတာ နောက်ကျသွားလို့ ပုံလေးတွေ မရိုက်လိုက်နိုင်တာ စိတ်မရှိကြပါနဲ့ရှင်။ အကယ်လို့များခဲ့ရင် နောက်နေ့မှာ ထပ် ထည့် ပေးပါမယ်နော်။ ဒါမေမယ့် ကိုသူရဇော် အမေသီချင်းတစ်ပုဒ်ဆိုတယ်ကြားလို့ သူ့ပုံလေး ဂုဏ်ပြုတင်ပေးလိုက်ရကြောင်းပါ။ သည်းခံကျပါကုန်။ ( ခင်မင်လို့ စတာပါနော် ကိုသူရရေ..)

စုံတွဲ သီဆို သရုပ်ဖော်..

ပဲပြုတ်သည်သားအမိ။ ဟော့ဒီက ပဲပြုတ်.....

ကလေးကဆို.. သူတို့က သရုပ်ဖော်...

ကြောင်သားအမိ။ တညှောင်ညှောင်အော်လို့...

နောက်ဆုံး အစီအစဉ် အနေနဲ့ ကလေးငယ်များနဲ့ အဖွဲ့ဝင်များတွဲဖက်လို့ မဲနှိုက်ကာ မဲလိပ်ပါ ညွှန်ကြားချက် အတိုင်း သရုပ် ဆောင် ကာ ကစားကြပြန်ပါတယ်။ ဟိုပြေး ဒီပြေး ဖြစ်နေ တဲ့ ကျွန်မ ဒီအဆောင်ပေါ်ရောက်တော့ သူတို့ ကစားတာ ပြီးခါနီးတောင်နေပါပြီ။ ကလေးငယ်များ ကို တစ်ယောက်ချင်း မဲနှိုက်ခိုင်းပြီး ပေါက်မဲပါအတိုင်း ဆောင်ရွက်ဖို့ ကလေးကိုယ်တိုင် အဖွဲ့ဝင်ထဲက ကြိုက်ရာလူကို ရွေးချယ်စေပြီး ကလေးနဲ့ လူကြီးတွဲဖက် သရုပ်ဆောင်ရတဲ့ ကစားနည်းဖြစ်တာမို့ တ၀ါးဝါး တဟားဟားနဲ့ မျက်ရည်ထွက်မတတ် ရယ် မောခဲ့ မိရပါတယ်။

အလို.. နေ့လည် ၂နာရီတောင်ကျော်သွားပါရော့လား။ အချိန်တွေက ဘယ်လိုက ဘယ်လို ကုန်သွားမှန်း တစ်ယောက်မှ ဂရု မပြုမိကြ။ အဖွဲ့ဝင်တွေအားလုံး တူညီ ဆန္ဒတွေ ကိုယ်စီနဲ့ တက်ကြွအားမာန်အပြည့်နဲ့ စိတ်တွေက အချိန်တွေကိုတောင် မေ့လျှော့နေကြပြီ။ အင်း.. ဒါပေမယ့် အချိန်တန် အိမ်ပြန်ကြရပေဦးတော့မယ်။

ကျွန်မတို့ အဖွဲ့ ပြန်ကာနီး ကလေးငယ်များကို နွေးထွေးစွာ ကြင်နာစွာ နှုတ်ဆက်ကြပါတယ်။ သားငယ်တစ်ဦးက အံတီတို့ နက်ဖြန် လည်း လာပါ ဦးနော်လို့ ပြောတော့ ကျွန်မရင်ထဲ ဆို့နင့်နေမိပါတယ်ရှင်။

ဘဲကြားရိုက် သနပ်ခါးမျက်နှာလေးတွေ၊ အိကျီ င်္ညစ်နွမ်းနွမ်းလေးတွေနဲ့ ဒီနေ့ အလှူရှိလို့ သမီးတို့ အလှဆုံး ၀တ်လာတာဆိုတဲ့ ကလေးမငယ်လေးရဲ့ အသံ။ ကလေးငယ်တွေရဲ့ တစ်နေ့တာ အပြစ်ကင်းတဲ့ အပျော်မျက်ဝန်းများရဲ့ ရယ်သံလွင်လွင်လေးတွေက ကျွန်မတို့ အားလုံးရဲ့နှလုံးသား ကိုယ်စီကို ရိုက်ခတ်ခြင်းခံခဲ့ရပါပြီ။

ကျွန်မနားထဲမှာ ရင်နင့်စွာ နားထောင်ခဲ့ရတဲ့ “ ထိပ်ထိပ်စံ “ ဆိုတဲ့ ၆နှစ်သမီးငယ် သီဆိုခဲ့တဲ့ “ အိမ်ကလေး “ ဆိုတဲ့ ကဗျာလေးကို အပြန်ခရီး တစ်လျှောက်လုံး ကြားယောင် လာမိပါတော့တယ်ရှင်။

“ အိမ်ကလေး “

အိမ်ကလေး.. အိမ်ကလေး
သမီးနေတဲ့ အိမ်ကလေး
အိမ်ကလေးက အရမ်းကိုလှတယ်
စုပေါင်းဆောက်ထားလို့ကွယ်
လမင်းကြီးက ထွက်လာတယ်
လူသားများ အတွက်ပါကွယ်
နေမင်းကြီးက ထွက်လာတယ်
လူသားများ အတွက်ပါကွယ်
ကြယ်ကလေးက လင်းလက်ပါတယ်
လူသားများ အတွက်ပါကွယ်
လှပတဲ့ကမ္ဘာလေးဟာ
တို့ကလေးများ အတွက်ပါကွယ်.. ။      ။

( Save The Agedအဖွဲ့ရဲ့ ယနေ့ ပြုပြုခဲ့သမျှ အလှူအတွက် ရပ်ဝေးရပ်နီး၊ ပြည်တွင်းပြည်ပက အဖွဲ့ဝင် အားလုံး သာဓု.. သာဓု.. သာဓု ခေါ်နိုင်စေဘို့ ဒီပို့စ်လေးကို နေ့မကူးခင် ချက်ခြင်းလာတင် ဖြစ်ပါတယ်ရှင်)

ဆန္ဒနဲ့ဘ၀တစ်ထပ်ထဲကျကြပါစေ။

မြသွေးနီ