မအိုသေးတဲ့အချစ်

အသက် ၇၀အရွယ်အဖိုးနဲ့အဖွားဟာ အရမ်းစိတ်လှုပ်ရှားနေကြတယ်။  သူတို့ ၂ယောက်ဟာ ဟိုးအရင်အတူ ကုန်လွန်ခဲ့ တဲ့ နုပျိုစဉ် အချိန်တွေ ၊ ကာလတွေကို ပြန်လည်တမ်းတနေမိကြတယ်။

သူတို့ ဆုံးဖြတ်လိုက်ကြတယ်။ တို့တွေအသက်တွေကြီးပြီ.. လောကကြီးမှာနေရမယ့် အချိန်တွေလည်း သိပ်မကျန်တော့ ဘူး..။  ဒီတော့ ၂ယောက် အတူ အသက်ရှင်နေစဉ် အချိန်မှာ  တစ်နေ့လောက်တော့ ငယ်ငယ်တုန်းက အချစ်သည်းခဲ့ကြတဲ့ ဘ၀ကို တစ်ခဏလောက် ပြန်သွားကြရင်မကောင်း ဘူးလားဆိုပြီး သူတို့၂ယောက်ရဲ့ ချစ်သူတွေဖြစ်ခဲ့ကြတဲ့ အမှတ်ရဆုံးရက်ဖြစ်ခဲ့တဲ့ လာမယ့် နယူးရီးယားနေ့မှာ ဟိုး...လွန်ခဲ့တဲ့ နှစ် ၅၀ တုန်းက အတိုင်းကျော်ဖြတ်ဘို့ ဆုံးဖြတ်လိုက်ကြတယ်။

အဲဒီလို ရက်သတ်မှတ်ပြီးနောက် အဖိုးရော၊ အဖွားရောဟာ အဲ့ဒီနေ့ရောက်ဘို့ကို စိတ်ကူးရင်း စိတ်တွေ လှူပ်ရှားနေတော့တာပေါ့။ လွန်ခဲ့တဲ့နှစ် ၅၀ရဲ့  အဲ့ဒီ ဒီဇင်ဘာ ၃၁ရက် မနက်ခင်းမှာ သူတို့နှစ်ဦးဆုံတွေ့ပြီး ကဲခဲ့၊ သဲခဲ့ကြတာကို သူတို့ ဘယ်မေ့နိုင်ပါ့မလည်းနော်..။

ဒီဇင်ဘာ ၃၁ရက်နေ့မနက်ခင်းမှာတော့ .....

အဖိုးတစ်ယောက် မနက် ၆နာရီထဲက သူတို့နှစ်ယောက် တွေ့ခဲ့တဲ့ အမှတ်တရ နေရာလေးဖြစ်တဲ့ မြစ်ကမ်းနဖူးက သစ်ပင်ဆီကို အလျင်စလို ရောက်သွားခဲ့တယ်။ လမ်းမှာ တွေ့ခဲ့တဲ့ တောပန်းအရိုင်းလှလှကြီးတွေကိုလည်း အဖွားကို ပေးဘို့ ခူးယူခဲ့တယ်။ အဖိုးဟာ နေမထွက်ခင်ထဲက လူငယ်လေး တစ်ယောက်လို လန်းဆန်းတက်ကြွလို့ အဖွားကို စောင့်ခဲ့တယ်။

အဖိုးစောင့်ခဲ့တယ်။ စောင့်ခဲ့တယ်..။ အဖွားလာမယ့် လမ်းလေးတစ်လျှောက်ကို မှုန်ဝေသီနေတဲ့မျက်လုံးအစုံနဲ့ မျှော်လို့ပေါ့။ တစ်နေ့လုံး စိတ်ရှည်ရှည်နဲ့ကို စောင့်ခဲ့တယ်။ ဒါပေမယ့်.. အဆုံးမှာတော့ နေသာဝင်သွားတယ် ။ အဖွားက ပေါ်မလာခဲပါ့ဘူး။

အဖိုးဟာ ဒေါကြီးမောကြီးနဲ့အိမ်ကို ပြန်လာခဲ့တယ်။ သူက တံခါးကို ဒေါသတကြီး ဆွဲဖွင့်လိုက်တော့ ဧည့်ခန်းဆိုဖာပေါ်မှာ ခေါင်းအုံးထဲ မျက်နှာ ဖွက်ပြီး လှဲလျောင်းနေတဲ့ အဖွားကို တွေ့လိုက်ရတယ်။ အဖိုးရဲ့ ဒေါသ ဒီဂရီမြင့်တက်သွားပြီး လက်ထဲက ပန်းတွေကို ကြမ်းပြင်ပေါ် ပစ်ပေါက်ရင်း အော်မေးလိုက်တယ်။

" မင်း..ချိန်းထားတဲ့နေရာကို ဘာလို့ မလာတာလည်း..? "

အဖွားက လက်ထဲက ခေါင်းအုံးနဲ့ အဖိုးခေါင်းကို သာသာလေး ရိုက်လိုက်ပြီး မျက်လွှာချလို့ ချစ်စဖွယ် ရှက်စနိုးနဲ့ ပြန်ဖြေလိုက်တယ်။
....
....
....
....
....
....
....
....
....
....
....
....
....
....
....

" အမေက ကျွန်မကို သွားခွင့်မပြုလို့....ပေါ့..။ "

ချစ်ခြင်းမေထ္ထာဆိုတာ ဘယ်သောအခါမှ အိုဟောင်းဆွေးမြေ့သွားခြင်းမရှိပါဘူး။  ၀ိုင်အရက်များလို  နှစ်ချို့လေ ချိုမြိန်ပြီး တန်ဘိုးရှိလေပါ။ ဒီချစ် စရာကောင်းတဲ့ ပို့စ်လေးကို မျှဝေပေးတဲ့ India မှသူငယ်ချင်း Harshada ကို ကျေးဇူးတင်ချင်ပါတယ်။ နယူးရီးယားအတွက် အမှတ်တရ ပို့စ်လေးတစ်ခုရတာပေါ့နော်။ မူရင်းကို ဆိုလိုရင်းမပျက်အောင် ကိုယ်နည်း ကိုယ့်ဟန်နဲ့ တင်ပေးလိုက်ပါတယ်။ လိုအပ်မှုရှိရင်တော့ ကျွန်မရဲ့ အားနည်းချက်ပါလို့..။

၂၀၁၀နှစ်သစ်မှာချမ်းမြေ့ပါစေ။

မှတ်ချက် ။ 28 December 2009 မှ ပို့စ်အဟောင်းလေးအား ပြန်လည်သိမ်းဆည်းခြင်း။

ဆန္ဒနဲ့ဘ၀တစ်ထပ်ထဲကျကြပါစေရှင်။

မြသွေးနီ

ငှက်တို့ရဲ့တေး

မလိုက်ရဲရင်လည်း
အသိုက်ထဲမှာဘဲ ကျန်ခဲ့လေ..။

တစ်နေ့နီးမှာပေါ့
ရှေ့ခရီးမျှော် မာန်တင်းပါကွယ့်
(ငှက်ဆိုတာကတော့..) ပျံရင်းသေ..။

ကဆုန်ဆိုင်းသလိုပါ့
မုန်တိုင်းကရှေ့မှာမွှေ
တောမီးတွေကရှေ့မှာဝိုင်း...။

ခြင်္သေ့က မြက်မစား
ကျားကကြွက်မချောင်း
ဖွတ်တွေက မိချောင်းလိုမနေ
အိုးဝေ..အိုးဝေ..တွန်သံနှောလေတဲ့
စိမ်းမြညိုဟောဟိုတောဆီသို့
အမောခံဇောမာန်တင်းပါလို့
ပျံရင်းသေ ခရီးဆက်မယ်တဲ့
(အဲ့ဒါ......)
ငှက်တို့သမိုင်း..။

မောင်စိန်ဝင်း ( ပုတီးကုန်း)
နရသိန် မဂ္ဂဇင်း၊ အတွဲ (၁)၊ အမှတ်(၁)

ငှက်ကလေးများအားကယ်တင်သူ

ဆောင်းဦးရာသီရဲ့ သာယာလှတဲ့ မနက်ခင်းလေးမှာ လူလေးယောက်ဟာ မြင်းကိုယ်စီနဲ့ တောလမ်းလေး တစ်လျှောက်စီးလာခဲ့တယ်။ သူတို့ အားလုံးဟာ ရှေ့နေတွေ ဖြစ်ကြပြီးတော့ သူတို့ ဦးတည်သွားနေတာကတော့ ဒီတောလမ်းလေးကျော်ရင် ရောက်တော့မယ့် မြို့ကလေးရဲ့ တရားရုံးတစ်ခုမှာ အမှုကြားနာဘို့ အတွက်ပေါ့။

မိုးရွာထားလို့ တောလမ်းလေး တစ်လျှောက်မှာ ဗွက်တွေ ရွှံ့တွေနဲ့ စိုစိုစိစိနဲ့ပေါ့။ သစ်ရွက်လေးတွေမှာ စီရရီတွဲလွဲခိုနေတဲ့ လက်ကျန်မိုးပေါက်လေး တွေကလည်း သစ်ပင်ပေါ်ကနေ တစ်စက်စက်နဲ့ ကျနေတော့ မြက်ပင်လေးတွေကလည်း စိုစွတ်နေတော့တာပေါ့။

ရှေ့နေလေးယောက်လုံးဟာ  ရွှံ့တွေနဲ့ ပေကျံစိုစွတ်နေတဲ့ လမ်းကျဉ်းလေးတစ်လျှောက် ရှေ့ဆင့်နောက်ဆင့် မြင်းကိုယ်စီ စီးနင်းလို့ပေါ့။ သူတို့ အားလုံးဟာ ရယ်မောစရာတွေ ရှာကြံပြောရင်း လမ်းတစ်လျှောက် တစ်ဖြေးဖြေး စီးနင်းလိုက်ပါလာကြတယ်။

သစ်ပင်လေးတွေ အစီအရီပေါက်နေတဲ့ တောအုပ်လေးတစ်ခုကို ဖြတ်သန်းလာချိန်မှာတော့ သူတို့ရဲ့ ဦးခေါင်းပေါ်က ငှက်တစ်ကောင်ရဲ့ တောင်ပံ တစ်ဖြတ်ဖြတ် ရိုက်ခတ်သံနဲ့အတူ လမ်းတဖက် မြက်ပင်တွေကြားက တခြားငှက်ငယ်လေးတွေရဲ့ တိုးညှင်းစွာ ညည်းတွားနေသံကို ကြားလိုက်ရ တယ်။

" ကျလိ... ကျလိ... ကျလိ.. ကျလိ "

စီစီညံနေတဲ့အသံစူးစူးလေး တစ်သံက သစ်ရွက်တွေ အုံ့ဆိုင်းနေတဲ့ အပင်ပေါ်ကနေ ပေါ်ထွက်လာတယ်။

တစ်ချိန်ထဲမှာပဲ...

ကျလိ...ကျလိ..ကျလိ... ဆိုတဲ့ သနားစဖွယ် အသံတိုးတိုးလေးတွေကလည်း စိုစွတ်နေတဲ့ မြက်ပင်တွေကြားက ဟိုတစ်စ ဒီတစ်စ ပေါ်ထွက်လာ တယ်။

"ဟေ့..သနားစရာလေးပါလားကွ " ....စပိဒ် လို့ အမည်ရတဲ့ ရှေ့ဆုံးကရှေ့နေက မြင်းပေါ်ကနေ လှမ်းပြောလိုက်တယ်။ ဟာဒင်လို့အမည်ရတဲ့ ဒုတိယရှေ့နေက .." သပိတ်လွယ်ငှက်တွေ နေမှာပေါ့ကွာ ..ကြည့်ရတာ မုန်တိုင်းစာမိပြီး အသိုက်ထဲကနေ လွှင့်ကြလာပုံရတယ်..မွေးကာစ အတောင်မစုံသေးတဲ့အရွယ်တွေဆိုတော့ မပျံနိုင်ဖြစ်နေတော့တာပေါ့..ကြည့်ပါလား အမေငှက်မကြီးက စိတ်ပူပြီး ပျာယာခတ်နေတာ.." လို့ ပြောလိုက်တယ်။

အမည်မဖော်ပြနိုင်တော့တဲ့ တတိယရှေ့နေကတော့ " သနားစရာကွာ...ဒီအတိုင်းဆို မြက်ခင်းစိုစိုထဲမှာ အားလုံးသေကုန်ကြတော့မှာဘဲ ... " လို့ပြောပြန်တယ်။

ဒီအခါ ရှေ့နေဟာဒင်က.." ထားလိုက်ပါကွာ.. ငှက်တွေဘဲဟာ.. အရေးမကြီးလှပါဘူး.. ဒုက္ခရှာမနေပါနဲ့တော့.." ..လို့ ပြောတယ်။

"အေးလေ..ဟုတ်သားဘဲ.."..လို့ ရှေ့နေ စပိဒ်ကလည်း ထောက်ခံလိုက်တယ်။

သူတို့ သုံးယောက်သား ငှက်အမေကြီး ပူဆွေးစွာနဲ့ယောက်ယက်ခတ် အော်မြည်နေသံကိုရော အတောင် တစ်ဖျတ်ဖျတ်ရိုက်ပြီး အော်မြည်နေတဲ့ မြက်တောစိုစိုထဲက ငှက်ပေါက်စလေးတွေကိုပါ ကျောခိုင်းပြီး ခရီးဆက်လက်ထွက်ခဲ့ကြတယ်.။

သိပ်မကြာခင် မိနစ်ပိုင်းအတွင်းမှာဘဲ သူတို့၃ယောက်သားဟာ ခုနကလိုဘဲ ရယ်မောပျော်ရွှင်စရာတွေကို ပြောလာကြတယ်။ အချိန်ပိုင်းအတွင်းမှာ ငှက်ကလေးတွေကို သူတို့ လုံးဝ မေ့လျှော့သွားကြပြီပေါ့။

ဒါပေမယ့် စတုထ္ထမြောက် ရှေ့နေ..။ သူကတော့ မြင်းကိုရုတ်ချည်းတုန့်ကနဲရပ်လိုက်တယ်။ မြင်းပေါ်က ချက်ခြင်းဆိုသလို ဆင်းလာပြီးနောက် သူ့ရဲ့ကြီးမားတဲ့ လက်အစုံနဲ့ မြက်ခင်းထဲက ငှက်ငယ်လေးတွေကို တယုတယ ယူငင်လိုက်တယ်။

ငှက်ကလေးတွေက ခုနက မြက်ခင်းထဲမှာလို ကြောက်လန့်ပုံ မပြတော့ပါဘူး။ သူတို့လုံခြုံမှုရသွားပြီဆိုတာ သိတဲ့ပုံနဲ့ ချစ်စဖွယ် ကျလိ..ကျလိနဲ့ တိုးတိုးလေးသာ အော်မြည်နေတော့တယ်။

"ငှက်ကလေးတို့ရေ..စိတ်မပူပါနဲ့တော့...။ မင်းတို့ရဲ့ အသိုက်လေးထဲကို..ငါအရောက်ပို့ပေးပါ့မယ်.." ..လို့ သူက ပြောလိုက်တယ်။

အဲ့ဒီနောက် သူက ငှက်ကလေးတွေ အသိုက်ရဲ့ဘယ်နေရာကများ ပြုတ်ကျလာနိုင်သလည်းဆိုတာ ရှာဖွေကြည့်မ်ိတယ်။ ငှက်ကလေးတွေရဲ့ အသိုက်က လက်လှမ်းမမှီနိုင်လောက်အောင် မြင့်လွန်းနေတာမျိုးလည်း ဖြစ်နိုင်တယ်လေ။ ဒါပေမယ့် သူက စိတ်မပျက်ပါဘူး.။ သူသစ်ပင်ကောင်း ကောင်းတက်တတ်တာပေါ့။ သူကလေးဘ၀တုန်းက သစ်ပင်တော်တော်များများကို တက်ခဲ့သူလေ။  သူက ငှက်ကလေးတွေ တစ်ကောင်စီကို စိတ်ရှည်လက်ရှည်နဲ့ သူတို့ရဲ့သစ်ပင်ပေါ်က အသိုက်အိမ်လေးထဲကို အသာအယာ ထည့်ပေးလိုက်တယ်။ တစ်ကြိမ်မှာ အဆော့သန်တဲ့ ငှက် ကလေးနှစ်ကောင်ကြောင့် သူရော ငှက်ကလေးတွေပါ သစ်ပင်ပေါ်က ထပ်ပြုတ်ကျရသေးတယ်..။ ငှက်ကလေးတွေ ပျော်နေတယ်လို့ သူထင်နေ မိတယ်။ သူလည်း ငှက်ကလေးတွေနဲ့ အတူပျော်ရွှင် နေမိတော့တယ်။ သူ ပြန်လူးလဲထပြီး ငှက်ကလေးကို အသိုက်ထဲ ထည့်ပေးပြန်တယ်။

အရှေ့က ထွက်သွားနှင့်တဲ့ ရှေ့နေ သုံးယောက် တစ်နေရာ အရောက်မှာ သူတို့ မြင်းတွေကို အနားပေးကာ ရေသောက်စေတယ်။ သူတို့လည်း အနားယူရင်းပေါ့။  ဒီတော့မှ စတုထ္ထရှေ့နေဟာ သူတို့နဲ့အတူ ပါမလာတာ တွေ့ရတယ်။ သူတို့သုံးယောက်လုံး အံ့သြသွားတယ်။ ဒီလူဘယ်မှာ ကျန်ခဲ့ပါလိမ့်ပေါ့။

အဲ့ဒီမှာ ရှေ့နေ စပိဒ် ကပြောတယ်.." ခင်ဗျားတို့ ငှက်တွေကို မှတ်မိတယ် မဟုတ်လား ။ သေခြာတာကတော့ ဒီလူတော့ အဲ့ဒီငှက်တွေကို ကူညီဘို့ကျန်ခဲ့ပုံဘဲ..."

မိနစ်အနည်းငယ် အကြာမှာတော့ စတုထ္ထရှေ့နေဟာ သူတို့ဆီကို မှီလာတယ်။ သူ့ရဲ့ ရူးဖိနပ်အစုံမှာလည်း ရွှံ့တွေပေလူးလို့ပေါ့။ ဆူးခြုံပင်က ဆူးတွေကလည်း သူ့ ကုတ်အိကျီ င်္မှာညိတွယ်လို့။  "ဟေး..ခင်ဗျားဘယ်မှာကျန်ခဲ့တာလည်း"..လို့ ရှေ့နေဟာဒင်က သူ့ကိုမေးလိုက်တယ်။

" ကျွန်တော် ငှက်ငယ်လေးတွေကို သူတို့ရဲ့မိခင်ဆီ အရောက်ပို့ပေးနေလို့ပါခင်ဗျာ.." လို့ စတုထ္ထရှေ့နေက ပြုံးရွှင်စွာပြောတယ်။

"ကောင်းပါ့ဗျာ..ဒါကြောင့်ကျုပ်တို့အားလုံး အမြဲတွေးနေမိတယ်..ခင်ဗျားဟာ ဘာလို့စံပြပုဂ္ဂိုလ်တစ်ယောက် ဖြစ်နေသလဲ ဆိုတာကို.. ။ ခုတော့ သိပါပြီ..."..လို့ ရှေ့နေ စပိဒ်က..ခနဲ့တဲ့တဲ့ပြောတယ်။

အဲ့ဒီနောက် သူတို့ သုံးယောက်သား အူလှိုက်သဲလှိုက် ရယ်မောကြတယ်။ ဒီလူ တော်တော်မိုက်မဲတာဘဲ.. ဘာမှမဟုတ်တဲ့ ဒီငှက်ကလေးတွေ အတွက် သူလို လူသန်သန်မာမာကြီးက ခုလိုမျိုး ဒုက္ခ္ခခံခဲ့ရတယ်လို့။

အဲ့ဒီအခါမှာ စတုထ္ထရှေ့နေက ခုလိုပြောလိုက်တယ်..

"အစ်ကိုတို့ ခင်ဗျား.. ဒီသနားစဖွယ် သပိတ်လွယ်ငှက်ငယ်လေးတွေကို မကူညီဘဲထားခဲ့ရလို့ .သူတို့သာ ဒီမြက်ပင်စိုစိုတွေကြားထဲမှာ သေဆုံး သွားခဲ့ကြမယ်ဆိုရင်..  ကျွန်တော်တော့ဘယ်လိုမှ အိပ်ပျော်နိုင်တော့မယ် မထင်ပါဘူးခင်ဗျာ"

အဲ့ဒီ သပိတ်လွယ်ငှက်ကလေးတွေကို ကြင်နာစွာနဲ့ ကယ်တင်ခဲ့တဲ့ စတုထ္ထမြောက်ရှေ့နေက သိပ်မကြာခင်ကာလမှာဘဲ အမေရိကန်နိုင်ငံရဲ့ အလွန်ကြော်ကြားတဲ့ရှေ့နေတစ်ဦး ဖြစ်ယုံသာမကဘဲ အောင်မြင်တဲ့အမတ်တစ်ဦးလည်း ဖြစ်လာခဲ့ပါတယ်။ အဲ့ဒီနောက် သူဟာ အမေရိကန် ပြည်ထောင်စုရဲ့ သမ္မတ အဖြစ်ရွေးချယ်ခံခဲ့ရတယ်။ အမေရိကန်ရဲ့ သမိုင်းမှာတော့ သူဟာ အောင်မြင်ထင်ရှားတဲ့ သမ္မတတစ်ဦးအဖြစ် ရပ်တည် ခွင့်ရခဲ့ပါတယ်။ သူကတော့ " သမ္မတ အေဗရာဟမ်လင်ကွန်း " ပါဘဲ။

သူဟာ မသမာသူတွေရဲ့ လုပ်ကြံမှုနဲ့ သေဆုံးခဲ့ရတဲ့ အမေရိကန်နိုင်ငံရဲ့သမ္မတဖြစ်ခဲ့သူတစ်ဦးပါ။ အထက်ဖော်ပြပါ အကြောင်းအရာလေးက
ဘာမှ မဟုတ် လှပေမယ့်သမ္မတတစ်ယောက်ဖြစ်လာမယ့် သူ့ရဲ့ဘ၀လမ်းကြောင်းမှာ အခုအခါမှာတော့ အရေးပါတဲ့မှတ်တိုင်သေးသေးလေး တစ်ခုအဖြစ် ကျန်ခဲ့တာ အသေအခြာပါဘဲ။

~~~~~~~~~~~~~~~~~~~~~~~~~~~~~~
James Baldwin ရဲ့SAVING THE BIRDS ကိုခံစားပါသည်။
~~~~~~~~~~~~~~~~~~~~~~~~~~~~~~

မှတ်ချက် ။ 17 December 2009 မှ ပို့စ်အဟောင်းလေးအား ပြန်လည်သိမ်းဆည်းခြင်း။

ဆန္ဒနဲ့ဘ၀တစ်ထပ်ထဲကျကြပါစေရှင်။

မြသွေးနီ

သံသရာ - Cycling Rebirth

သူတို့...
ဘာမှမတော်ကြပါဘူး။
သူတို့မျက်နှာတွေက ခပ်ဆင်ဆင်
သူတို့စကားလုံးတွေက ခပ်ဆင်ဆင်
သူတို့ကောင်းကင်တွေက ခပ်ဆင်ဆင်
တစ်ယောက်ရဲ့မျက်ရည်ကို
တစ်ယောက်က မီးလှုံ ကြ
တစ်ယောက်ရဲ့အိပ်မက်ကို
တစ်ယောက်က ထွန်ယက်ကြ
တစ်ယောက်ရဲ့ပင်လယ်မှာ
တစ်ယောက်က သောင်ထွန်းကြ
တစ်ယောက်ရဲ့ အသည်းနှလုံးကို
တစ်ယောက်က ဘာသာပြန်ကြ..။
သူတို့...
ဘာမှမတော်ကြပါဘူး
ကံက ကံမကောင်းဘူးတဲ့
လမ်းဟာ လမ်းပျောက်နေတယ်တဲ့
သူတို့...
ဘာမှမတော်ကြပါဘူး။ ။

<သစ္စာနီ >

~~~~~~~~~~~~~~~~~~~~~~~~~~~~~~~~~~
ဒါကတော့ အင်္ဂလိပ်လို ဘာသာပြန်ထားတာလေးပါ။
~~~~~~~~~~~~~~~~~~~~~~~~~~~~~~~~~~

" Cycling Rebirth "

They,
Unrelated to one another !
Their facial expressions near similarity
Their languages near similarity
Their covering skies near similarity
one reposes to others tears
one ploughs other dreams
one drains other ones sea
one translates other hearts,
They,
Unrelated to one another
The fate says ominous!
Roads say lost-way
They,
Unrelated.

< Translated by Mg Hmyar>.

Twenty First Album ထဲက သစ္စာနီရဲ့ ကဗျာလေးတစ်ပုဒ်ပါ။ နှစ်သက်စရာ..အတွေးပွားစရာလေးမို့ ဘလော့ဂ်မှာတင်ပေးလိုက်ပါတယ်..။

မှတ်ချက် ။ 12 December 2009 မှ ပို့စ်အဟောင်းလေးအား ပြန်လည်သိမ်းဆည်းခြင်း။

ဆန္ဒနဲ့ဘ၀တစ်ထပ်ထဲကျကြပါစေရှင်။

မြသွေးနီ

အဆုံးမဲ့မျှော်လင့်ချက်

ငါကြိုးစားခဲ့တယ်....
ဘာဆို ဘာမှမကျန်တော့တဲ့ အထိ
ငါ..ပေးဆပ်ခဲ့တယ်..
မျှော်လင့်ချက်အားလုံးရင်းပြီး...
အဲ့ဒီ... အဆုံးမဲ့...
မျှော်လင့်ချက်တွေ အတွက်ပေါ့...။

တကယ်တမ်းကြတော့....
အဆုံးမဲ့ မျှော်လင့်ချက်ဆိုတာ
မျှော်လင့်ခွင့်ကို မရှိတော့တာ..
သိုဝှက်ချစ်ခြင်းတွေနဲ့..
မလာမယ့် လမ်းကိုမျှော်လို့..
အဲ့ဒီအမှန်တရားကို..
လက်ခံသားပြီးသားဖြစ်နေတာတောင်..။

ခုတော့...အားလုံးအဆုးံသတ်ခဲ့ရ..
အဲ့ဒါကိုက..
ဘယ်တော့မှ...အဆုံးမသတ်နိုင်တော့တဲ့
ငါ့ချစ်ခြင်းရဲ့
မျှော်လင့်ချက်ပေါ့...။

< မြသွေးနီ >

~~~~~~~~~~~~~~~~~~~~~~~~
သူ့ရဲ့ မူရင်း Originalကအောက်မှာပါ..
~~~~~~~~~~~~~~~~~~~~~~~~

" Endless Hope "



Endless Hope.....
The endless hope
I’ve tried
I gave it my all
I gave all my hope
To be with you

Endless Hope.....
That you brought to me
Hope that will never be there
Hope that is empty inside
Hope with no love
Hope that will never came
True

Endless Hope.......
Between you & me
For all that are lost
You’re my endless hope
Endless Hope.......

< Keith Young>

မှတ်ချက် ။ 12 November 2009 မှ ပို့စ်အဟောင်းလေးအား ပြန်လည်သိမ်းဆည်းခြင်း။




ဆန္ဒနဲ့ဘ၀တစ်ထပ်ထဲကျကြပါစေရှင်။




မြသွေးနီ

အသက်သွင်းပေးသူ

မိဘတွေမရှိ်တော့ ဆွေမျိုးတွေကပါ အရေးတယူ အလုပ်မခံရတဲ့ ညီအစ်ကို လေးယောက် အကြောင်း ပြောပြချင်တယ်။ သူတို့က ပစ္စည်း ဥစ္စာလည်းမရှိ၊ အတတ်ပညာလည်း မရှိလေတော့ ညီအစ်ကိုလေးယောက်ဟာ အတတ်ပညာရှာဘို့ နေထိုင်ရာမြို့ကနေ ခရီးစထွက်ခဲ့ကြ တယ်။ အရှေ့၊အနောက်၊တောင်၊မြောက်ဆိုတဲ့ အရပ်လေးမျက်နှာကို တစ်ယောက်စီ  ခွဲထွက်သွားကြတယ်။ ဘယ်အချိန် ဘယ်ကာလကျရင် သူတို့ နေထိုင် ရာမြို့မှာ ပြန်ဆုံကြမယ်ပေါ့၊ ဒီလိုနဲ့ အသီးသီး တစ်နေရာစီ ပညာရှာထွက်လိုက်ကြတာ တစ်နေ့တော့  သူတို့ရဲ့မြို့ကလေးမှာ ညီအစ်ကို လေးယောက်လုံး ပြန်ဆုံမိကြတယ်။

အစ်ကိုအကြီးဆုံးက ပြောတယ် " အရိုးစုတွေသာရခဲ့မယ်ဆိုရင် အဲ့ဒီအရိုးစုတွေမှာ အသားတွေကို ထည့်ပေးနိုင်တဲ့ ထူးဆန်းတဲ့ အတတ်ပညာကို ငါရခဲ့တယ်..ဒီလိုမျိုးတန်ဘိုးရှိတဲ့ အတတ်ပညာမျိုး တတ်ကျွမ်းသူဆိုလို့ ငါတို့မြို့မှာ ငါတစ်ဦးထဲဘဲရှိတယ်။ ဒီပညာနဲ့ ငါကြီးပွားချမ်းသာအောင် လုပ်ရမယ်.. " ဆိုပြီး မာန်မာနတွေ လောဘစိတ်တွေ တစ်လိမ့်လိမ့်တက်လာကာ ပြောလေတယ်။

ဒီတော့ဒုတိယအစ်ကိုက ရှူးရှူးရှဲရှဲနဲ့ " အစ်ကိုကြီး...အသားတွေရရှိယုံနဲ့ ခင်ဗျားဘာလုပ်လို့ရမှာမို့လို့လည်း..ကျုပ်က.. အဲ့ဒီလို အသားတွေချည်း ရှိတဲ့ အကောင်တွေကို အမွေး ၊ သားရေခွံတွေ တပ်ပေးနိုင်တဲ့ ပညာကို ရလာတဲ့ကောင်ဗျ..".. ဆိုပြီး ဒေါနဲ့မောနဲ့ ပြောပါလေရော..။

အဲ့ဒီအခါ..တတ်ိယမြောက်..ညီက..တွေးတယ်..အင်း..သူတို့ရတဲ့ပညာတွေကလည်းတယ်ကောင်းပါလား..ငါလည်းပညာတစ်ခုတော့ရခဲ့တာ ဘဲ။  ဒါပေမယ့် သူတို့နှစ်ယောက်ရခဲ့တဲ့ ပညာတွေပါ ငါရလိုက်ရင် ဘယ်လောက်များ ကောင်းလိုက်လေမလည်း ဆိုပြီး..  ၀န်တိုစိတ်တွေ တဖွားဖွားဖြစ် နေလေတယ်။ ပြီးတော့မှ .." အင်း..ကျွန်တော်လည်း အရိုး၊အသား၊အမွှေး၊သားရေ အပြည့်အစုံရှိနေတဲ့ အကောင်ကို ခြေလက်အင်္ဂါ ပြည့်စုံအောင် တတ်ဆင် ပေးနိုင်တဲ့ ပညာရလာခဲ့ပါတယ်.." လို့ မပြောချင်ပြောချင်နဲ့ ပြောပြလေတယ်။

နောက်ဆုံး ညီထွေးလေးအလှည့်ပေါ့။ အစ်ကိုသုံးယောက်လုံးက ညီထွေးလေး ဘာပညာများ တတ်လာလည်းဆိုတာကို စိတ်ဝင်စားနေကြတယ်။ သူတို့က စိတ်သာ ၀င်စားနေကြတာ သူတို့စိတ်ထဲကတော့ ညီထွေးလေးကို အထင်ကို မကြီး ကြဘူး။ ညီထွေးလေးကလည်း သူ့အစ်ကိုတွေ အကြောင်းသိတယ်။ အစ်ကိုတွေ တစ်ယောက်စီကိုကြည့်လိုက်ပြီးတော့ ပြောပြတယ်။

" အစ်ကိုတို့.. ညီလေးတတ်ခဲ့တဲ့ပညာက  သိပ်တော့ အရေးမပါပါဘူး။ ညီလေးကတော့ အဲ့ဒီလို အားလုံး ပြည့်စုံနေပါ လျက်နဲ့ အသက်မရှိတာကို အသက်ဝင်လာအောင် လုပ်ပေးနိုင်တဲ့ အသက်သွင်းပညာရပ်ကို တတ်မြောက် လာခဲ့ပါ တယ်" လို့ပြောပြတယ်။

အဲ့ဒီတော့ အစ်ကိုကြီးက " ဟ....သေခြာရဲ့လား။ မင်းရဲ့ဒီပညာကိုငါ့ ပြန်ဝယ်ယူမယ်ကွာ။ ဘယ်လောက်ပေးရရ ဟားဟား.." ဆိုသရော်ပြီး ပြော တယ် ။ ဒုတိယ အစ်ကိုက " ဟေ့ကောင်..ငါ့ကို ဒေါသထွက်အောင်မလုပ်နဲ့..လူကြည့်တော့ မလောက်လေးမလောက်စားနဲ့ လေလုံးထွားနေ ပြန်ပြီ..." ဆိုသြဘာပေးသတဲ့။ တတိယ အစ်ကိုကလည်း.." ဒီကောင်တော့.....ကြည့်ရသေးတာပေါ့ကွာ.." ဆိုပြီး မနာလိုဝန်တိုစိတ်နဲ့ နှိမ့်ချပြောသတဲ့။

ညီထွေးရဲ့ စိတ်ထဲမှာတော့ အဲ့လိုဟန်မပျက်သာ နေနေရတယ်.အကိုဖြစ်သူတွေရဲ့ သရော်သံ၊ ကဲ့ရဲ့သံတွေကြောင့် တဖျင်းဖျင်းနဲ့ပေါ့။

" ကဲ..ဒါဆို အစ်ကိုတို့ ၃ယောက်ကို ညီလေးရဲ့ ပညာအစွမ်းကိုပြပါ့မယ်..တောထဲကိုသွားကြစို့.." ..လို့ညီထွေးကပြောပြီး တောထဲမှာ အရိုးစုတစ်ခု ကို လိုက်ရှာကြတယ်။ တစ်နေရာရောက်တော့ ဘာမှန်းမသိရတော့တဲ့ အရိုးစုတစ်ခုကို ရကြတယ်။  ညီထွေးက အစ်ကိုကြီးကို  သူ့ရဲ့အတတ်ပညာ နဲ့ အရိုးစုမှာ အသားတွေ ထည့်ခိုင်းတယ်။ နောက်..  အမွေး၊ အရေခွံတတ်ပေးနိုင်တဲ့ ဒုတိယ အစ်ကိုကိုတော့ အမွေး၊ အရေခွံတတ်ပေးခိုင်းတယ်။ နောက် .. တတိယ မြောက်အစ်ကို ကိုလည်း ခြေ၊ လက်၊ အင်္ဂါအပြည့် အစုံတတ်ပေးခိုင်းတယ်..။ တဖြေးဖြေးနဲ့ သူတို့လုပ်နေတဲ့ အရိုးစုကစလို့ အသား၊ အမွေး၊ အရေခွ၊ံ ခြေလက် တတ်ဆင်ထားတဲ့အရာဟာ ခြင်္သေ့ တစ်ကောင် ဖြစ်နေတယ်ဆိုတာကို သူတို့ သိလာကြ တယ်..။

အဲ့အချိန်မှာ ညီထွေးလေးက စဉ်းစားတယ်..။

" အင်း..သူတို့တွေဟာ..အကြီးတွေဖြစ်ပြီးတော့..ငါ့ကိုဘယ်တော့မှ မညှာတာခဲ့ဘူး။ အခုလည်း..အသီးသီးက လောဘ၊ဒေါသ၊မောဟ တွေကိုယ်စီနဲ့..ငါ့ကိုလည်း အထင်သေးတဲ့ ပုံစံနဲ့  နှိမ့်ချကြတယ်။ ခုတော့..ငါပညာပြဘို့ အလှည့်ရောက်ပြီ..။ ကောင်းမှကောင်း.." ဆိုပြီး သူသင်ယူခဲ့တဲ့ ဂါထာမဏ္ဍာန်တွေကို ရွတ်ဖတ် မန်းမှုတ်လိုက်တယ်။ ဂါထာလည်းဆုံးရော အံ့သြလောက်စရာ  ခြင်္သေ့က ပြန်လည် ရှင်သန်နိုးထလာတယ်။ လည်ဆံမွှေးတွေ ထောင်ပြီး သူ့ရဲ့ကြောက်စရာ ခြေသည်းလက်သည်းတွေကို ထုတ်တယ်။ ပြီးတော့ တစ်တောလုံး ညံအောင် ဟိန်းဟောက်လိုက်ပြီး ညီအကိုတွေကို ခုန်အုပ် ကိုက်သတ်စားသောက် လိုက်ပါရော..။

ညီထွေးလေးလား..? သူလည်း ဘယ်ပြေးလွတ်ပါ့မလည်း။ နောက်ဆုံးတော့  ကေသရာဇာခြင်္သေ့မင်းရဲ့ အစာဖြစ်ရ တော့တာဘဲပေါ့..။

ဒီဖြစ်ရပ်မှာ အဓိကတရားခံက ဘယ်သူလည်း..?  လောဘကြီးတဲ့ အကိုကြီးလား? ဒေါသကြီးတဲ့ ဒုတိယအစ်ကိုလား ? မောဟကြီးတဲ့ တတိယအကို လား? အာဃာတထားမိတဲ့ အသက်သွင်းသူညီထွေးလေးလား..?

ကျွန်မတို့ နေထိုင်ရာ ပါတ်ဝန်းကျင်မှာလည်း ခုလို လောဘ၊ ဒေါသ၊ မောဟ၊ အာဃာတ တရားတွေနဲ့ ဖုံးလွှမ်းနေကြ သူတွေ  ရှိနေကြ တာပါဘဲ။ လောဘ၊ ဒေါသ၊ မောဟ၊ အာဃာတ ကင်းတဲ့သူဆိုတာ ရှားပါတယ်။ အနည်းနဲ့အများ တော့ရှိကြတာပါဘဲ။ အများစုက ကိုယ်လုပ်တာကိုတော့ မှန်တယ်လို့ထင်နေကြသူချည်းပါဘဲ..။ တချို့ကတော့ မှားမှန်းသိရက်နဲ့ ဇွတ်နှစ်နေကြသူတွေ ရှိကြတယ်။ အဲ့လိုဇွတ်နှစ်ရင်းနဲ့ ခြင်္သေ့အသေကို အသက်သွင်းမိနေမှာ ကိုတော့ စဉ်းစားသင့်ကြပါတယ်။ ကိုယ်ရှူးကိုယ်ပတ် ဆိုတာမျိုးပေါ့..။ ဆင်ခြင်တုံတရားလေး လက်ကိုင်ထားပြီး နေကြမယ် ဆိုရင်ဖြင့် နေပျော်စရာလောကကြီးဖြစ်လာမှာ မလွဲပါဘူး။ မဟုတ်ရင်တော့ ခြင်္သေ့စာမိကြမှာ မလွဲပါဘဲရှင်။

မှတ်ချက် ။ 10 December 2009 မှ ပို့စ်အဟောင်းလေးအား ပြန်လည်သိမ်းဆည်းခြင်း။




ဆန္ဒနဲ့ဘ၀တစ်ထပ်ထဲကျကြပါစေရှင်။

မြသွေးနီ

အမုန်းကမ်း

အလွမ်းကို
အလွမ်းတွေနဲ့မျှားရင်း
အတော်ကြာကြာအထိုင်ကျခဲ့
အဲဒီ ကမ်းမှာ။

အိပ်လို့မပျော်
နိုးရင်လဲ မပျော်
တစ်ဘ၀စာ အပိုင်စားပေးခဲ့
ရင်ကွဲပက်လက်
အဲ့ဒီကမ်းမှာ။

နှစ်နှစ်ကာကာ ဖြစ်နိုင်ဖို့
ပစ်ပစ်ခါခါ
ချစ်ပြလိုက်စမ်းပါ။
ဟုတ်ကဲ့...
မငိုပေမယ့်
မျက်ရည်ထွေထွေကျရင်း
အဲ့ဒီ ကမ်း မှာ။

ကြိုဆိုပါ၏
နှုတ်ခွန်းဆက်သပါ၏...မလို
အဲ့ဒီ ကမ်း မှာ
အလွမ်းများဗုန်းဗုန်းမလဲခင်အထိ
ရင်ခုန်သံတွေကြားနေရတယ် ။     ။

မှတ်ချက် ။ 06 December 2009 မှ  ကဗျာ အဟောင်းလေးအား ပြန်လည်သိမ်းဆည်းခြင်း။

ဆန္ဒနဲ့ဘ၀တစ်ထပ်ထဲကျကြပါစေရှင်။

မြသွေးနီ

သူနဲ့သူမရဲ့အချစ်

အိပ်မက် ကိုယ်ထင်ပြဘို့
သစ္စာတွေ
ရင်ဘတ်ထဲဆွဲဆွဲသွင်းနေရတာကို
မုန်းတယ်..။

ချစ်ခြင်းမှာ
ချစ်ခြင်းတွေရှိနေဘို့
အခါခါသတိပေးနေရတာကို
မုန်းတယ်..။

အကြိမ်ကြိမ်အဖန်ဖန်
မျက်နှာချင်းဆိုင်ရင်း
အပြုံးစစ်မစစ် ထပ်စစ်နေရတာကို
မုန်းတယ်..။

မုန်းတယ်....
မုန်းတယ်..။
မုန်းတယ်..........
မုန်းတယ်.............. ။

နောက်ဆုံး.......

အဲ့ဒီအမုန်းတွေ
လက်ခံရင်း
ဝေးဝေးမပြေးနိုင်ချိန်ကြမှ
အမုန်းအားလုံးသေဆုံးတော့တယ်...။

<မြသွေးနီ>




မှတ်ချက် ။ 04 December 2009 မှ  ကဗျာ အဟောင်းလေးအား ပြန်လည်သိမ်းဆည်းခြင်း။

ဆန္ဒနဲ့ဘ၀တစ်ထပ်ထဲကျကြပါစေရှင်။




မြသွေးနီ

စစ်ပွဲ

အလျှင်အမြန်နီးလာတယ်..
တဖြည်းဖြည်း ဝေးသွားတတ်တယ် ..
ဘယ်သူ့ ဘယ်သူမှ နားစွင့်စရာ...
မလိုဘူး..။

အကြိမ်ကြိမ်အံကြိတ်ရမယ်..
တစ်ခါတစ်ရံမကငိုကြွေးရလိမ့်မယ်..
ပြီးတော့...
အဆုံးသတ်ကို မျှော်လင့်ပြန်တယ်..။

အပျက်အစီးဆိုတာယဉ်ပါးတတ်လာတော့
မပျက်စီးတာတွေ မရိုင်းစိုင်းအောင်
အကာအကွယ်တွေ ပေးဆပ်ရင်း..
အမုန်းတွေအပြိုင်းအရိုင်းအဖြစ်
အဲ့ဒါကြီးကို...
မြင့်မြင့်မားမား ထူထောင်ကြတယ်..။

မုန်းစရာကောင်းတာက
ပန်းတိုင်မရှိတဲ့ ယှဉ်ပြိုင်ပွဲမှာ
ဘာကိုမျှော်မှန်းရမှန်းမသိခင်
အသက်၀၀ရှူခွင့်
ဆက်လက်ရှိနိုင်ဖို့....

အဲ့ဒါကြီးကြောင့်ဘဲ..
တခြားသူတွေအသက်ကိုနင်းခြေပစ်ရတယ်..။
အားလုံးမဟုတ်တောင်..
အများစုကတော့....
အဖေနဲ့အမေကိုဝေးကွာစေတဲ့..
အဖေနဲ့အမေဆီက..
သား...သမီး..ကို...
ပျော်ရွှင်ခွင့်မဲ့စေတဲ့....
ချစ်သူတွေချင်းကို
ကွာဝေးစေတဲ့
.......စေတဲ့
.......စေတဲ့ ။

ဘာဘဲဖြစ်ဖြစ်
တစ်ကမ္ဘာလုံးရဲ့ချစ်သူတွေ..
ကျခဲ့တဲ့မျက်ရည်တွေအတွက်
အဲ့ဒါကြီးကို...
သက်ဆိုးမရှည်စေချင်ဘူး..။


< မြသွေးနီ >



မှတ်ချက် ။ 02 December 2009 မှ  ကဗျာ အဟောင်းလေးအား ပြန်လည်သိမ်းဆည်းခြင်း။

ဆန္ဒနဲ့ဘ၀တစ်ထပ်ထဲကျကြပါစေရှင်။

မြသွေးနီ

သားထံမှ….တဆင့်

မေမေ့မှာ ၅နှစ်အရွယ်သား တစ်ယောက်ရှိတယ်။

ချစ်စဖွယ် သားလေးဟာ.. တီတီတာတာ ပြောတတ်သလို.. အမေးအမြန်းကလည်း သိပ်ထူတာပေါ့…။ သားက ကျောင်းလည်း တက်နေပြီ။ သူငယ် တန်း ကျောင်းသားကြီးပေါ့။ စည်းကမ်းရှိတာကို ကြိုက်တဲ့မေမေက သားကိုလည်း စည်းကမ်းရှိစေချင်တယ်..။ ဒါကြောင့်.. ကျောင်းက ပြန်ရောက် တိုင်း သားရဲ့ကျောင်း လွယ်အိတ် ကိုစစ်ဆေးတယ်..။ ခဲတံတွေ..ခဲဖျက်တွေ ပျောက်မပျောက်..။ ကျောင်းစာအုပ်တွေမှာ စာတွေ စုံမစုံပေါ့..။ မေမေ လွယ်အိတ်ကို စစ်ဆေးရေး ၀င်တဲ့အချိန် ဆို သားက လက်ကလေးကို ပိုက်လို့ မျက်လုံး လေးက ၀ိုင်းလို့.. ရင်တထိတ်ထိတ်နဲ့ပေါ့..။

သားကလည်းသားပါဘဲ။ နေ့စဉ် ခဲတံပျောက်ရင်ပျောက်..မပျောက်ရင်ခဲဖျက်ပျောက်..မပျောက်ရင် ပေတံပျောက်..နဲ့ပေါ့။ အဲ့ဒီလို တစ်ခုမဟုတ် တစ်ခု..နေ့စဉ်မဟုတ်တောင် ရက်ခြားလောက် ပျောက်နေတော့ မေမေ့ခမျာ စိတ်မရှည်နိုင်တော့ဘူး..။ ဒီတော့ မေမေ က သားကို ၀မ်နိမ် ပေး တယ်..။

” သား..မင်းနေ့တိုင်းနီးပါးလောက်ကို ခဲတံတွေပျောက်နေပါရော့လား..။ စည်းကမ်းမရှိတာ..မေမေ မကြိုက်ဘူးလို့.. မင်းကို ပြော ထားတယ် နော်..။  ဒီတော့ နောက်နေ့တွေမှာ ခဲတံ ပျောက်လာရင် မင်း..ထိုင်ထအကြိမ် ၃၀ တိတိလုပ်ရမယ်နော်..”

သားက မေမေ့ကို ဟုတ်ကဲ့ ဆိုပြီးခေါင်းလေးညိမ့်ပြလိုက်ပြီး မေမေထည့်ပေးတဲ့ ခဲတံအသစ်လေးကို သေခြာကြည့်နေမိတယ်။ သားလည်းကြိုး စားပြီး ခဲတံတွေမပျောက်အောင်သေခြာဂရုစိုက်တာပါဘဲ..။ ဒါပေမယ့်..ကျောင်းဆင်းချိန်ရောက်ကာနီး သတိရ လို့ကြည့်လိုက်တော့ ခဲတံ အသစ် ကြီးကပျောက်နေပြန်ပြီလေ..။ သား လည်းအိမ်ပြန်ရောက်လို့ မေမေလွယ်အိတ်စစ်ချိန်ရောက်မှာ ကြောက်လို့ပေါ့ ။ မရပါဘူး။ မေမေကလည်း စည်းကမ်းသမားဆိုတော့ မပျက်မကွက် စစ်တော့တာပါဘဲ..။ အဲ့ဒီမှာ မနေ့က ၀မ်နိမ် ထုတ်ပြီး နောက်ပိုင်းထည့်ပေးလိုက်တဲ့ ခဲတံအသစ်ကြီး ပါမလာတာလည်းတွေ့ရော မေမေလည်း ဒေါသူပုန်ထ တော့တာပေါ့..။

” သား..မင်းအခု..ထိုင်ထအကြိမ် ၃၀လုပ်..။ စည်းကမ်းမရှိတဲ့သူဆို မေမေမကြိုက်ဘူး..။ မင်း..ခဲတံလေး တစ်ချောင်းတောင် သေခြာ မထိမ်းသိမ်း နိုင်ရင် ကြီးလာရင်ဘယ်လိုလုပ် စည်းကမ်းရှိသူ ဖြစ်လာနိုင်မှာလည်း..” ။

ဒါ..မေမေက သားကို ပထမဦးဆုံးပေးတဲ့ အပြစ်ဒါဏ်ပါဘဲ..။ သားလည်း ဘယ်လွန်ဆန်ရဲပါ့မလည်း..။ မေမေပြောတဲ့အတိုင်း ထိုင်ထ လုပ်ရတော့ တာပေါ့။ မေမေ့ခမျာလည်း ၁, ၂, ၃,၄ ဆိုပြီး အကြိမ်တွေ ရေတွက်ပေးနေပေမယ့်..စိတ်ကတော့ ဘယ် ကောင်း ပါ့မလည်း။ သားကလည်း.. မျက်ရည်တွေဝိုင်းပြီး ထိုင်ထကိုအကြိမ်၃၀ တိတိပြည့်အောင်လုပ်ပါတယ်..။ ၃၀လည်း ပြည့် ရော..သားခြေထောက်တွေလည်း ညောင်းလို့ပေါ့.။

ဒီလိုနဲ့ သားက တစ်ပါတ်လောက်တော့ ဘာမှမပျောက်ရှဘဲရှိနေပြန်တော့ မေမေက ချီးမွမ်းနေရတော့တာပေါ့..။ ချီးမွမ်းလို့ တောင်မဆုံးသေး ပါဘူး။ နောက်တစ်ရက်မှာတော့ ခဲတံ၁ချောင်းနဲ့ ခဲဖျက်တုံးပျောက်လာပြန်ရော..။ မေမေလည်း....

” ကဲ..သား..မင်းဘာလုပ်ရမယ်ဆိုတာ..သိတယ်နော်..” လို့လည်းပြောရော…မျက်လွှာလေးချပြီး ထိုင်ထလုပ်ပါတော့တယ်..။

မေမေလည်း နံဘေးကနေ ၁, ၂, ၃,၄ရေတွက်လို့ပေါ့..။ “သား..မညောင်းဘူးလား” ..လို့မေမေကမေးတော့..” ဟုတ်ကဲ့ “..တဲ့..။

မေမေလည်း " ငါ့သားက ကိုယ့်အပြစ်ကိုယ်သိသား..လိမ်မာရှာတယ်…”…ပေါ့…။ “နောက်နေ့တွေ မပျောက်အောင် သေချာ ဂရု စိုက်ရမယ်နော်…” ဆိုတော့..သား..က ထုံးစံအတိုင်း..” ဟုတ်ကဲ့ ..” တဲ့..။

နောက်တစ်နေ့….သားကျောင်းက ပြန်ရောက်လာတယ်..။ ရောက်ရောက်ချင်း.. လွယ်အိတ်ကလေး.. ဘုတ်ဆိုချပြီး… မေမေ့ရှေ့ကို ရောက်လာ တယ်..။ ဘာမပြောညာမပြောနဲ့ ထိုင်ထလုပ်နေပါရော..။ မျက်နှာလေးကလည်း အရင် ဒါဏ်ပေးခံရတုန်းကလို မဟုတ် ဘဲ..အရယ်မျက်နှာလေးနဲ့..။

“မေမေ..သား..ခဲတံပျောက်ခဲ့လို့ ထိုင်ထလုပ်မယ်နော်..” တဲ့။

ရယ်ကျဲကျဲနဲ့ပြောနေတဲ့…သားမျက်နှာကို ကြည့်ပြီး မေမေ့ရင် ဘလောင်ဆူသွားတယ်..။ အရယ်မျက်နှာလေးနဲ့ ထိုင်ချည်ထချည် လုပ်လို့ သူ့ရဲ့ အပြစ်ကိုခံယူနေတဲ့ သားကို ရင်ခွင်ထဲဆွဲယူထွေးပွေ့လိုက်တယ်။ စိုးရိမ်စိတ်တွေအပြည့်နဲ့ ထွေးပွေ့ထားတဲ့ မေမေ့ မျက် နှာကို ကြည့်ပြီးသားက မေမေဘာဖြစ်သွားပါလိမ့်လို့.. အံ့သြနေမိတယ်။

မေမေ သိလိုက်တယ်..။ သွားပြီ……….။ လွဲသွားပြီဆိုတာကိုပေါ့..။ အပြုံးမျက်နှာနဲ့ အပြစ်ကိုခံယူနေတဲ့ သားကို ကြည့်ပြီး တော့ လွဲသွားပြီ ဆိုတာကို မေမေသိလိုက်ရတာနဲ့အမျှ မေမေ့ရင်ထဲ စိတ်မကောင်းမှုတွေ ချက်ချင်း ၀င်ရောက်လာ တော့တယ်။ ဟုတ်တယ်.. သားက အပြစ်ဆိုတာ ကျူးလွန်လို့ရတယ်..။ ပြီးရင်ကျုးလွန်တဲ့အပြစ်အတွက် ဒါဏ်ပေးတာခံယူလိုက်ရင် ကျေသွားနိုင်တယ်..။ အပြစ်ကျုးလွန်တာအရေးမကြီးဘူး..။ အပြစ်ဒဏ်ခံယူနိုင်ဘို့ဘဲအရေးကြီးတယ်..။ ဒီလိုနဲ့ ဒီအပြစ်ဟာရေးကြီးခွင်ကျယ် ကိစ္စမဟုတ်ဘူး..လို့ လွဲမှားစွာထင်သွားခဲ့တာ…။

မေမေက သားလက်မောင်းနှစ်ဘက်ကို ဆုတ်ကိုင်ပြီး..မျက်နှာကို စေ့စေ့ကြည့်ပြီး ပြောလိုက်တယ်။

“သား..နောက်ဆို သားတစ်ခုခုပျောက်လာရင်…ထိုင်ထလုပ်စရာ မလိုတော့ဘူး..။ သားကိုယ်တိုင် မပျောက်အောင်လို့ ဘယ်လို  စောင့်ရှောက်ရမယ် ဆိုတာ ..ဂရုစိုက်ရင်းနဲ့ သား..တဖြေးဖြေးသိလာပါလိမ့်မယ်..”

သားက.. သူ့မေမေ့ကို မျက်လုံးလေး တစ်လက်လက်နဲ့ ကြည့်လို့နေလေရဲ့…။ သား..မသိလိုက်တာကတော့..မေမေက သားဆီကနေ သင်ခန်းစာ တစ်ခု သင်ယူခွင့် ရလိုက်တယ်ဆိုတာကိုပါဘဲ..။

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

ကလေးတွေကို အပြစ်ပေးမပေးခင် အပြစ်နဲ့ ကလေးတွေနဲ့ မျှတမှု ရှိမရှိ၊  ခွင့်လွှတ်သင့်တဲ့ အပြစ် ဟုတ်မဟုတ် သေခြာ စဉ်းစားသင့်ပါတယ် ။ အပြစ်တွေ လှိုင်လှိုင်ပေးမိရင်း အပြစ်တွေနဲ့ သူတို့လေးတွေ ရင်းနီ်ှး အသားကျသွား မှာ စိုးရိမ်မိသားရှင်။ ပန်းပွင့် ဖတ်လေးတွေလို နုနယ်လှတဲ့ ကလေးတွေရဲ့ စိတ်ထဲမှာ ဒဏ်ရာတွေ ခိုတွယ်သွားမှာကိုတော့ လူကြီးများက သေချာ စဉ်းစား သင့်လှပါတယ်ရှင်။  ကျွန်မတို့ရဲ့ ပတ်ဝန်းကျင်မှာ လည်း တချို့ လူကြီးတွေဟာ ကိုယ်လုပ်တဲ့ အလုပ် တစ်ခုအတွက်.. ကောင်းမကောင်း.. သင့်မသင့် အရင် မစဉ်းစားမိတော့ပဲ ကလေးတွေ အပေါ်မှာ အပြစ်ဒဏ်တွေ လွယ်လွယ် ပေးတတ်ကြတယ်၊ ကိုယ့်ရဲ့ ဒေါသတွေကို ကလေးတွေပေါ် ပုံချ ကြတယ်။ ကလေးအမှန်တကယ် ပြုမူမိတဲ့ အကြောင်း ရင်းရဲ့ အတိမ်အနက်ကို သေခြာ မစဉ်းစားမိကြတော့ဘူး။ ဒီလိုနဲ့ အပြစ် ဆို တာ ၀န်ခံလိုက်ယုံနဲ့ ကျေပါတယ် ပြီးရင် ပြန်ကျူးလွန်လည်း ရတာဘဲ ဆိုတဲ့ ကလေးသူငယ်လေးတွေ ဘယ်လောက်တောင် ရှိနေကြ ပြီ လည်း မသိဘူးနော်။

မှတ်ချက် ။ 24 November 2009 မှ ပို့စ်အဟောင်းလေးအား ပြန်လည်သိမ်းဆည်းခြင်း။
ဆန္ဒနဲ့ဘ၀တစ်ထပ်ထဲကျကြပါစေရှင်။
မြသွေးနီ

သတ်ပုံပြိုင်ပွဲ

ဝါရှင်တန်တွင် နိုင်ငံလုံးဆိုင်ရာ စာလုံးပေါင်းသတ်ပုံပြိုင်ပွဲ ၄-ခုမြောက် ပွဲစဉ်ကျင်းပသည့်အခါ တောင်ကယ်ရိုလိုင်းနားပြည်နယ်မှ လက်ရွေးစဉ်တစ်ဦး ဖြစ်သူ ရိုစလီအဲလီယက်အား AVOWAL (၀န်ခံခြင်း၊ အတိအလင်းဖွင့်ဟပြောဆိုခြင်း) ဟူသည့် စကားလုံးကို စာလုံးပေါင်းခိုင်းသည်။

ရိုဇလီက တောင်ပိုင်းသံဝဲ၀ဲနှင့်ပြောလိက်သည့်စာလုံးပေါင်းကို ဒိုင်လူကြီးတွေ မသဲကွဲကြပေ။  L ရှေ့ကစကားလုံးကို  Aနှင့် ပေါင်းသွားလား.. Eနှင့် ပေါင်းသွားလား မဝေခွဲနိုင်ကြ။  အသံဖမ်း တိပ်ခွေပြန်ဖွင့်ပြီး အကြိမ်ကြိမ် ပြန်လည် နားထောင်သော်လည်း  မိနစ်အတော်ကြာသည့်တိုင် ဘယ်လိုမှ ဆုံးဖြတ်ချက် မချနိုင်ပေ။

နောက်ဆုံး ဒိုင်ချုပ်ဖြစ်သူ ဂျွန်လွိုက်က မှန်ကန်သော အဖြေကို သိရဘို့အတွက် ကာရကံရှင် ဖြေဆိုသူကို မေးယုံမှတပါး ကျန်တာမရှိတော့ဟု နောက်ဆုံး.. ဆုံးဖြတ်ချက် ချလိုက်သည်။ L ရှေ့က စကားလုံးကို Aလို့ပြောလိုက်လား.. Eလို့ပြောလိုက်လား.. ဟု သူက ရိုဇလီကို မေးသည်။

ရိုဇလီမှာ သူမနံဘေးတွင် ပြိုင်ပွဲဝင် စာလုံးပေါင်းသမားလေးတွေ ၀ိုင်းရံနေကြရာ အဲ့သည်ကြာသွားသည့် အချိန်မှာတော့ တီးတိုး စကားသံတွေ ကြောင့် စာလုံးပေါင်းအမှန်ကို သိနေနှင့်ပြီဖြစ်၏။ ဒါပေမယ့်..သူက မဆိုင်းမတွ နေရာမှ ထလာပြီး သူစာလုံးပေါင်း မှားသွားကြောင်း၊ Eလို့ ပြော လိုက်မိကြောင်း၊  အနှောင့်နှေးကင်းစွာ ဖြေလိုက်သည်။

ရိုဇလီစင်ပေါ်မှ ဆင်းလာသောအခါ အဲ့သည်နေ့က ပြိုင်ပွဲသတင်းလာယူသည့် သတင်းထောက် တစ်ဒါဇင်ခန့်အပါအ၀င် ပရိသတ်အားလုံးပင် သူမ၏  ရိုးဖြောင့်တည်ကြည်မှုကို လေးစားနှစ်သက်သော သဘောဖြင့် မတ်တပ်ရပ်ကာ လက်ခုတ်သြဘာ ပေးကြလေသည်။

အဲ့သည်နေ့က ပွဲတွင် ရိုဇလီ ဗိုလ်မစွဲခဲ့ပါ။ သို့သော်အောင်နိုင်သူတစ်ဦး ဖြစ်ခဲ့သည်ကား အမှန်ပင်။

ကျွန်မတို့ရဲ့ ပါတ်ဝန်းကျင်မှာလည်း မိမိရဲ့အမှားကို တာဝန်မယူရဲသူတွေကို အမြီးအမောက်မတည့်စွာ တွေ့နေရတတ်ပါတယ်။ သူတို့ကြောင့် စိတ်မသက်မသာ ဖြစ်ကြရပါတယ်။ ကိုယ့်လိပ်ပြာ ကိုယ်ထိတ်လန့်နေသူတွေရဲ့ သမိုင်းဟာ ဘယ်တော့မှ မလှပတတ်ပါဘူး။  သူတို့က ငါတို့တော့ ဘာဆိုဘာမှ မဖြစ်ဘူးလို့ တွင်တွင် ကြွေးကြော်နေပေမယ့် သူတို့ကိုယ်သူတို့တော့ တအိအိနဲ့ ရှုံးနိမ့်နေရတယ်ဆိုတာ သူတို့လောက်အပြင် ဘယ်သူမှ ပိုမသိနိုင်ပါဘူး။ သူတို့တွေထက် ရှုံးနိမ့်သူတွေရဲ့ ဂုဏ်သိပ်က္ခာက ပိုပြီးတော့ မြင့်မြတ်လှပ နေတတ်ပြန်တယ်။  ပိုပြီးတော့လည်း မှတ်ကျောက်တင် ခံနိုင်နေပြန်ပါတယ်..။

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ဆရာဖေမြင့်၏ နှလုံးသားအဟာရ ရသစာများမှ။
မူရင်း - God's Little Devotional Book for Students မှ Spelling Bee
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

မှတ်ချက် ။ 21 November 2009 မှ ပို့စ်အဟောင်းလေးအား ပြန်လည်သိမ်းဆည်းခြင်း။




ဆန္ဒနဲ့ဘ၀တစ်ထပ်ထဲကျကြပါစေရှင်။

မြသွေးနီ

နှောင်ကြိုး

သိမ်မွေ့လွန်းတယ်..
ခိုင်ခန့်လွန်းလို့..။

မမြင်ရဘူး...
တရစ်ပတ်ပတ်တိုးလို့။

အရှိန်အဟုန်ပြင်းတယ်...
နူးညံ့စွာညှို့ငင်လို့။

ကွာဝေးလွန်းတယ်...
အနီးကပ်ဆုံးတွယ်ငြိလို့..။

ကန့်သတ်ချက်မရှိဘူး...
တန်ဘိုး အနဂ္ဂထိုက်တန်လို့.. ။

အရံအတားမရှိဘူး...
ရင်ထဲအထိထုတ်ချင်းခတ်လို့.. ။

တစ်မျိုးထဲရှိတယ်..
အခိုင်ခံ့ဆုံးကြိုး..
ချစ်ခြင်းတွေပန်းလိုသီဖို့...။

<မြသွေးနီ>




မှတ်ချက် ။ 17 November 2009 မှ ပို့စ်အဟောင်းလေးအား ပြန်လည်သိမ်းဆည်းခြင်း။

ဆန္ဒနဲ့ဘ၀တစ်ထပ်ထဲကျကြပါစေရှင်။

မြသွေးနီ

စိတ်ချင်းအဖော်

အဖော်ဆိုတာ ဘယ်လိုဟာမျိုးကို ခေါ်မလဲ....?
ကိုယ့်စိတ်ထဲမှာ ဘာတွေ ခံစားနေရတယ်ဆိုတာကို သိတဲ့သူ…
ကိုယ့်ကို ကိုယ်ချင်းစာနိုင်တဲ့သူ…
ကိုယ့်ကို နားလည်တဲ့သူ…
(နားလည်တယ် ဆိုရာမှာလည်း ကိုယ့်ရဲ့ အကောင်းရော ၊ အဆိုးရော ၊
အားနည်းချက်တွေ အကုန်လုံးကို နားလည်တာကို ဆိုလိုတယ်။)

ကိုယ့်ကို အလကားနေရင်း အပြစ်မတင်တဲ့သူ ၊
အပြစ်မရှာတဲ့သူ ၊ မဝေဖန် မရှုံချတဲ့သူ ၊
အပြစ်မရှာတဲ့သူကို ကိုယ့်အဖော်လို့ ခေါ်တယ် ။
နားလည်တယ်ဆိုတဲ့ ကိစ္စဟာ ရာခိုင်နှုန်းပြည့် ဘယ်တော့မှ မဖြစ်နိုင်ဘူး ။
သို့သော် နားလည်ချင်စိတ်ရှိတယ် ၊ နားလည်ဖို့ကြိုးစားတယ်ဆိုရင်ကိုပဲ
တော်လှပါပြီ ။
အဲဒီလောက် ရှိရင်ကိုပဲ ဒီလူနှစ်ယောက်က အဖော်ဖြစ်လို့ရပြီ ။

စိတ်ချင်းအဖော်လုပ်ဖို့က တကယ် သတ္တိရှိမှ ရတယ် ။ ဟန်ဆောင်မှု မရှိမှ ရမယ် ။
အရိုးသားဆုံးဆက်ဆံရမယ် ။ ပြိုင်ဆိုင်မှု လုံးဝ မရှိရဘူး ။
အဲဒီလို....
မိတ်ဆွေတွေဟာ တွေ့ကြတဲ့အခါ ပစ္စည်းအကြောင်း မပြောဘူး ၊
ပိုင်ဆိုင်မှုတွေ အကြောင်း မပြောဘူး ။
ဘ၀အတွေ့အကြုံတွေ အပေါ်မှာ အခြေခံပြီး တိုးတက်လာတဲ့
ကိုယ့်ရဲ့ အသိဉာဏ် , စိတ်ထား , အတွေးအခေါ်တွေကို ဆွေးနွေးမယ် ။

တစ်ယောက်ကို တစ်ယောက်အနိုင်မယူရဘူး ။
အထင်သေးတာ အထင်ကြီးတာ မရှိရဘူး ။
တစ်ယောက်ကို တစ်ယောက် နားလည်နိုင်ရမယ် ။
တစ်ယောက်ရဲ့ လွတ်လပ်မှုကို တစ်ယောက် အတားအဆီး မဖြစ်စေရဘူး ။
သူ့ကြောင့် ငါ မလွတ်လပ်တာ ၊ ငါ့ကြောင့် သူ မလွတ်လပ်တာ မဖြစ်စေရဘူး ။
နှစ်ယောက်စလုံး လွတ်လပ်မှုဘက်ကို သွားနေရမယ်။
ဒါမှ ” Soul Mate ” ဖြစ်မယ် ။



~~~~~~~~~~~~~~~~~~~~~~~~~~~~~~~~~~~~~~~~~
ဦးဇောတိက (တွေးမိတိုင်း ပျော်တယ်) မှ ကောက်နှုတ်ချက်
~~~~~~~~~~~~~~~~~~~~~~~~~~~~~~~~~~~~~~~~~

မှတ်ချက် ။ 9 November 2009 မှ ပို့စ်အဟောင်းလေးအား ပြန်လည်သိမ်းဆည်းခြင်း။




ဆန္ဒနဲ့ဘ၀တစ်ထပ်ထဲကျကြပါစေရှင်။

မြသွေးနီ

ချောင်းသာကမ်းခြေသို့ရိုက်ခတ်လာတဲ့ကြွပ်ကြွပ်အိတ်အမှိုက်များ

ချောင်းသာ.....ချောင်းသာအကြောင်းပြောမယ်ဆိုရင်..ပထမဦးဆုံး ချောင်းသာနဲ့ထိတွေ့ ခွင့် ပေးတဲ့ ...ကျွန်မရဲ့ အင်္ဂလိပ်စာ ဆရာကြီး လူထု (ဦး)စိန်ဝင်း ရဲ့ မျက်နှာကိုကျေးဇူးတင်စွာနဲ့ ပြေးမြင်မိပါတယ်..။ ကျေးဇူးတင်စွာနဲ့လို့ သုံးနှုန်းမိခြင်းကတော့..ပကတိချောင်းသာရဲ့ သဘာဝအလှတရားကို အဲဒီအချိန်တုန်းက မျက်ဝါးထင်ထင် ထိတွေ့ခွင့်ရခဲ့လို့ပါဘဲ..။

မှတ်မှတ်ရရ ၁၉၉၀ ခုနှစ် မတိုင်မီကာလ..၊ ဇန်န၀ါရီလ ၁၇ ရက်နေ့၊ ကိုယ်တို့ အင်္ဂလိပ်စကားပြောသင်တန်းသူ၊ သင်တန်းသားများအားလုံး ပုဂလိက ၂ထပ်သဘောင်္တစ်စီးနဲ့ ချောင်းသာကို အပန်းဖြေဘို့၊ ဗဟုသုတရဘို့အတွက် ခရီးထွက်ခွင့်ရပါတယ်။ အဲ့ဒီအချိန်က ချောင်းသာ.. ဆိုတာဘာပါလိမ့်လို့ မေးကြည့်တော့ ပင်လယ်ကမ်းခြေဆိုတာထက်ပိုပြီး ဘာမှသိခွင့်မရခဲ့ပါဘူး..။ ဒီနာမည်ကို ကြားလည်းတစ်ခါမှ မကြားဘူးခဲ့ပါဘူး။ ကမ်းခြေဆိုရင်အဲ့ဒီတုန်းက ငပလီနဲ့မောင်းမကန်လောက်သာ ကြားဘူးတာလေ။ ကိုယ်တိုင်ကြတော့လည်း လက်ခုပ်ကုန်းကမ်းခြေကို တစ်ခေါက်တော့ရောက်ဖူးပါရဲ့..။ ဗွက်ခုပ်ကုန်းလို့ ခေါ်စမှတ်ပြုရအောင် ဗွက်ရေတွေနဲ့ပဲ ရသေ့စိတ်ဖြေရေကူးခဲ့ ရတာ။ ခုလို ပင်လယ်ကမ်းခြေတစ်ခုကို သွားခွင့်ရမယ်ဆိုတော့ ပျော်ရွှင်ခဲ့မှုတွေက အတိုင်းအဆမဲ့ပါဘဲ။ ဆယ်ကျော်သက်အရွယ်မို့ အခက်ခဲတွေဟာလည်း ဆရာကြီးနဲ့တကွ ကိုယ့်စီနီယာတွေ ရဲ့ ဦးဆောင်မှု၊ အနစ်နာခံမှု ကြောင့် ပျော်ရွှင်စွာကျော်ဖြတ်ခဲ့ကြပါတယ်။

**************************************

တကယ်တမ်း အဓိကဦးတည်ပြောချင်တာကတော့...အဲ့ဒီအချိန် ၁၉၈၅ ခုနှစ်ကချောင်းသာရဲ့ ပင်ကိုယ် သဘာဝအလှကိုပါ..။

ပုသိမ်မြို့ကိုဖြတ်ကျော်အပြီးလမ်းခရီးတလျှောက် မောင်းဘိဆိပ်ကမ်းကနေ ချောင်းသာအထိ ၂၅မိုင်နဲ့၇ဖာလုံအကွာအဝေးကို ဖုန်တလုံးလုံးကြား မှာ လာခဲ့ရသမျှ စိမ်းမြနေတဲ့ ပင်လယ်ကမ်းခြေကို အုန်းတောတွေကြားက ဘွားကနဲမြင်လိုက်ရတဲ့ မြင်ကွင်းဟာ တကယ့်ကို မြို့ပြနေ ကိုယ်တို့အတွက် ဘယ်လိုမှ စိတ်ထိမ်းနိုင်စရာ မရှိခဲ့ပါဘူး။ အများစုက လူငယ်တွေပီပီ အထုတ်အပိုးတွေ တောင်ကားပေါ်က မချနိုင်တော့ပဲ လှိုင်းလုံးတွေ ကြားထဲကို အပြေးအလွှား ဒရောသောပါး ပြေးဆင်းမိခဲ့ကြတယ်။

ရူရတဲ့လေကအစ လတ်ဆတ်ချိုမြလို့၊ ပတ်ဝန်းကျင်ဘယ်နေရာကြည့်ကြည့် အုန်းတောနဲ့ ကျောက်ဆောင်များ၊ ယခု Lai Lai ၊ Max Hotel ၊ ချောင်းသာဦးဟိုတယ်တို့ရှိနေတဲ့ ကမ်းခြေမျက်နှာစာတလျှောက်မှာ ချောင်းသာရွာလေးရဲ့ ချစ်စရာကျေးလက်ရဲ့ ပျဉ်ကာဓနိမိုးတဲအိမ်လေး တွေကတစ်လုံးနဲ့ တစ်လုံး မလှမ်းမကမ်း၊ လတ်ဆတ်တဲ့ အုန်းရေချိုနဲ့ ပင်လယ်အစားအစာတွေကလည်း မမေ့ရက်စရာ..။ ရွာသူရွာသားတွေရဲ့ ပင်ကိုယ်သဘာဝနဲ့ရိုးသားပျူငှာတဲ့ အပြုံး၊ ဖြူလွှလွှသဲသောင်ပြင်တစ်လျှောက် ဖိနပ်မပါဘဲလျှောက်ရတဲ့အရသာ၊ မြို့ပြမှာဘယ်လိုမှမရနိုင် တဲ့သောင်ပြင်ပေါ်လှဲအိပ်ပြီး မိုးကောင်းကင်ကြီးကို မော့ကြည့်ရတဲ့ အတွေ့အကြုံ၊ ၀င်ကစွတ် ကောင်လေးတွေကို သောင်ပြင်တလျှောက် လိုက်ဖမ်းရတဲ့အတွေ့အကြုံ၊ တွင်းရေကရေချိုကို ငင်လို့ချိုးရတာက အစ.. ပတ်ဝန်းကျင်အသစ်၊ အတွေ့အကြုံအသစ်၊ ပြန်ကာနီးနောက်ဆုံးည သောင်ပြင်ကမီးပုံပွဲကို ပွဲတစ်ခုလိုလာကြည့်နေတဲ့ရွာကကလေး၊လူကြီးပရိသတ်၊ အစ်ကိုတို့ အစ်မတို့ကြတော့ ပျော်လို့..သမီးတို့ကတော့ ဒီပင်လယ်၊ ဒီလှိုင်းတွေကို ရိုးနေပြီရှင့် ..လို့အရိုးခံဆိုတဲ့ ချစ်စဖွယ်ရွာခံကလေးငယ်..၊ အိုး......အရာရာ အားလုံးဟာ တန်ဖိုးရှိနေလိုက်တာ..၊ ရိုးသားဖြူ စင်မှုတွေကဒင်းကြမ်းပြည့်နဲ့.။

အဲ့ဒီနောက်ပိုင်း ချောင်းသာက ကျွန်မကို ငြို့ငင်စွဲယူလိုက်ပါပြီ..။ အားလပ်ရက်ရလို့ ဘယ်သွား မလည်းလို့ ရွေးချယ်လိုက်ရင်  ကျွန်မ.. ရွေးချယ်မိတာက ချောင်းသာခရီးပါဘဲ။ ရန်ကုန်မြို့ကနေ နေ့ချင်းသွားနိုင်တဲ့အပြင် ပင်လယ်ထဲကို နေလုံးကြီး ၀င်ထွက်ချိန်တွေကို မက်မက်မောမော စောင့်ကြည့်တတ်တဲ့.. ပင်လယ်လှိုင်းလုံး ကြီးတွေကို ချစ်မြတ်နိုးတတ်တဲ့ ကိုယ့်အတွက်ကတော့ ချောင်းသာဟာ နှစ်လိုဖွယ်အတိနဲ့ပါ..။ ကိုယ်နဲ့အတူ မိသားစုဝင်အား လုံး ချစ်မြတ်နိုးတဲ့ ချောင်းသာကိုရောက်ခဲ့တာ ခုဆိုရင် (၅) ကြိမ်တိုင်ခဲ့ပါပြီိ..။

**************************************

ယခုနောက်ဆုံးရောက်ခဲ့တာကတော့..ပြီးခဲ့တဲ့ ဧပြီလ ၁၈ ၇က်နေ့ ၂၀၀၉ခုနှစ် ။ ဒီခရီး ကို မြန်မာနှစ်ကူး ၁၀ရက်ရှည်မပိတ်ခင်ထဲက စီစဉ်ထားခဲ့ ရတယ်..။ အလုပ်လက်ကျန်တွေအကုန်ရှင်း၊ ခရီးသွားဘို့အတွက် အစစအရာရာပြင်ဆင်အပြီးမှာတော့ မမျှော်လင့်ဘဲနဲ့ ဘီဂျလီမုန်တိုင်း နဲ့ဆုံပါလေရော..။ စီစဉ်ပြီးရင်မဖြစ်မနေရအောင် လုပ်တတ်တဲ့အကျင့်အတိုင်း ဒီခရီးကို မုန်တိုင်းကြေငြာချက်တွေ ကြားထဲကရအောင် ထွက်ဖြစ်ခဲ့ပါတယ်..။

မုန်တိုင်းအရှိန်နဲ့ မိုးနည်းနည်းရွာတာကလွဲလို့ ခရီးစဉ်က အစစအဆင်ပြေခဲ့ပါတယ်..။ ဒါပေမယ့် ဒီပို့စ်ကို ရေးရလောက်အောင် အဓိက စိတ်ကို အနှောက်အယှက်ဖြစ်စေတာကတော့ ဖြူလွှလွှသဲငွေသောင်တစ်လျှောက် မြုတ်တစ်ဝက်ပေါ်တစ်ဝက် ပြန့်ကျဲနေတဲ့ စွန့်ပစ်ကြွပ်ကြွပ်အိတ်များ ပါဘဲ..။

သဲသောင်နေရာအနှံ့မှာ ၀ါ..စိမ်း..နီ..ပြာ...စွန့်ပစ်ကြွပ်ကြွပ်အိတ်အမှိုက်တွေ..။ အထူးသဖြင့် Lai Lai Hotel ရှေ့ကနေ ဆုတောင်းပြည့်စေတီ လေးနား အထိကတော့ အဆိုးဆုံးပါဘဲ။ ကြွပ်ကြွပ် အိတ် အခွံ တွေကို ဘီယာတန်ခိုးနဲ့မူးဝေနေတဲ့ လူတစ်စုရဲ့ လှောင်သလို ပျက်ရယ်ပြုသံတွေ ကြားကနေ အရူးတစ်ယောက်လို တစ်ခဏတော့ လိုက်ကောက်နေမိ လိုက်ပါသေး တယ်..။ နိုင်ငံခြားသား တိုးရစ်တွေက အဲ့ဒီ အမှိုက်တွေကို ဗွီဒီယိုကင်မရာနဲ့မှတ်တမ်းတင်နေတာကိုလည်း စိတ်မသက်မသာနဲ့တွေ့မြင်ခဲ့ရပါတယ်။ စနည်းနာကြည့်လိုက်တော့.. သင်္ကြန် ပိတ်ရက်အတွင်း အပန်းဖြေသူတွေ ကမ်းလုံးပြည့်လာကြစဉ် ဒီအမှိုက်များကိုစည်းကမ်းမဲ့စွာ သောင်ပြင်တစ်လျှောက် စွန့်ပစ်ခဲ့ကြတယ်လို့သိရပါတယ်..။ သက်ဆိုင်ရာက အမှိုက်ကားတစ်စီးကိုလည်း သောင်ပြင်မှာ အမှိုက်အပြည့်နဲ့ မနိုင်မနင်းသိမ်းဆည်းနေတာကိုလည်း တွေ့ရပါသေးတယ်။

မရောက်ဖြစ်တဲ့ ၂နှစ်အတွင်း ဟိုတယ်အသစ်တွေ၊ Guest House အသစ်တွေ၊ ဘီယာဆိုင်အသစ်တွေ၊ ကာရာအိုကေခန်းတွေနဲ့ ကိုယ် ချစ်မြတ်နိုးတဲ့ ဟောဒီချောင်းသာ ကမ်းခြေဟာ ခေတ်နဲ့အညီ ဖွံ့ဖြိုးတိုးတက်လာသလို တစ်ဘက်မှာတော့ သဘာဝရဲ့ ပင်ကိုယ် အလှအပတွေက တဖြေးဖြေးဆုတ်ယုတ်ပါးရှားလာတာကို ၀မ်းနည်းစဖွယ်တွေ့မြင်ခဲ့ရပါတယ်။ ကျွန်မနှစ်သက်တဲ့ အမြဲတည်းခိုနေကြ ဆေးရောင်စုံလေးနဲ့ လေ၀င်လေထွက်ကောင်းလှတဲ့ ချစ်စရာဘန်ဂလိုလေးတောင် ခေတ်နဲ့လိုက်လျောညီထွေ ပြုပြင်လိုက်လို့ ခုတစ်ခေါက်မှာ အဲကွန်းတပ်အလုံ ပိတ်တိုက်ခန်းတစ်ခုအဖြစ် မွန်းကျပ်စွာ တွေ့မြင်ခဲ့ရပါတယ်။ သောင်ပြင်ပေါ်မှာ အရင်ကမတွေ့တဲ့ ဈှေးဆိုင်ငယ်လေးတွေကလည်း ခုအခါမှာ အစီအရီပါပဲ..။

အဲ့ဒီည....ချောင်းသာကမပြန် ခင်တစ်ညမှာတော့ အိပ်မက်တစ်ခုကို ကျွန်မ မက်ဖြစ်ခဲ့ပါတယ်..။ အိပ်မက်ထဲမှာတော့...ချောင်းသာကမ်းခြေကို ကြွပ်ကြွပ်အိတ် ကင်းမဲ့ဇုံအဖြစ် မီဒီယာတွေ၊ ရုပ်သံတွေက စဉ်ဆက်မပြတ်ပညာပေးလို့...။ ချောင်းသာခရီးသွား မှန်လုံကားတွေမှာလည်း ကြွပ်ကြွပ်အိတ် လုံးဝ ( လုံးဝ) အသုံးမပြုရဆိုတဲ့ သတိပေးစတစ်ကာများကပ်လို့။ ချောင်းသာမြို့အ၀င်.. ကြိုဆိုပါ၏ ဆိုတဲ့ မြိုအ၀င်ဆိုင်းဘုတ်နံ ဘေးမှာ .. " ကြွပ်ကြွပ်အိတ် မသုံးတဲ့ချောင်းသာ " ဆိုတဲ့ Bill Board ကြီးတစ်ခုက ငွါးငွါးစွင့်..လို့..။ ကမ်းခြေတလျှောက်မှာလည်း.. ." ကြွပ်ကြွပ် အိတ်စွန့်ပစ်သူ ဒါဏ်ငွေ တစ်အိတ်..တစ်သောင်းကျပ် " ဆိုတဲ့..ဆိုင်းဘုတ်ငယ်လေးများက မလှမ်းမကမ်းစီမှာ..။ စည်းကမ်းမဲ့ ကြွပ်ကြွပ်အိတ် စွန့်ပစ်သူများကိုတော့ ဓာတ်ပုံနဲ့တကွ ကြော်ငြာဘုတ်မှာ မှတ်တမ်းတင်ထားလျက်..။ စနစ်တကျလေ့ကျင့်ထားတဲ့ ကမ်းခြေသာယာလှပရေးနှင့် သဘာဝထိမ်းသိမ်းရေးအဖွဲ့ရှဲ့ ဆင်တူဝတ်စုံနှင့် ၀န်ထမ်းများမှလည်း ကမ်းခြေတစ်လျှောက်ရှိ အပန်းဖြေဧည့်သည်များနဲ့ ချောင်းသာမြို့ထဲမှာ ရှိတဲ့ ဒေသခံများအား ကြွပ်ကြွပ်အိတ် မသုံးရေး ထိရောက်စွာ ပညာပေးလို့..။

**************************************

တကယ်တော့ ဒီကြွပ်ကြွပ်အိတ်တွေကို သုံးစွဲနေကြတာဟာ ဈေးနှုန်းချိုသာခြင်း၊ လွယ်လင့်တကူ သုံးစွဲနိုင်ခြင်း၊ အပူဒါဏ်ခံနိုင်ခြင်း၊ ပေါ့ပါးခြင်းတို့ကလွဲလို့ ကျန်းမာရေးရှူထောင့်ကပဲ ကြည့်ကြည့်၊ သဘာဝပါတ်ဝန်းကျင်ထိမ်းသိမ်းရေး ရှူထောင့်ကဘဲ ကြည့်ကြည့် ၊ ဘယ်လိုမှ မသင့်တော်ဘူးဆိုတာကို တွေ့ရပါလိမ့်မယ်။ ကောင်းပြီ..။ ဘေးထွက်ဆိုးကျိုးတွေကို ကြည့်ကြည့်ရအောင်..။ သုံးပြီးကြွပ်ကြွပ်အိတ်ခွံများကို မြေမြုတ်စွန့်ပစ်မယ်ဆိုပြန်တော့လည်း မဆွေးမမြေ့နိုင်ပဲ နှစ်ကာလကြာရှည်စွာ တည်ရှိနေနိုင်တဲ့အတွက် တန်ဘိုးရှိလှတဲ့ သဘာဝ မြေဆီသြဇာတွေကို ဆုံးရှုံးစေနိုင်ပါတယ်။ ဒါမှမဟုတ် မီးရှို့ဖျက်စီးပစ်မယ်ဆိုပြန်တော့လည်း မီးရှို့ရာမှထွက်ပေါ်လာတဲ့ မီးခိုးငွေ့တွေထဲမှာ ဓာတုအဆိပ်ငွေ့တွေအတိနဲ့ပါ။ စွန့်ပစ်ကြွပ်ကြွပ်အိတ်ခွံတွေဟာ မြစ်တွေ၊ ချောင်းတွေ ၊အင်းအိုင်တွေမှ တဆင့် သမုဒ္ဓရာတွေထဲအထိ စီးမြော စေကာ ရေထုကိုငြစ်ငြမ်းစေပြီး ရေနေသတ္ဘ၀ါတွေအတွက်လည်း အန္တရာယ်ဖြစ်စေနိုင်ပါတယ်။

ကျွန်မတို့ဆီမှာ ဘာဝယ်စားစား အများစုက ကြွပ်ကြွပ်အိတ်နဲ့သာ ထည့်ပေးပြီး အထူးသဖြင့် နောက်ဖေးလမ်းကြားတစ်လျှောက်၊ အမှိုက်ပုံများ၊ ရေမြောင်းများနဲ့ ကားလမ်း၊ရထားလမ်းတစ်လျှောက်မှာ အရောင်အသွေးစုံ စွန့်ပစ် ကွပ်ကြွပ်အိတ်ခွံတွေကို တွေ့ကြရမှာပါ။ ကြွပ်ကြွပ်အိတ်ထဲမှာ ပူသော အစားအစာတွေ ထည့်စားခြင်းဟာလည်း ကင်ဆာရောဂါဖြစ်ပွားမှုကိုအားပေးစေတယ်လို့သိရပါတယ်။

ဒါကြောင့် အခုအခါမှာ အားလုံးတတ်နိုင်သလောက် R လေးလုံးဖြစ်တဲ့...

Reduce - အသုံးပြုမှုလျှော့ချခြင်း၊
Refuse - အသုံးပြုဘို့ငြင်းဆန်ခြင်း၊
Reuse - ပြန်လည်အသုံးပြုခြင်း၊
Recycle - အသစ်ပြန်လည်ပြုလုပ်ရန်အတွက်စံနစ်တကျစွန့်ပြစ်ခြင်း။

..တို့ကို တတ်နိုင်သရွေ့ မိမိအသိစိတ်ဓာတ်များနဲ့ တစ်နိုင်တစ်ပိုင် ဆောင်ရွက်ကြမယ်ဆိုရင်ဖြင့် ရင်ဆိုင်ကြုံတွေ့နေရတဲ့ ဒီကြွပ်ကြွပ်အိတ်ရဲ့ ဘေးအန္တရာယ်ဆိုးကို မုချကာကွယ်နိုင် လာကြမှာပါ။

တကယ်တော့သဘာဝကပေးထားတဲ့အလှတရားဆိုတာ ဖန်တီးယူလို့ ရစကောင်းတဲ့အရာ မဟုတ်ပါဘူး..။ တန်ဖိုးထားတတ်ဘို့.. မတိမ်ကော မပပျောက် အောင်ထိမ်းသိမ်းထားတတ်ဘို့ အမှန်တကယ် လိုအပ်လှပါတယ်..။ အဲ့ဒီအတွက်..စည်းကမ်းဆိုတာတစ်ဦး တစ်ယောက်ကောင်း ရှိရုံနဲ့မရပါဘူး။ လူတိုင်း ကိုယ်စီစည်းကမ်းရှိဘို့လိုအပ်သလို လူအားလုံးမှာ အသိစိတ်ဓာတ် ကိုယ်စီမြင့်မား ဖို့လည်းလိုပါသေးတယ်။ အသိစိတ် ဓာတ်ဆိုတာကလည်း သူတစ်ပါးက လာရောက်လုပ်ယူပေးလို့ ရတဲ့အရာမျိူးမဟုတ်ပါဘူး။ မိမိရဲ့ ရင်ထဲ စိတ်သဏ္ဍာန်ထဲမှာ လက်ခံကျင့်သုံးပါမှ ရတာမျိူးပါ။ အထူးသဖြင့် မိမိတိုင်းပြည်ရဲ့ သဘာဝအလှတရားတွေကို ဒီလိုစည်းကမ်းမဲ့ခြင်းမျိူးနဲ့ မလဲလှယ်စကောင်းပါဘူး။ ဟိုး.. ကြွပ်ကြွပ်အိတ် မပေါ်ခင်ကာလများစွာက အစားအသောက် တော်တော်များများကို စလူရွက်၊ ဗန်ဒါရွက်၊ အင်ဖက်နံ့ တသင်းသင်းနဲ့ ထုပ်ပိုးစားခဲ့ရတဲ့ အရသာကို ပြန်လည်တမ်းတမိပါတယ်..။ ဒါပေမယ့် ကြွပ်ကြွပ်အိတ်တို့၊ တစ်ခါသုံးဖော့ဘူးခွံတို့ကို ခေတ်ရဲ့ လိုအပ်ချက်အရ အသုံးပြုနေရပေမယ့် စည်းစနစ်တကျ အသိစိတ်ဓာတ်လေးနဲ့ သေချာစွန့်ပစ်မယ်ဆိုရင်ဖြစ် မိမိကိုယ်တိုင် တစ်ပိုင်တစ်နိုင် ပတ်ဝန်းကျင်သာယာလှပရေးအတွက် တာဝန်ယူနေပါလားဆိုတဲ့ ပီတိလေးကို မလွှဲမသွေမုချ ခံစားရမှာပါ..။

ဆန္ဒနဲ့ဘ၀တစ်ထပ်ထဲကျကြပါစေရှင်။




မြသွေးနီ

Failure

Failure doesn't mean you are a failure...
It does mean you haven't succeeded yet

Failure doesn't mean you have accomplished nothing...
It does mean you have learned something

Failure doesn't mean you have been a fool...
It does mean you had a lot of faith

Failure doesn't mean you have been disgraced...
It does mean you were willing to try

Failure doesn't mean you don't have it...
It does mean you have to do something in a different way

Failure doesn't mean you are inferior...
It does mean you are not perfect

Failure doesn't mean you've wasted your life...
It does mean you've got a reason to start afresh

Failure doesn't mean you should give up...
It does mean you should try harder

Failure doesn't mean you'll never make it...
It does mean it will take a little longer



မှတ်ချက် ။ 7 November 2009 မှ ပို့စ်အဟောင်းလေးအား ပြန်လည်သိမ်းဆည်းခြင်း။




ဆန္ဒနဲ့ဘ၀တစ်ထပ်ထဲကျကြပါစေရှင်။

မြသွေးနီ

စိတ်ချမ်းသာအောင်

စိတ်ချမ်းသာအောင်နေတတ်သူတွေမှာ ရှိတဲ့ အချင်းအရာ လက္ခဏာတွေဟာ ဘာတွေလဲ။
စိတ်ချမ်းသာအောင် နေတတ်တဲ့သူဟာ-

Boldness: သတ္တိရှိတယ်။ ဆုံးဖြတ်ရဲတယ်။ ပြောရဲတယ်။ လုပ်ရဲတယ်။
Brightness: အသိဉာဏ် တောက်ပြောင်တယ်။
Cheerfulness: ရွှင်လန်းတယ်။
Common sense: ပင်ကိုယ်ဉာဏ်ရှိတယ်။
Confidence: ကိုယ့်ကိုယ်ကို ကိုယ် ယုံကြည်မှုရှိတယ်။
Control: မိမိကိုယ်ကို ထိန်းသိမ်းနိုင်တယ်။ အခြေအနေကို ထိန်းသိမ်းနိုင်တယ်။
Enthusiasm: စိတ်အားထက်သန်တယ်။ တက်ကြွတယ်။
Forgiveness: ခွင့်လွှတ်နိုင်တယ်။
Friendliness: ခင်ခင်မင်မင် ဆက်ဆံတတ်တယ်။
Gratitude: ကျေးဇူးသိတတ်တယ်။ တန်ဖိုးထားတတ်တယ်။ အသိအမှတ်ပြုတယ်။
Joyousness: ကြည်လင်ရွှင်လန်းတယ်။
Kindness: ကြင်နာတတ်၊ ညှာတာတတ်တယ်။
Mental fitness: စိတ်ဓာတ် ကြံ့ခိုင်တယ်။
Optimist: အကောင်းမြင်တယ်။ အဖြစ်ကိုမြင်တယ်။ အပြုသဘောရှိတယ်။
Patience: စိတ်ရှည်တယ်။ စောင့်ထိန်းနိုင်တယ်။
Peacefulness: စိတ်ငြိမ်းချမ်းတယ်။
Power: စိတ်စွမ်းအားကြီးတယ်။
Productiveness: အလုပ်များများလုပ်နိုင်တယ်။
Wisdom: ဉာဏ်ပညာရှိတယ်။

ဒီအရည်အချင်းတွေ ဒီဂုဏ်တွေကြောင့် စိတ်ချမ်းသာတဲ့သူဟာ အခက်အခဲတွေကို ရင်ဆိုင် ကျော်လွှားနိုင်တယ်။ အခက်အခဲကို ရင်ဆိုင် ဖြေရှင်းရ တာကို သဘောကျတယ်။

မှတ်ချက် ။ 7 November 2009 မှ ပို့စ်အဟောင်းလေးအား ပြန်လည်သိမ်းဆည်းခြင်း။

ဆန္ဒနဲ့ဘ၀တစ်ထပ်ထဲကျကြပါစေရှင်။




မြသွေးနီ

ကွတ်ကီသူခိုး

တစ်ည...
လေဆိပ်တစ်ခုမှာ အမျိုးသမီးတစ်ယောက် လေယာဉ်စောင့်နေသည်။  သူစီးရမည့် လေယာဉ်က နာရီပေါင်းများစွာ ကြာအောင်စောင့်ရဦးမည်။ လေဆိပ်က ဆိုင်မှာ သူစာအုပ်တစ်အုပ်ရှာသည်။ ပြီးတော့ ကွတ်ကီးတစ်ထုတ်ဝယ်ကာ တစ်နေရာမှာ ကျောက်ချထိုင်နေလိုက်သည်။

စာအုပ်ကို သဲသဲမဲမဲ ဖတ်နေရင်းက သူတစ်ခု သတိထားမိလာသည်။ ကြည့်စမ်း။ သူမနံဘေးက လူသည် အတင့်ရဲလှချည်လား။ သူတို့ နှစ်ယောက် ကြားမှာ ရှိနေသည့် သူမရဲ့ ကွတ်ကီထုတ်ထဲက ကွတ်ကီတွေ တစ်ခုလား.. နှစ်ခုလား နှိုက်ယူသည်။  အင်း.. သိပ်ပြီး တော့..ဆာများနေလို့လား..? ပြောမနေချင်သည်နှင့် သူမလည်း မသိချင်ယောင် ဆောင်နေလိုက်မိသည်။

အမျိုးသမီး စာဆက်ဖတ်သည်။ ကွတ်ကီကိုလည်း မြုံ့သည်။   မကြာခဏ နာရီကိုလည်း ကြည့်ရသည်။ အတင့်ရဲလှသည့် ကွတ်ကီသူခိုးကြောင့် သူ့အထုတ်ထဲရှိ မုန့်က လျှော့သထက် လျှော့လာသည်။ နာရီစက်သံ တစ်ချက်ချက်ရွေ့သည်နှင့်အမျှ သူ့စိတ်ကလည်း တိုသထက်တိုလာသည်။

" အင်း..ငါ့လို သဘောကောင်းတဲ့ သူမို့သာပေါ့..နို့မို့ မျက်ခွက်ကို ပိတ်ကိုထိုးမိမှာ.." သူ့စိတ်ထဲက ကျိတ်ရေရွတ်သည်။

သူ့စိတ်ထဲ ဘယ်လိုနေနေ ဟိုလူကတော့ ကွတ်ကီတစ်ခု ကိုယ်နှိုက်လျှင်သူလည်းတစ်ခုနှိုက်သည်။ နောက်ဆုံး ထုတ်ထဲ ကွတ်ကီတစ်ခုဘဲကျန် သည့်အခါ ဒီလူ ဘာလုပ်မလည်းဟု အမျိုးသမီးက စောင့်ကြည့်မိသည်။  ကြည့်စမ်း မျက်နှာမှာအပြုံးစနှင့် ခတ်ဟက်ဟက် တစ်ချက်ရယ်လျှက် သူက နောက်ဆုံးကွတ်ကီကို  နှိုက်ယူလိုက်ကာ  နှစ်ပိုင်းပိုင်းလိုက်သည်။

ပြီးမှ အမျိုးသမီးကို တစ်ပိုင်းပေးပြီး ကျန်သည့်တစ်ပိုင်းသူစားသည်။ အမျိုးသမီးက သူကမ်းပေးသည့်တစ်ပိုင်းကို ဆတ်ကနဲဆွဲယူပြီးစဉ်းစားသည်။
" ကြည့်စမ်းပါဦးတော်..ဒီလူကရဲတင်းယုံမက..ရိုင်းလည်းရိုင်းသေးတယ်၊ ကျေးဇူးတင်တဲ့ အမူယာတောင်တစ်စက်လေးမှပြဖော်မရဘူး.." အမျိုး သမီး စိတ်မှာ ဒီလောက်ကြိတ်မနိုင် ခဲမရ၊ အခံရခက်တာမျိုး တခါမျှမကြုံဘူးခဲ့။

လေယာဉ်ခရီးစဉ်ခေါ်ပြီဆိုတော့မှ ဒီလိုလူလက်က ငါတော့ လွတ်ပြီ ကျွတ်ပြီဟု စိတ်ထဲအများကြီးပေါ့ပါးသွားပြီး သက်ပြင်းချမိသည်။ သူများ ကွတ်ကီနှိုက်စားပြီး ကျေးဇူးတင်စကား တစ်ခွန်းမျှပြောဖော်မရသည့်အဲ့ဒီလူကို တစ်ချက်မျှပင်လှည့်မကြည့်နေဘဲ ကိုယ့်အိတ်တွေဆွဲပြီး လေယာဉ် ထွက်မည့်ဂိတ်ဆီ သူထွက်လာမိတော့သည်။

လေယာဉ်ပေါ်ရောက်သည်။ ထိုင်ခုံမှာထိုင်ချလိုက်ပြီး ပြီးခါနီးစာအုပ်ကို ဆက်ဖတ်ရန် အိတ်ထဲနှိုက်သည်။ အဲ့သည်အခါကျမှ သူအကြီးအကျယ် အံအား သင့်ကာ ဟယ်ကနဲ ဖြစ်သွားရသည်။ သူဝယ်လာသည့် ကွတ်ကီထုတ်က သူ့ဆီမှာဘဲရှိနေသည်။

" ငါ့အထုတ်ကဒီမှာဆိုရင်........... ဟိုဟာက..သူ့အထုတ်ပေါ့..........."

အမျိုးသမီး အကြီးအကျယ် စိတ်ဓာတ်ကျသွားသည်။

" လက်စသတ်တော့...သူ..ငါ့ကို..စားပါစေလို့..ပေးနေတာကိုး...."

ဟိုလူ့ကို သူအကြီးအကျယ် အားနာသွားသည်။ ခုမှလည်း..တောင်းပန်ဘို့..မဖြစ်နိုင်တော့..။ သူမ စိတ်မကောင်းခြင်းကြီးစွာ ဖြစ်သွားမိသည်။ ခုတော့ . ...... သူမသာလျှင်.....ရိုင်းသောသူ.....  သူမသာလျှင်....သူတစ်ပါးမုန့်ကိုခိုးစားသောသူ.... နောက်... သူမက... ကွတ်ကီသူခိုး.......။

{ ကျွန်မတို့ပါတ်ဝန်းကျင်မှာလည်း ဒီလို သံတူကြောင်းကွဲ အလားတူဖြစ်ရပ်မျိုးတွေ  ရှိနေတတ်ပါတယ်..။  ပြသနာတစ်ခုကို ရင်ဆိုင်ကြုံ ရချိန်မှာ  အားနာစိတ်နဲ့ လတ်တလောပွင့်ပွင့်လင်းလင်း မဖြေရှင်းမိခြင်းမျိုး..၊ အခြေနေတစ်ခုကိုသေခြာမသုံးသတ်ဘဲလွယ်လွယ်နဲ့ ကောက်ချက် ချမိတာမျိုး..၊ တဘက်လူကို အပေါ်ယံကြည့်ပြီး အထင်အမြင်သေးမိတာမျိုး...၊ တဘက်လူရဲ့ စေတနာကို ဂရုမပြုမိတဲ့အတွက်.. အချိန်လွန်ကာမှ နောင်တရမိကြတာမျိုး..၊ တွေ့ကြုံမိရတတ်ပါတယ်..။  ဒီတော့... အခြေအနေကို သေခြာ သုံးသပ်ပါ.. ပွင့်လင်းပါ..အတူတကွ ရင်ဆိုင်ဖြေရှင်းရင်... ရလာဒ်ကောင်းတွေ မလွဲမသွေ ရလာကြ မှာအမှန်ပါဘဲ..။ }

~~~~~~~~~~~~~~~~~~~~~~~~~~~~~~~~~~~~~~~~~~~~~~~~
မူရင်း ။ Valerie Cox ၏ Chicken Soup For The Soul မှ The Cookie Thief
ဘာသာပြန် ။ ဆရာဖေမြင့် ၏ နှလုံးသားအဟာရ ရသစာများ မှ ကွတ်ကီသူခိုး
~~~~~~~~~~~~~~~~~~~~~~~~~~~~~~~~~~~~~~~~~~~~~~~~

မှတ်ချက် ။ 2 November 2009 မှ ပို့စ်အဟောင်းလေးအား ပြန်လည်သိမ်းဆည်းခြင်း။

ဆန္ဒနဲ့ဘ၀တစ်ထပ်ထဲကျကြပါစေရှင်။
မြသွေးနီ

စကား

ကျွန်မတို့တွေဟာ နေ့တစ်ဓူဝ စကားတွေပြောဆိုကြရတယ်..။ မိသားစုအချင်းချင်းပြောကြတယ်..။ မိတ်ဆွေတွေနဲ့ပြောကြတယ်..။ လုပ်ငန်းခွင်ထဲ မှာ လုပ်ဖော်ကိုင်ဘက်တွေနဲ့ အချင်းချင်းနဲ့ပြောကြတယ်..။ ချစ်သူခင်သူတွေနဲ့လည်းအပြန်အလှန်ပြောကြတယ်..။

စကားတွေပြောရင်းနဲ့ပဲ....ရင်းနှီးခွင့်တွေရတယ်..သိလိုတာတွေသိခွင့်ရတယ်..။ မိတ်ဆွေတွေတိုးပွားကြရတယ်..။ ချစ်သူ ခင်သူတွေနဲ့လည်း ဆုံခွင့်တွေ့ခွင့် ရခဲ့ကြတယ်..။  စကားတွေပြောရင်းနဲ့ပဲ....ငြင်းခုံခွင့်တွေရကြတယ်..။ အယူအဆတွေဖလှယ်ခွင့်ရတယ်..။ စကားတွေပြောရင်း နဲ့ပဲ...အမုန်းတွေ ပွားရတယ်...။ အရင်းနှီးဆုံးမိတ်ဆွေတွေကနေ..အမုန်းဆုံးသူတွေလည်းဖြစ်ကြရတယ်..။

စကားတွေကတော့ပြောနေကြတာဘဲ...။  စကားတစ်ခွန်းကြောင့်ပဲ... စိတ်ချမ်းမြေ့မှုတွေရရှိသွားတယ်..။ စိတ်ဓာတ်ခွန်အားတွေလည်း တိုးလာရ တယ်..။  ထောင်မတ်သွားတဲ့ ဘ၀တွေလည်းရှိခဲ့တယ်..။  လက်လွတ်စပယ်ပြောလိုက်တဲ့..စကားတခွန်းကြောင့်.. တဘက်သားကို ထိခိုက်နစ်နာ ရတယ်..။  ဘ၀တွေလည်း ပျက်ကြရတယ်..။

စကားတစ်ခွန်းကြောင့်ပဲ..စစ်မက်တွေဖြစ်ပွားရတယ်..။ စကားတွေပြောကြရင်းနဲ့ပဲ..ငြိမ်းချမ်းရေးတွေတည်ဆောက်ခွင့်ရကြတယ်..။ စကားတွေ ပြောရင်းနဲ့ပဲ.. ။  နှုတ်ဖျားလေးဟလိုက်ယုံနဲ့... အူဘယ်နှစ်ခွေရှိတယ် ဆိုတာသိနိုင်သလို... လျှာအရိုးမရှိတိုင်း လျှောက်ပြောနေတယ်...စကား.. စကားပြောဖန်များ..စကားထဲကဇာတိပြ ။ နှုတ်တစ်ရာ စာတစ်လုံး..ဆိုတာတွေကလည်း.. စကားတွေပြောရင်းရလာတဲ့ စကားပုံတွေဘဲလေ...။

စကားတွေကို...

အပျင်းပြေ ပြောနေသင့်လား..။  စကားဆိုတာ... လိုအပ်မှရော မပြောသင့်ဘူးလား..။  စကားတွေကို.. ချင့်ချိန်ပြီး မပြောသင့်ဘူးလား..။ စကားတစ်ခွန်း မပြောခင်.. ပြောသင့်ရဲ့လား.. ပြောခွင့်ရှိရဲ့လား... ပြောဘို့ရောလိုလို့လား.... ဆိုတာ.. စဉ်းစားမိကြလား..။ ကိုယ်ပြောလိုက်တဲ့ စကားတွေကြောင့်.... ရလာတဲ့ ရလာဒ်တွေကိုရော.. ခံယူဘို့ အသင့်ဖြစ်ကြပြီလား..?  ကိုယ်ပြောလိုက်တဲ့ စကားကိုရော.. တာဝန် ယူရဲကြရဲ့လား..? အပြောနဲ့ အလုပ်ရော ညီကြရဲ့လား..? ကိုယ်ပြောလိုက်တဲ့ စကားတစ်ခွန်းကြောင့် ရလာတဲ့ အပေါ်မှာရော.. စိတ်သန့်သန့်နဲ့ မုဒိတာ ပွားနိုင်ရဲ့လား..? ပြောခွင့်မရလိုက်ရဘဲ.. မြိုသိပ်ပြီး နေလိုက်ရလို့... ရလာတဲ့ ရလာဒ်တွေကရော ခါးသီးနေမလား....? ဒါမှမဟုတ်... ချိုမြိန်ရဲ့လား..?

ကဲ... ကျွန်မနဲ့အတူ စဉ်းစားကြည့်ရအောင်လား..?

( ဒီပို့စ်လေးဟာ ၃၀.၁၀.၂၀၀၉ မှာ  အွန်လိုင်းမှာ ရေးခဲ့တဲ့ ကျွန်မဘ၀ရဲ့ ပထမဦးဆုံးသော အွန်လိုင်းပေါ်က ဘလော့ဂ်ပို့စ် အဟောင်းလေးပါရှင်။ )

ဆန္ဒနဲ့ဘ၀တစ်ထပ်ထဲကျကြပါစေရှင်။

မြသွေးနီ