စိတ်လိပ်ပြာ

အို… လှလိုက်တာ…။ ကြည့်စမ်းပါဦး။ အသွေးအရောင်စုံ လိပ်ပြာလေးတွေက ပျံဝဲနေလိုက်ကြတာ..။ ပြာလဲ့နေတဲ့ မိုးသားကောင်းကင်ပြင်ကျယ် ကြီးကို နောက်ခံထားလို့။ တောင်ပံလေးတွေ တစ်ဖျတ်ဖျတ်ခတ်ကာ..။ ဟိုမှသည်ကို ၀ဲပျံလို့… ။ ထိုမှတဖန် သည်မှ ဟိုကို.. ၀ဲပျံလို့။ အုပ်စုလိုက် ပျံသူကပျံ၊ တစ်ကောင်ထဲ ပျော်မြူးသူကမြူး၊ ချစ်ဖော်နဲ့ နွှဲပျော်သူက နွှဲပျော်နဲ့ပေါ့။ အရောင်အသွေးမျိုးစုံနေတဲ့ ပန်းပေါင်းစုံ လှိုင်လှိုင်ဖူးပွင့်နေတဲ့ ပန်းခင်းကြီးက ချစ်စရာလိပ်ပြာငယ်လေးများအတွက်တော့ ၀တ်ရည်သောက်သုံးခွင့် မ၀နိုင်စရာ။ ဟိုသည်ဝဲပျံလို့ မညည်းငွေ့နိုင်စရာ။ ဒါပေမယ့် သူတို့လေးတွေက သက်ရှိလိပ်ပြာတွေမဟုတ်။ ဒါဆို.. ဘာတွေလဲ..။ ကောင်းကင်ပြင်ကျယ်ကြီးနဲ့ အလားသဏ္ဍန်တူတဲ့ ရုပ်နာမ်နှစ်ပါး၊ ဓာတ်ကြီးလေးပါးနဲ့ တည်ဆောက်ထားတဲ့ ကျွန်မတို့ရဲ့ ခန္ဓာကိုယ်ကြီးထဲက အငြိမ်မနေ ပြေးလွှားနေကြတဲ့ စေတသိတ် စိတ်လိပ်ပြာရောင်စုံတွေ ပဲပေါ့။ စိတ်ရောင်စုံ အမျိုးမျိုး အကြားမှာ စိတ်လိပ်ပြာရောင်စုံတွေက တ၀ဲလည်လည်နဲ့ ၀ဲပျံနေကြတာ။

လူတွေ တစ်ဦးချင်းစီမှာရှိကြတဲ့ စိတ်တွေရဲ့ သဘာဝကို ကျွန်မစိတ်ဝင်စားနေမိတာကြာပါပြီ။ စိတ်လိပ်ပြာတွေမှာ အဇ္ဈတ္တလို့ခေါ်တဲ့ အတွင်းစိတ်နဲ့ ဗဟိဒ္ဓလို့ခေါ်တဲ့ အပြင်စိတ်တွေက ကျွန်မတို့ရဲ့ ခန္ဓာကိုယ်ကြီးကို ပူးတုံခွာတုံနဲ့ လှည့်ပတ်မွှေနှောက်လေ့ရှိတယ်လို့ ဖတ်ထားဖူးပါတယ်။ ကျွန်မတို့တွေရဲ့ အဇ္ဈတ္တကို မထိမ်းချုပ်လိုက်နိုင်ခင်မှာပဲ ရုပ်ဆိုတဲ့ ခန္ဓာကိုယ်ကြီးက ကောင်း၏ မကောင်း၏၊ သင့်၏ မသင့်၏ မစဉ်းစားမိလိုက်တော့ပဲ ဗဟိဒ္ဓအားကိုးနဲ့ လုပ်ဆောင်မိလိုက်တာမျိုး။ တစ်ခါတစ်ခါမှာတော့ အဇ္ဈတက ထိန်းချုပ်လိုက်နိုင်လို့ ကျွန်မတို့ မလုပ်သင့်၊ မလုပ်ထိုက်တာတွေကို ထိန်းချုပ် ရှောင်လွှဲနိုင်ခဲ့ကြတာ။ တကယ်တော့ လုပ်သင့်၊ မလုပ်သင့်ဆိုတာကလည်း စိတ်ဆိုတဲ့ တရားသူကြီးကပဲ ရုံးတစ်ထိုင်နဲ့ဆုံးဖြတ် အမိန့်ချသွားတာမျိုးပါ။

လူတစ်ကိုယ် စိတ်တစ်မျိုးလို့ ဆိုထားလေတော့ စိတ်ထားကောင်းသူ၊ စိတ်ရှည်သူ၊ စိတ်မြန်သူ၊ စိတ်တိုသူ၊ စိတ်ဆတ်သူ၊ မျှတစိတ်ရှိသူ၊ စိတ်အေးသူ၊ စိတ်မာသူ၊ စိတ်ပျော့သူ၊ စိတ်နူးညံ့သူတွေ ရှိကြသလို တစ်ကိုယ်ကောင်းစိတ်ရှိသူ၊ အတ္တစိတ်ကြီးသူ၊ အစွန်းရောက်စိတ်ရှိသူ၊ စိတ်ပုတ်သူ၊ အထင်သေးစိတ်ရှိသူ၊ ယုံကြည်မှုစိတ်လွန်ကဲသူ၊ စိတ်ထားယုတ်ညံ့သူ၊ စိတ်ဓာတ်အောက်တမ်းကျသူ၊ စိတ်ဓာတ်မပြည့်ဝသူ၊ စိတ်အညှိုးကြီးသူ၊ စိတ်မူမမှန်သူတွေကိုလည်း ရှိတတ်ကြပါတယ်။ ကျွန်မ မသိတဲ့ တခြားစိတ်အမျိုးအစားတွေလည်း ရှိကြဦးမှာပါ။ ဒီလို စိတ်အမျိုးအစားတွေကို နာမည်ပေး ကင်ပွန်းတပ်တတ်ပြီး အခုလို စိတ်တွေက ဘာလို့များ ကွဲပြားလာကြတာလည်းလို့ ကျွန်မစဉ်းစားမိတယ်။ သက်ရှိ၊ အသိဥာဏ်ရှိတဲ့ လူသားတွေရဲ့ သူတို့ကိုယ်တိုင် ပြုမူဆောင်ရွက်ကြမှု၊ သူတို့ရဲ့ ပင်ကိုယ်သန္ဓေစိတ်၊ သူတို့ရပ်တည်ရာ၊ ကြီးပြင်းရာပတ်ဝန်းကျင်တွေက မြစ်ဖျားခံကာ စေ့ဆော်ပေးလာကြတာများလားလို့ ကျွန်မစဉ်းစားမိပါတယ်။ အသိဥာဏ်မရှိလေတဲ့ အဟိတ်တရိစ္ဆာန်များတောင် ဒေါသစိတ်၊ လောဘစိတ်၊ မနာလိုစိတ်… စတဲ့ စိတ်တွေ အမျိုးမျိုးရှိနိုင်တယ်လို့ သိထားဘူးပါတယ်။

စိတ်ဆိုတာမျိုးက ထိန်းချုပ်ဖို့ ခက်ခဲလှပြီး ဒီလို ထိန်းချုပ်ဖို့ ခက်ခဲနေတဲ့ စိတ်တွေကပဲ လူတွေရဲ့ ခန္ဓာကိုယ်ထဲ စုန်ချီဆန်ချီ ကူးလူးဝဲပျံ နေလိုက်တာ များ လိုက်လို့ကိုမမှီနိုင်ပါဘူး။ ဒီအသက်အရွယ်မှာ စိတ်အမျိုးမျိုးနဲ့ လူတော်တော်များကို တွေ့ခဲ့ရဘူးပြီ။ တချို့လူတွေက ရှူးဂါးကုတ်တက်လုပ် ထားတဲ့ ဆေးခါးတောင့်ကြီးလို အပေါ်ယံစကားက ပျားသကာနှယ်ချိူလို့ ၀မ်းတွင်းတော့ ပုတ်စပ်နေတတ်ပြန်တယ်။ တချို့ကြပြန်တော့ ပါးစပ်ပေါက်ဆိုးတယ်ဆိုပေမယ့် အတွင်းစိတ်လေးတွေက ဖြူစင်နေပြန် ရော။ ဒီနေရာမှာ တစ်မျိုးပြော၊ နောက်တစ်နေရာမှာ တစ်မျိုးပြော မရိုးနိုင်အောင်၊ အပ်ကြောင်းမထပ်အောင် ပြောတတ်သူများလဲ တွေ့ဘူးသလို၊ အပြောကတော့ ရွှေမန်းတင်မောင်ရှုံးရဲ့၊ ကတာကြတော့ ချိုမိုင်မိုင်ဆိုတဲ့ သူငယ်နာမစင်သူများကိုတွေ့ရပြန်တော့ ထိုသူတွေအတွက် မချိပြုံးနဲ့ အော့နှလုံးနာမိရပြန်တယ်။ အပြောမဟုတ် လက်တွေ့လုပ်သူ၊ စာနာထောက်ထားစိတ်ရှိသူ၊ သဘောဖြူ မနောဖြူသူ၊ မဟုတ်မခံ ဖြောင့်မတ်သူ၊ ကိုယ့်အကျိူးမငဲ့ပဲ အများအကျိုးလုပ်ဆောင်သူများကို တွေ့ရပြန်တော့ လေးစားအားကျ အတုယူချင်စိတ်တွေ ဖြစ်လာမိရပြန်ရော။

ကျွန်မတို့ရဲ့ စိတ်တွေကပဲ ကျွန်မတို့ကိုပြန်ပြီး ရုပ်လုံးဖော်ပေးနေကြပါတယ်။ အိမ်ကနေ မနက်ထွက်လာထဲက စိတ်တွေဆိုးပြီး ထွက်လာလိုက်တာ လမ်းမှာ ခလုပ်တိုက်၊ ဘတ်စ်ကားပေါ်မှာ အဆင်မပြေ၊ ရုံးရောက်တော့ လူကြီးရဲ့ အကြိမ်းခံရ၊ မနက်မိုးလင်းထဲက စပြီး အဆင်မပြလိုက်တာဟာ တစ်နေ့လုံး ဘာလုပ်လုပ် အဆင်မပြေဘူးရယ်လို့ ကြုံဘူးကြမှာပါ။ အမှန်က ကိုယ့်ရဲ့စိတ်ကပဲ ကိုယ့်ကိုပြန် ဆင်ခြေကန်နေတာပါ။ လောကကြီးက ကြေးမုံပြင်တစ်ချပ်ပါ။ ကျွန်မတို့ရဲ့ အတွင်းစိတ်မှာ ဘာတွေခံစားနေရသလဲ။ အပြင်ဘက်မှာ အဲ့ဒါကို ကျွန်မတိ်ု့ တွေ့နိုင်ပါတယ်။ ကျွန်မတို့ရဲ့ ဘ၀တွေကို မညှိနိုင်တာဟာ ကျွန်မတို့ရဲ့ အတွင်းစိတ်ကို မပြောင်းလဲဘဲ အပြင်ဘက်က အကြောင်းတွေကို လိုက်ညှိနေကြလို့မဟုတ်ပါလား။

ရုံးမှာ လုပ်ဖော်ကိုင်ဖက်တွေက မဖော်ရွေဘူး။ စိမ်းကားကြတယ်။ င့ါဆိုဘယ်တော့မှ မလေးစားကြဘူး။ ငါမရှိရင် ငါ့အကြောင်းတွေများ ဘာတွေ ပြောနေကြမလဲ။ အဲ့ဒါတွေတွေးပူပြီး အလုပ်ကပြောင်းယုံနဲ့တော့ အဆင်ပြေမှာ မဟုတ်ပါဘူး။ ကိုယ့်ကိုယ်ကိုသာ ကျွန်မတို့ပြောင်းလဲရမှာပါ။ လောကကြီးက ကျွန်မတို့အတွေးတွေရဲ့ ပုံရိပ်တစ်ခုပါပဲ။ ထက်မြက်ပြီး ပျော်ပျော်နေတတ်သူတွေက ထက်မြက်ပြီး ပျော်ပျော်နေတတ် သူတွေနဲ့ပဲ အများဆုံး တွေ့ဆုံရတတ်ပါတယ်။ ပျော်စရာကာလတွေကို ပိုင်ဆိုင်ရ သူဟာ ပျော်စရာအချိန်တွေရှိဖို့ပဲ မျှော်လင့်နေတော့မှာပေါ့။

တချို့ကြပြန်တော့ စိတ်ကိုလိုသလို အရောင်ပြောင်းတတ်ကြပြန်တယ်။ မကောင်းတာ၊ မဟုတ်တာ၊ မလုပ်သင့်တာဆိုတာ အသိဥာဏ်နဲ့ သိနေပေမယ့် အသိခေါက်ခက် အ၀င်နက် ဆိုသလို၊ အတ္တစိတ်၊ လောဘစိတ်၊ ၀န်တိုစိတ်နဲ့ အနိုင်ယူလိုစိတ်တွေ လွှမ်းခြုံပြီး မကောင်းမှုဆိုတာ ဆိတ်ကွယ်ရာမရှိ ဆိုတာကို သိသိကြီးနဲ့ ဇွတ်မှိတ် လုပ်တတ်ကြတာမျိုး လည်းရှိပါတယ်။ မဖုံးနိုင်၊ မဖိနိုင် ပေါ်လာပြန်ရင်တော့ ခပ်ပြောင်ပြောင်ပဲ ငြင်းဆန်၊ မှန်တာတွေရော၊ မမှန်တာတွေပါ ရောနှောလို့ ဇာတ်လမ်းပမာတွေဆင်ပြီး ဟို၊ သည်.. လွှဲချတတ်ပြန်လေရော။ ဒီလိုလူစားမျိုးတွေကြပြန်တော့ ဒီမကောင်းမှုကို လုပ်နေရင်းကပဲ သူတို့ ကိုယ်တိုင်က မဟုတ်တာကို အဟုတ်လို့ တဖြေးဖြေးနဲ့ စိတ်မှာထင်လာပြီး အရိုးစွဲဓလေ့ ဖြစ်လာကြတယ်။ တဒင်္ဂလေးမှာ အံဝင်ခွင်ကျနဲ့ မိမိစိတ်ကိုရော၊ အခြားသူတွေရဲ့ စိတ်တွေကိုရော လှည့်ဖျားနိုင်ပေမယ့် စိတ်မာရသွန် ယှဉ်ပြိုင်ကြတဲ့ အခါမှာတော့ တာထွက်ကောင်းပေမယ့် သက်လုံ့မကောင်းကြလေတော့ ပန်းမ၀င်နိုင်ပဲ နောက်ဆုံးမှာ ပန်းတိုင်ကိုမရောက်ခင် အမောတွေသာဆို့ကြရပါတယ်။ ဒီအခါမှာတော့ အရာရာဟာ ဥဒေါင်းငှက်တောင်ပံကို ဖြန့်လို့ ၀င့်ကြွားစွာနဲ့ ကနေသလို အရှေ့က ကနေတာလေးကတော့ လှပါဘိတောင်း။ ခန္ဓာကိုယ် အနောက်ပိုင်းကတော့ အကာကွယ်မဲ့စွာနဲ့ အရှက်ရနေစေတော့တာပေါ့။

လောကကြီးက သူ့အလုပ် သူလုပ်နေတာပါ။ ကျွန်မတို့ရဲ့ စိတ်တွေက ပေးသမျှ၊ တွေ့သမျှ၊ လွယ်လွယ်ရသမျှ လက်ခံယူနေလို့ မဖြစ်နိုင်ပါဘူး။ လူဆိုတာ ကိုယ့်သမိုင်းကို ကိုယ့်ရဲ့စိတ်နဲ့ ကိုယ်တိုင်ပုံဖော်ပြီး ရေးသားနေကြတာမျိုးပါ။ ကိုယ်ဘာတွေရေးခဲ့တယ်ဆိုတာကို ကိုယ်တိုင်ကလွဲလို့ ဘယ်သူမှ မသိနိုင်ပါဘူး။ ကိုယ်ရဲ့ စိတ်လိပ်ပြာက ကိုယ့်ကို ပြန်ခြောက်လှန့်ခံနေရတာမျိုးကြောင့် အိပ်ရေးမ၀ဘူးဆိုရင်တော့ မကောင်းလှတော့ ပါဘူး။ ဒါကြောင့် စိတ်လိပ်ပြာများရယ်.. တောင်ပံ အစုံကိုဖွင့်လို့ ဒီခန္ဓာကိုယ်ကြီးထဲမှာ လွတ်လွတ်လပ်လပ် ၀ဲပျံချင်သလောက် ၀ဲပျံလိုက်ကြစမ်းပါ။ ဒါပေမယ့် လောကရဲ့အလှကို ညှိုးနွမ်းထိခိုက်စေမယ့်၊ လူ့ပတ်ဝန်းကျင်ကို အကျိုးမပြုစေမယ့်၊ မိမိကိုယ်ကို မိမိနစ်မွန်းစေမယ့် ညစ်နွမ်းတဲ့ လိပ်ပြာလေးများတော့ မဖြစ်ချင်လိုက်ကြစမ်းပါနဲ့။ အားလုံးမဟုတ်တောင် အနည်းဆုံးတော့ ကောင်းမွန်တဲ့စိတ်နဲ့ လိပ်ပြာလုံတဲ့ဘ၀နဲ့ ဖြူစင်တဲ့ ပတ်ဝန်းကျင်ကို တည်ဆောက်စေချင်မိပါရဲ့။ လှပတဲ့ စိတ်လိပ်ပြာလေးတွေနဲ့ လူတိုင်းကိုယ်စီ အိပ်ရေး၀၀ အိပ်နိုင်ခွင့်ရကြရင် ဘယ်လောက်များ ကောင်းလိုက်လေမလဲနော်။          ။

ဆန္ဒနဲ့ဘ၀တစ်ထပ်ထဲကျကြပါစေ။

အဖိုးဦးပြုံးချို ဆေးရုံတင်လိုက်ရခြင်း

Save The Aged အဖွဲ့အတွက် အမှတ်စဉ်(၁၆) အင်တာဗျုးလေးတင်ဖို့ပြင်ဆင်နေတုန်း အဖွဲ့ဝင်ညီမလေးစနိုးက သတင်းပေးလာတယ်။ ၂၈လမ်းက အဖိုးကို အခုပဲ ဆေးရုံတင်လိုက်တယ်တဲ့။ ကျွန်မရင်ထဲ ဒိန်းကနဲ ဖြစ်သွားရတယ်။ ဒါနဲ့ အဖိုးရဲ့ ရာဇ၀င်ကို ပြန်လှန်လှောလိုက်တော့ ကျန်းမာရေးမကောင်းသူ အဖိုးဦးပြုံးချို ဖြစ်နေတာ သိလိုက်ရတယ်။ ဒါနဲ့ ဆေးရုံရောက်နေတဲ့ တာဝန်ခံများကို ဖုန်းဆက် သတင်းမေး၊  အွန်လိုင်းမှာ ရှိနေတဲ့ ပြည်တွင်း၊ ပြည်ပအဖွဲ့ဝင်တွေဆီ သတင်းပို့..နဲ့  ကျွန်မစိတ်တွေ ပြာယာခတ်သွားရတယ်။ စိတ်ကို အအေးဆုံးပြန်ထား အဖွဲ့ရဲ့ဆိုက်ဖြစ်တဲ့ www.savetheaged.com မှာ ချက်ချင်း အဖိုးအတွက် သတင်းပို့စ်တစ်ပုဒ်ကို အောက်ပါအတိုင်း တင်လိုက်မိပါတယ်။

၂၈လမ်းမှ အဖိုးဦးပြုံးချို ဆေးရုံတင်လိုက်ရခြင်း

Save The Aged အဖွဲ့ရဲ့ ကိုယ်စားမိဘအဖြစ် တာဝန်ယူစောင့်ရှောက်ထားသော အဖိုး ဦးပြုံးချို (၇၅) နှစ်၊ ၂၈လမ်း ကုန်သွယ်ရေး၊ သမ၀ါယမမှာ ညစောင့်အဖြစ် လုပ်ကိုင်ရင်း မှီခိုနေထိုင်ရသူသည် ကျန်းမာရေးအခြေအနေ ယိုယွင်းလာပါသဖြင့် ယနေ့သုခဆေးခန်းတွင် ပြသရာ အသည်းအခြေအနေမကောင်းခြင်း၊ သွေးပေါင်ချိန် အလွန်အမင်းတက်နေခြင်းကြောင့် ချက်ချင်းဆေးရုံတင်ရန် ညွှန်ကြားလာပါသဖြင့် ယနေ့ညနေ အချိန်တွင် အလုပ်သမားဆေးရုံသို့ ချက်ချင်းတင်လိုက်ရပါသည်။ အဖိုးမှာ ယခုသတင်းရချိန် ၅နာရီခွဲအချိန်တွင် ဆေးရုံအရေးပေါ်ဌာနတွင် ဆရာဝန်ကြီးများ၏ ကြီးကြပ်မှုနဲ့ ဆေးကုသခံယူနေရပါသည်။ အဖွဲ့မှ တာဝန်ခံ ကိုဗေဒါဇော်၊ ကိုဝေယံမင်းတို့မှ အနီးကပ်စောင့် ပေးနေကြပါသည်။ လောလောဆည် Save The Aged (S'pore) မှ မသိဂီ င်္၏ အဖိုးအတွက် ရည်ရွယ် လှူဒါန်းထားသော ငွေကျပ် ၅သောင်းကို စတင်သုံးစွဲပေး နေပါသည်။

အဖိုးမှာ မည်သည့် အသုံးအဆောင်ပစ္စည်းမျှမရှိပါ။ အဖိုးအတွက် ၀တ်ဆင်ရန် အိကျီ င်္၊ ပုဆိုး နှင့် မျက်နှာသုတ်ပုဝါမှစပြီး အစစအရာရာ လိုအပ်နေပါ သည်။ ဆေးရုံတက်ရမည့် လူမမာတစ်ဦးလိုအပ်သည့်အရာများ အားလုံးလိုလို ဘာမျှမရှိပါ။ အဖွဲ့ဝင်များ၏ စာနာမှု၊ ပြုစုမှု၊ ဖေးမမှုများ မုချ လိုအပ်လျှက်ရှိနေပါပြီ။

အဖိုးကို ညအိပ်စောင့်ရန် အဖွဲ့ဝင်ယောကျာ်းလေးများက တာဝန်ယူစီစဉ်ပေးလျှက်ရှိပါသည်။ အဖိုးနေထိုင်ရာရုံးမှလည်း ဆေးရုံဆင်းလာပါက ဘိုးဘွားရိပ်သာတစ်ခုခုတွင် ထားရှိပေးရန် ပြောလာပါသဖြင့် အဖွဲ့မှ လိုအပ်သည်များ ဆက်လက် စီစဉ်ပေးသွားမှာ ဖြစ်ပါသည်။

အဖွဲ့မှာ အဖိုးဦးပြုံးချို၏ ကျန်းမာရေးအခြေအနေကောင်းမွန်သည်အထိ ဆေးကုသပေးသွားမှာဖြစ်ပြီး အဖိုးရဲ့ ကျန်းမားရေး အခြေအနေ ထူးခြားမှုများကို အဖွဲ့ဝင်များသို့ ဆက်လက်သတင်းထုတ်ပြန်ပေးသွားပါမည်။

အဖိုးဦးပြုံးချို နေကောင်းကျန်းမာလာဖို့အတွက်  Save The Aged အဖွဲ့ဝင်များအားလုံးနဲ့အတူ ၀ိုင်းဝန်းဆုတောင်းပေးကြပါစို့...။


Save The Aged ( ရန်ကုန်) မှ သတင်းထုတ်ပြန်ပေးပါသည်။

အဖွဲ့က စောင့်ရှောက်ထားတဲ့ အဖိုး၊ အဖွားတွေထဲမှာ အဖိုးအဖွားတွေ မကျန်းမာလို့ ဆေးကုသပေးခဲ့ရတာမျိုးရှိခဲ့ပေမယ့် ယခု အဖိုးဦးပြုံးချိုကတော့  ပထမဆုံး အတွေ့အကြုံအနေနဲ့ ဆေးရုံတင်ဖြစ်ခြင်းပါ။ အဖိုးတစ်ယောက် အဖွဲ့ဝင်များရဲ့ မေတ္တာနဲ့ ပြန်လည် ကျန်းမာလာပါစေလို့ ကျွန်မရင်ထဲ တဖွဖွ ဆုတောင်းမိနေပါတော့တယ်။

အဖွဲ့ရဲ့ဆိုက်ဖြစ်တဲ့ ဒီနေရာလေးမှာလည်းဝင်ရောက်ဖတ်ရှုနိုင်ပါတယ်ရှင်။

ဆန္ဒနဲ့ဘ၀တစ်ထပ်ထဲကျကြပါစေ။

အပြီးမသတ်သောပုံပြင်

ကုတင်ပေါ်က သားရဲ့ မျက်နှာဝင်းပပက ဖြူလွှလွှခေါင်းအုံးထဲမှာ နစ်မြုပ်နေတယ်။ အိပ်ရာထဲမှာ ပက်လက်အိပ်လျှက်ကနေ မေမေ့မျက်နှာကို မော်ကြည့်လျှက် ပုံပြင်နားထောင်ဖို့ကို သားက အဆင်သင့် အနေအထားဖြစ်နေတယ်။ မေမေကတော့ သားရဲ့နဘေးမှာ ၀မ်းလျားမှောက် အိပ်လျှက်က သားရဲ့ ဆံပင်ပျောပျော့လေးတွေကို ညင်သာစွာ ပွတ်သပ်ပေးရင်း ဒီတစ်ညအတွက် ပုံပြင်လေးတစ်ပုဒ်ကို သားရဲ့ မျက်နှာကို စေ့စေ့ကြည့်လို့ အခုလို အစချီပြောပြလေတယ်။

………………@@@………………

ဟိုးရှေးရှေးတုန်းက ကျေးငှက်တိရစ္ဆာန်နဲ့ တောကောင်ငယ်အများစုသာ နေထိုင်တဲ့ သာယာလှပတဲ့ တောအုပ်ငယ်လေးတစ်ခုမှာ တိရစ္ဆာန်လေးတွေဟာ အချင်းချင်း အတူတကွ ပျော်ရွှင်ညီညွတ်စွာနဲ့ နေထိုင်ကြသတဲ့ကွယ်။ အဲ့ဒီတောအုပ်လေးကို စည်းစံနစ်တကျ အုပ်ချုပ်နေတဲ့သူကတော့ ပညာရှိ ဦးဇီးကွက်ကြီးပဲပေါ့။ ဦးဇီးကွက်ရဲ့ ဆုံးဖြတ်မှု၊ ဆုံးမမှုအောက်မှာ တိရစ္ဆာန်လေးတွေ အားလုံးဟာ သင့်မြတ်ပျော်ရွှင်စွာ နေထိုင်ကြသတဲ့ကွယ်။ ဖြူဖွေးတို့ ယုန်မိသားစုဟာလည်း ဒီတောအုပ်လေးထဲမှာ စံပြလို့ပြောလို့ရအောင် နေထိုင်ကြတဲ့ မိသားစုလို့ ပြောလို့ရတယ်ကွဲ့။

တစ်နေ့မှာ တစ်ဖက်တောအုပ်ကြီးထဲက မြေခွေးဖိုးရှုပ်ဟာ ဖြူဖွေးတို့ရှိတဲ့ တောအုပ်ငယ်လေးထဲကို ရောက်လာလေတယ် ။ တကယ်တမ်းက ဖိုးရှုပ်ဟာ သူနေထိုင်ရာတောကို စွန့်ခွာထွက်ပြေးရင်း လေလွင့်လာကာ ဖြူဖွေးတို့ရှိရာ တောအုပ်လေးထဲကို မျက်စေ့လည် လမ်းမှားပြီး ရောက်လာခဲ့တာကွဲ့။ သူနေခဲ့တဲ့ တောအုပ်ကြီးထဲမှာ သူ့ထက်အားနည်းတဲ့ တိရစ္ဆာန်တွေကို ညှာတာမှုမဲ့ လွန်လွန်ကျူးကျူး ဖမ်းဆီးသတ်ဖြတ် စားသောက်လို့ တောဘုရင် ကေသရာဇာခြသေ့င်္မင်းကိုယ်တိုင် ပြန်မလာရအမိန့်နဲ့ မြိုင်ရပ်ကနေ နှင်ထုတ်ခြင်း ခံထားရသူပေါ့ကွယ်။

ဒီလိုနဲ့ မြေခွေးဖိုးရှုပ်တစ်ကောင် ယုန်လေးဖြူဖွေးတို့ မိသားစုရှိရာ တောအုပ်ကို ရောက်ပြန်တော့လည်း ဗီဇဟောင်းက မဖုံးဖိနိုင်ပဲ တိရစ္ဆာန်ငယ်လေးများကို တစ်နေ့တစ်မျိုးကျ ဖမ်းယူစားသောက် ပွဲတော်တည်နေလေသတဲ့။ ဖြူဖွေးတို့ရဲ့ အေးချမ်းနေတဲ့ တောအုပ်လေးလဲ အရင်လို မဟုတ်တော့ပဲ မြေခွေးဖိုးရှုပ်ကြောင့် ပူပန်ရ၊ ကြောက်ရွံ့ရ၊ သောကတွေပွေလို့ ရုတ်ရုတ်သည်းသည်း ဖြစ်နေရတော့တာပေါ့ကွယ်။ တောကောင်ငယ်လေးတွေ ဖြစ်နေတာရော၊ နဂိုထဲက အေးအေးဆေးဆေးနေတတ်တဲ့ တိရစ္ဆာန်လေးတွေပဲရှိတာကြောင့် ဖိုးရှုပ်ရဲ့အန္တရာယ်ကို ဘယ်လို ကာကွယ်ရမှန်း မသိကြပေမယ့် အားလုံးက သတိအနေအထားနဲ့ ရင်တမမရှိကာ နေနေရတာပေါ့ကွယ်။ အေး… ဒီလိုနဲ့ မြေခွေးဖိုးရှုပ်လည်း တစ်နေ့တမျိုးနဲ့ ဖမ်းယူစားသောက်ရင်းက တစ်နေ့မှာတော့ “ ငါ ယုန်သားမစားဘူးသေးဘူး။ ယုန်သားက ချိုတယ်။ အရသာရှိတယ်လို့ ငါကြားဖူးတယ်။ အင်း… ဒီနေ့တော့ ယုန်သားကို ရအောင် ဖမ်းစားရမယ် ” ဆို သံဓိဋ္ဌာန်ချလို့ ယုန်ရှာဖွေထွက်ခဲ့သတဲ့ကွယ်။

မြေခွေးဖိုးရှုပ်ရဲ့ တီးတိုးကြိမ်းဝါးသံကို ခေါက်ရှာငှက်လေးက သစ်ပင်ပေါ်ကနေကြားပြီး တောအုပ်ငယ်ထဲမှာ ရှိသမျှ ယုန်မိသားစုများကို လိုက်လံသတိပေးသတဲ့။

“ ယုန်မိသားစုများအားလုံး သတိဝီရိယနဲ့သာ နေပေတော့။ မြေခွေးဖိုးရှုပ်တော့ ဒီတစ်ခါ ယုန်သားစားမယ်လို့ ကြိမ်းဝါးနေသံကြားရတယ် ”

ခေါက်ရှာငှက်လေး သတိပေးလို့ ပညာရှိဦးဇီးကွက်အပါအ၀င် တောထဲက တိရစ္ဆာန်ငယ်လေး တွေအားလုံးဟာ ဖိုးရှုပ်လာရင် သူ့ရန်က ဘယ်လို ကာကွယ်ရမယ်ဆိုတာ ကြိုတင်ပြင်ဆင်ကြလေသတဲ့။

ဒီလိုနဲ့ တိရစ္ဆာန်ငယ်လေးတွေက ညီညွတ်ပြီး စည်းစည်းလုံးလုံးရှိနေကြတော့ ဖိုးရှုပ်လည်း ယုန်လေးတွေကို ဘယ်လိုပဲ ရှာဖွေစားစား ရှာမတွေ့ဘူးတဲ့။ တွေ့ပြန်တော့လည်း အပြေးမြန်လွန်းတဲ့ ယုန်ကလေးတွေကို သူမိအောင် ဘယ်လိုနည်းနဲ့မှ မဖမ်းနိုင်ဘူးတဲ့ကွယ်။ တစ်နေ့မှာတော့..

“ ယုန်သားကို မဖြစ်ဖြစ်တဲ့နည်းနဲ့ရအောင်စားမယ်။ ငါတစ်ကောင်ထဲ မဖမ်းနိုင်ရင် အရင်ငါနေခဲ့တဲ့ တောအုပ်က အပြေးမြန်တဲ့ ကိုကျားကြီးကို အသုံးချပြီး ဖမ်းခိုင်းရမယ် ” ဆို ဥာဏ်နီဥာဏ်နက်ထုတ်ပြီး ကိုကျားကြီးဆီသွားလို့…

“ ကိုကျားကြီး.. ကျုပ်အခုနေနေတဲ့ တောအုပ်က ဖမ်းစားစရာ တောကောင်တွေ ပေါမှပေါဗျာ။ တစ်နေ့ဘယ်နှစ်ကောင်စားချင်သလဲ။ စိတ်ကြိုက်အလွယ်တကူနဲ့ကို ဖမ်းစားလို့ရတယ်ဗျာ။ ကျုပ်စားဖူးတဲ့ အထဲမှာတော့ ယုန်သားလောက်ကောင်းတဲ့ အသားဘယ်မှာမှ မတွေ့ဘူးဗျို့။ ချိုအိပြီး နူးညံ့နေလိုက်တာများဗျာ အခုပြောနေရင်း သွားရည်များတောင်ယိုလာတယ်။ ကိုယ့်မိတ်ဆွေရင်းမို့ စားစေချင်လွန်းလို့ အခုလို တကူးတကန့်လာပြောတာဗျ။ ကျုပ်နဲ့ လိုက်ခဲ့ပြီး ယုန်သားလေး လာလွှေးလှည့်စမ်းပါဗျာ ” လို့ မြေခွေးတို့မာယာတွေ ပေါပေါလှိုင်လှိုင် ထုတ်သုံး၊ မက်လုံးတွေပေးပြီး ကိုကျားကြီးကို ဒီဘက်တောအုပ်ငယ်ဆီကို လှည့်ဖျားခေါ်လာခဲ့သတဲ့။

ကိုကျားကြီးကလည်း တစ်ခါမှ မစားဘူးတဲ့ ယုန်သားကို စားချင်မိတဲ့စိတ်နဲ့ လိုက်ခဲ့ရပေမယ့် မြေခွေးဖိုးရှုပ်ရဲ့ စဉ်းလဲတဲ့ စိတ်ထားကို အရင်ထဲက သိထားလေသူဆိုတော့ မသွားခင်မှာ…

“ ဒီမှာ ဖိုးရှုပ်.. ဒီတောထဲမှာ နာမည်ပျက်မရှိအောင် ငါနေခဲ့တာ မင်းအသိနော်။ ငါ့တောမှာ ငါ့သိက္ခာနဲ့ငါနေနေတာ။ အေး.. ဒါပေမယ့် မင်းခေါ်လို့ ငါ အားနာပြီးလိုက်ခဲ့မယ်။ ဒါပေမယ့် မင်းနဲ့ ဒီအတိုင်းတော့ ငါမလိုက်နိုင်ဘူး။ ငါ.. မင်းကို မယုံကြည်ဘူး။ တစ်ခုခုဆို ငါ့ကိုထားပြီး မင်းကိုယ်လွတ်ရုန်း ထွက်မပြေးသွားနိုင်အောင် မင်းရဲ့အမြှီးနဲ့ ငါ့ရဲ့အမြှီးကို အတူတူ ကြိုးနဲ့ ပူးပြီးချည်နှောင်ထားမှဖြစ်မယ် ”

ကိုကျားကြီးစကားလည်းဆုံးရော မြေခွေးဖိုးရှုပ်လည်း …

“ကိုကျားကြီးကလည်းဗျာ.. မြေခွေးကို မယုံကြည်သလိုလို ဘာလိုလိုနဲ့။ ကဲ.. ကဲ စိတ်ကြိုက်သာလုပ်ပါဗျာ။ ခင်ဗျားကို ကျွန်တော်က မဟုတ်တာပြောပါ့မလားဗျ ” ဆိုပြီး အမူပိုပိုနဲ့ပြောကာ အမြှီးနှစ်ခု ပူးချည်တာကို အောင့်သီးအောင့်သက် နဲ့ ခံလိုက်ရလေသတဲ့။

ဒီလိုနဲ့ သူတို့နှစ်ကောင် အမြှီးနှစ်ခုပူးလျှက်နဲ့ တစ်ဖက်တောအုပ်ငယ်လေးဆီကို လာနေတာကို တွေ့တဲ့အခါ ကင်းစောင့်နေကြ ခေါက်ရှာငှက်ငယ်လေးက “ ရန်သူဟာ အခုအခါ တစ်ကောင်ထဲ မဟုတ်ပဲ နှစ်ကောင်ပူးလာနေပါပြီ..။ အားလုံးသတိပြုကြပါလို့ ” တစ်တောလုံးကို သတိလိုက်ပေး လေသတဲ့။

မြေခွေးဖိုးရှုပ်နဲ့ ကိုကျားကြီးလည်း သူတို့ပစ်မှတ်ဖြစ်တဲ့ ယုန်မိသားစုကို ဖမ်းစားဖို့ သွားရည် တမြှားမြှားနဲ့ လိုက်ရှာကြသတဲ့ကွယ်။ ကံဆိုးချင်လေတော့ ယုန်ဖြူဖွေးတို့ မိသားစု ပုန်းအောင်းရာ နေရာကို နောက်ဆုံးမှာ သူတို့ရှာတွေ့သွားသတဲ့။  ဖြူဖွေးလည်း “ အလို.. မြေခွေးနဲ့အတူ ကျားကြီးတစ်ကောင်ပါ ပါလားပါရော့လား။ အပြေးသန်တဲ့ ကျားကြီးပါလာတော့ ငါတို့အရင်လို ပြေးလို့လွတ်မယ်မထင်ဘူး။ ဒီတော့ ဥပ္ပါယ်တစ်မျှင်သုံးမှ ” ဆိုပြီး … မြေခွေးဖိုးရှုပ်နဲ့ ကျားကြီးတို့ကြားရအောင် ..

“ ကိုကြီးမြေခွေးဖိုးရှုပ်က စေတနာကောင်းတယ်နော်။ ဟိုဘက်တောအုပ်က ကျားကြီးကို ဒီနေ့ ငါတို့ဆီ ညာခေါ်၊ ထောင်ခြောက်ဆင်ဖမ်းပြီး အရသာရှိတဲ့ ကျားသားကျွေးမယ်တဲ့။ ကျားကြီးကို ငါတို့ တစ်တောလုံးက ၀ိုင်းဖမ်းဖို့ စောင့်နေကြတာ။ သူက အခုထက်ထိ မလာသေးပါလားကွ ” လို့ အော်ပြောလိုက်လေတယ် ။

တစ်ချိန်ထဲမှာပဲ ကြိုတင်ပုန်းအောင်းနေတဲ့ ပညာရှိ ဦးဇီးကွက်ဦးဆောင်တဲ့ တောကောင်ငယ်များက ဆူဆူညံညံအသံများ တစ်ပြိုင်နက်ထဲပြုလုပ်ပြီး  ညာသံပေးကာ ထွက်လာကြတယ်။

“ ဖမ်းဟ၊ ဆီးဟ ..။ ဒီကျားကို အလွတ်မပေးနဲ့။ မိတာနဲ့ အရေခွံဆုတ် စားပစ်မယ် ”

ယုန်ဖြူဖွေးရဲ့ အသံကိုကြားလိုက်ပြီးတာနဲ့ မမျှော်လင့်တဲ့ ဆူဆူညံညံ တောခြောက်သံတွေကြောင့် ကိုကျားကြီးလည်း မြေခွေးဖိုးရှုပ် သူ့ကိုထောင်ခြောက်ဆင် ဖမ်းပြီထင်ပြီး တစ်ဖက်တောအုပ်ရှိရာကို ဖ၀ါးနဲ့ ခြေတစ်သားထဲကျအောင် ပြေးပါလေတော့သတဲ့ကွယ်။ ဒါပေမယ့် ခုနက အမြှီးကို အတူတူ ပူးချည်နှောင်ထားလေတော့ မြေခွေးငရှုပ်လည်း သူ့ထက် ခွန်အားကြီးတဲ့ ကိုကျားကြီးရဲ့ ထွက်ပြေးရာကို မလွန်ဆန်နိုင်တော့ပဲ လမ်းတစ်လျှောက် ရှိသမျှခလုပ်တွေကို ပွတ်တိုက်လို့  ပွန်းပဲ့ဒါဏ်ရာများနဲ့ သွေးအလိမ်းလိမ်းထွက်ကာ အနောက်ကနေ ဒရွတ်တိုက်ပါသွားရရှာ လေသတဲ့ကွယ်။

ပုံပြင်လေးကတော့ ဒါပါကွယ်..။

………………@@@………………

မေမေက ပုံပြောပြီးသွားလို့ သားရဲ့ကျောလေးကို ပွတ်လို့သိပ်ဖို့လုပ်ပေမယ့် သားကတော့ မအိပ်နိုင်ရှာပဲ အမေးအမြန်းထူတဲ့ အရွယ်ပီပီ သူသိချင်တာလေးများကို မေးပါလေတော့တယ်။

“ မေမေ.. မြေခွေးက စိတ်ကောင်းမရှိလို့ ခံရတာပေါ့နော် ”

“ အေးပေါ့ သားရဲ့။ ဒါကြောင့် စိတ်ထားကောင်းရင် ကံကောင်းတတ်တယ်လို့ မေမေသားကို ပြောပြောနေတာပေါ့ ”

“ ယုန်လေးက ဥာဏ်ရှိတယ်နော် မေမေ ”

“ ဟုတ်တယ်သား။ သား သတိမထားမိလိုက်တာ တစ်ခုမေမေပြောပြမယ် ။ သားကျောင်းမှာလည်း သင်ရမှာပေါ့။ ယုန်က အသားစားသတ္တ၀ါလား၊ အသီးအရွက်စား သတ္တ၀ါလား ”

“ အသီးအရွက်စား သတ္တ၀ါပါ မေမေ ”

“ အေး.. ယုန်လေးဖြူဖွေးက ဥာဏ်သုံးပြီး မြေခွေးဖိုးရှုပ်တော့ ဒီနေ့ အရသာရှိတဲ့ ကျားသားကျွေးမယ် လို့ ပြောလိုက်တယ်နော် ”

“ ဟာ.. ဟုတ်တယ်နော်။  ယုန်က အသားမစားတာကို ကျားကြီးက သတိမေ့သွားပုံရတယ်နော် ”

“ သတိမေ့တာက ယုန်မဟုတ်ဘူး သားရဲ့။ မြေခွေးနဲ့ကျားက မေ့သွားတာ။ သူတစ်ပါးအပေါ် ဒုက္ခရောက်စေချင်တဲ့ စိတ်ကများလာတော့ မွှန်ထူပြီး အမှန်နဲ့အမှား၊ လုပ်သင့်၏ မသင့်၏ကို ဝေဖန်ပိုင်းခြားနိုင်စွမ်း မရှိတော့ဘူးပေါ့။ ဒါကြောင့် သူများမကောင်းကြံ ကိုယ်သာခံ..ဆိုတဲ့ စကားပုံဖြစ်လာတာပေါ့။ မေမေတို့ ဘုရားဟောမှာလည်း ကံ..ကံ၏အကျိုးရှိတယ် သားရဲ့။ ကိုယ်ပြုတဲ့ကံက ကိုယ့်ထံတစ်ချိန်မှာ ပြန်ကို ရောက်လာတတ်တယ်။

သားကငယ်သေးတော့ ဒီလိုပြောရင် နားထွေးနေလိမ့်မယ်။ ကဲ.. ဒီလက်ကိုင်မှန်လေးဝိုင်းကို သားယူကြည့်ပြီး မှန်ထဲကို ပြုံးပြကြည့်စမ်း။ သား...ဘာတွေ့လည်း မေမေ့ကို ပြောပြ ”

“ သား ပြုံးနေတဲ့ပုံကို ပြန်မြင်ရတယ် မေမေ ”

“ ဒီတစ်ခါ သားက မှန်ထဲကို မဲ့ပြကြည့်လိုက်ပါဦး။ ဘာတွေ့ရလဲ ”

“ သား မဲ့နေတဲ့ပုံ ပြန်မြင်ရတယ် မေမေ ”

“ အေး.. သားပြုံးရင် မှန်ထဲက သားပုံရိပ်ကပဲ သားကို သားပြုံးသလို ပြန်ပြုံးပြတယ်။ အဲ့ဒီလိုပဲ သားမဲ့ပြတော့ မှန်ထဲက သားပုံရိပ်က သားကို ပြန်မဲ့ပြတယ်နော် ”

“ ဟုတ်ကဲ့ မေမေ ”

“ အေး.. ဒီမှန်ကို ကြည့်သလိုပဲ သားက ကောင်းတာကိုလုပ်ရင် ကောင်းတဲ့အကျိုးကို သားပဲပြန်ခံစားရမယ်။  မကောင်းတာကို သားလုပ်ရင် မကောင်းမှုက သားဆီပြန်ရောက်လာလိမ့်မယ် ”

“ သား သဘောပေါက်ပြီမေမေ။ ကျားကြီးက သူငယ်ချင်းပေါင်းမှားသွားတာပေါ့နော် ”

“ ဟုတ်တယ်သား။ မကောင်းတဲ့ သူငယ်ချင်းကြောင့် ကိုယ်ပါ ဒုက္ခတွေ့ရတတ်တယ်။ မကောင်းမှုဆိုတဲ့ ညစ်ပတ်နံစော်နေတဲ့ အညစ်အကြေး အထုတ်ကြီးကို ပိုက်ထားမယ့်အစား အဝေးမှာ သွားလွှတ်ပစ်ရမယ်။ မဟုတ်ရင် သားကိုယ်မှာ အနံ့ဆိုးတွေ စွဲကပ်နေမှာ သေချာတာပေါ့..။ မဟုတ်ဘူးလား.. သား ”

“ ဟုတ်ကဲ့ပါ မေမေ..။ ဒါနဲ့ မြေခွေးက ကျားကြီးပြေးရာနောက် ဒရွတ်တိုက်လိုက်ရင်း နောက်ဆုံးကျတော့ သေသွားရောလား မေမေ..  ”

“ အင်း.. မေမေလည်း အဲ့ဒါသိချင်နေတာ ။ မြေခွေးဆိုတာမျိုးက အသက်ပြင်းတယ်လေ.. သားရဲ့..။ ဒီတော့ သေမသေ မေမေလည်း တပ်အပ်မပြောနိုင်ဘူးပေါ့ သားရယ်။ ကဲ..ကဲ.. ဥာဥ့်နက်ပြီ။ မေမေ့သားလေး အိပ်တော့နော် ”

မေမေက သားရဲ့နဖူးပြင်လေးကို ဖွဖွလေးငုံ့မွှေးလိုက်တယ်။ သားရဲ့ မျက်တောင်လေးများက တဖြည်းဖြည်းနဲ့ မှေးစင်းလို့လာတယ်။ သားက နှစ်နှစ်ခြိုက်ခြိုက် အိပ်ပျော်သွားပေမယ့် မေမေ့ရဲ့ အတွေးထဲမှာတော့ သားကိုပြောပြတဲ့ ပုံပြင်က အပြီးမသတ်နိုင်သေးဘူး။

ဆန္ဒနဲ့ဘ၀တစ်ထပ်ထဲကျကြပါစေ။

ဆည်းဆာရိပ်မှ ပုံရိပ်များ

အဖွဲ့ဝင်အဟောင်းအများစုပါဝင်တဲ့ ကျွန်မတို့ Save The Aged အဖွဲ့ဝင် ထက်ဝက်ခန့်ဟာ ၁၉.၉.၂၀၁၀ နေ့ " သုခရိပ်မြုံ " ကို သွားတဲ့နေ့မှာပဲ မလှမ်းမကမ်းမှာရှိတဲ့ ဂီလာနဘိုးဘွားများကို စောင့်ရှောက်ထားရာ၊ Save The Aged အဖွဲ့မှ လစဉ်ဆေးဝါးလှူဒါန်းနေရာဖြစ်တဲ့ " ဆည်းဆာရိပ် " ကိုလည်း ရောက်ခဲ့ကြပါတယ်။ တစ်နေ့စာလှူဒါန်းခဲ့ပြီး အဖိုးအဖွားများ ထမင်းစားချိန် ကြုံကြိုက်တာမို့ အဖွဲ့ဝင်တွေ ကိုယ်တိုင် နွေးထွေးစွာကူညီ ကျွေးမွေးခဲ့ကြပါတယ်။ ဆည်းဆာရိပ်ကို မလိုက်ခဲ့ရသူများအတွက် ရသမျှပုံတချို့ကို ပြန်လည်မျှဝေလိုက်ရပါတယ်။

"ဆည်းဆာရိပ်"  ဂီလာနဘိုးဘွားများ ထိန်းသိမ်းစောင့်ရှောက်ရေးအဖွဲ့ဟာ သန်လျှင်မြို့မှာ သာမကပဲ အရှေ့ဒဂုံ၊ ရန်ကုန်မြို့မှာလည်း တည်ရှိပါတယ်။ အခုလောလောဆည်မှာတော့ အဖိုး(၂) ဦးနဲ့ အဖွား(၈) ဦးစောင့်ရှောက်ထားတာသိရပါတယ်။ အဓိက ရည်ရွယ်ချက်ကတော့ အသက်အရွယ်အိုမင်းပြီး ကျန်းမာရေးချို့တဲ့ကာ ခိုကိုးရာမဲ့နေတဲ့ ဘိုးဘွားများအား မိသားစုပုံစံဖြင့် ကြင်နာယုယမှုပေးဖို့ပဲဖြစ်ပါတယ်။

လူမျိုး၊ဘာသာမရွေး၊ ဆွေမျိုးမဲ့၊ ကျွေးမွေးထောက်ပံ့မယ့် သားသမီးမရှိသူ ဘိုးဘွားများ။ သားသမီးရှီသော်လည်း ပြုစုစောင့်ရှောက်နိုင်တဲ့ အခြေအနေမရှိတဲ့ ဘိုးဘွားများကို လက်ခံစောင့်ရှောက်ပေးနေပါတယ်။

အသက် (၇၀)နှင့်အထက် ဘိုးဘွားများကိုသာ လက်ခံပြီး လိုအပ်ပါကလည်း ကျန်းမာရေးနဲ့ အခြားအချက်အလက်တွေကို ထည့်သွင်းစဉ်းစားကာ အသက်ကန့်သတ်ချက်ကို အမှုဆောင်အဖွဲ့ရဲ့ ဆုံးဖြတ်ချက်နဲ့ ညှိနှိုင်းလက်ခံသွားမှာ ဖြစ်တယ်လို့ သိရပါတယ်။

ဂီလာနဘိုးဘွားများနဲ့ ပတ်သက်ပြီးတော့ လက်ရှိကျန်းမာရေးအခြေအနေနဲ့ လှုပ်ရှားနိုင်စွမ်းကိုကြည့်ပြီး တစ်ဦးခြင်းစီရဲ့ လိုအပ်ချက်တွေကို ဆရာဝန်များရဲ့ ညွှန်ကြားချက်အတိုင်း ကျန်းမာရေး ၀န်ထမ်းများနဲ့ စေတနာရှင်များမှ စံနစ်တကျ ပြုစုစောင့်ရှောက်ပေးယုံသာမက ဘိုးဘွားတွေရဲ့ ကျန်းမာရေးကို ကျန်းမာရေးစောင့်ရှောက်မှုအဖွဲ့မှ အခါမလပ် ကြည့်ရှု့စောင့်ရှောက်သကဲ့သို့ အမှုဆောင်အဖွဲ့မှလည်း နေ့စဉ်အလှည့်ကျ သွားရောက်ကာ လိုအပ်ချက်များကို ဖြည့်ဆည်းပေးပါတယ်။

ဘိုးဘွားတွေအတွက် အဟာရပြည့်ဝပြီး သန့်ရှင်းလတ်ဆတ်တဲ့ အစားအစာများကို စီမံကျွေးမွေးခြင်း၊ အသုံးအဆောင်၊ အ၀တ်အထည်နဲ့ နေရာထိုင်ခင်းတို့အား သန့်ရှင်းစွာထားခြင်း၊ ဘိုးဘွားများအား မိမိကိုးကွယ်ရာ ဘာသာအလိုက် ပွားများအားထုတ်မှုကို ဆန္ဒအတိုင်း ကူညီဆောင်ရွက်ပေးပါတယ်။

လူမှုဝန်ထမ်းကိစ္စများကို စိတ်ပါဝင်စားပြီိး ဆေးပညာတတ်မြောက်သူများ၊ သက်ကြီးရွယ်အိုဘိုးဘွားများကို ချစ်မြတ်နိုးပြီး စိတ်ရှည်စွာ သည်းခံပြုစုနိုင်သူ ၀န်ထမ်းများကိုသာ ရွေးချယ်ခန့်အပ်ထားတယ်လို့ သိရပါတယ်။

သွားရောက်လှူဒါန်းလိုသူများအနေနဲ့ " ဆည်းဆာရိပ် " ဂီလာနဘိုးဘွားများ ထိန်းသိမ်းစောင့်ရှောက်ရေးအဖွဲ့၊ အမှတ် ၈၀၃/၈၀၅၊ အရှေ့ဒဂုံ၊ ရန်ကုန်မြို့၊ ဖုန်း - ၇၃၀၁၈၀၀၇ ကို ဆက်သွယ်ပြီး လှူဒါန်းနိုင်ပါတယ်ရှင်..။

ကိုယ်တိုင်သွားရောက်ခဲ့ရခြင်း မရှိတာမို့ အချက်အလက်များကို " ဆည်းဆာရိပ် " လက်ကမ်း စာစောင်မှ ရယူပါတယ်။ ဓာတ်ပုံများကိုတော့ ကိုဗေဒါဇော်မှ မျှဝေပါတယ်ရှင်။ ဆည်းဆာရိပ်ကို သွားရောက်ခွင့်မရလိုက်တဲ့ အဖွဲ့ဝင်များလည်း ကျေနပ်လိမ့်မယ်လို့ ထင်မိပါတယ်ရှင်။

ဒီနေရာလေးမှာလည်း ၀င်ရောက်ဖတ်နိုင်ပါတယ်ရှင် ။

ဆန္ဒနဲ့ဘ၀တစ်ထပ်ထဲကျကြပါစေရှင်။

သုခရိပ်မြုံ

....“ သုခရိပ်မြုံ -Happy Heaven Humanitarian Project (HHHP) ” ....

Save The Aged ရဲ့ လစဉ်အလှူပြီးတိုင်း အလှူနေ့ရက်အကြောင်းပို့စ်ပြီးရင် နောက်ထပ် မပျက်မကွက် ရေးဖြစ်တဲ့ပို့စ်ကတော့ အလှူနေရာများနဲ့ သက်ဆိုင်တဲ့ သတင်းအချက်အလက် များပါတဲ့ ပို့စ်ဘဲဖြစ်ပါတယ်။ ဒီပို့စ်လေးတင်ရတဲ့ ရည်ရွယ်ချက်ကတော့ အဖွဲ့အတွက် မှတ်တမ်းလေး ဖြစ်စေတဲ့အပြင် အခြားဖတ်မိသူများလည်း ကိုယ်တိုင်ကိုယ်ကျ သဒ္ဒါပေါက်ကာ သွားရောက်လှူဒါန်းနိုင်ဖို့ ဖြစ်ပါတယ်။

ကျွန်မတို့ အဖွဲ့ဝင်များ စက်တင်ဘာလမှာ ထိတွေ့မိတ်ဆက်ခွင့်ရခဲ့တဲ့  “ သုခရိပ်မြုံ -Happy Heaven Humanitarian Project (HHHP) ” လို့ခေါ်တဲ့ HIV ရောဂါဆိုး ကပ်ငြိတွယ်နေတဲ့ မိဘမဲ့ကလေးငယ်များကို ပြုစုစောင့်ရှောက်ပေးနေတဲ့ နေရာအကြောင်းလေးကို ပြောပြချင်ပါ တယ်။ သုခရိပ်မြုံကို တာဝန်ယူဆောင်ရွက်နေတဲ့ အမှုဆောင်များထဲမှာ ကျွန်မနှစ်သက်တဲ့ စာရေးဆရာမများဖြစ်တဲ့ ဆရာမသန်းမြင့်အောင်၊ ဆရာမဂျုး၊ ဆရာမ စုထား တို့ဖြစ်တာမို့ အရင်ကထဲက လေးစားစိတ်နဲ့ စိတ်ဝင်စားနေခဲ့တာပါ။ အခုလိုရောက်ခဲ့ချိန်မှာ ဆရာမတို့ ခရီးသွားချိန်နဲ့ တိုက်ဆိုင်နေတာမို့ တာဝန်ခံအုပ်ချုပ်ရေးမှုး ဆရာမကြီးဖြစ်သူ ဒေါ်အေးမြင့်နဲ့သာ တွေ့ဆုံ မေးမြန်းခွင့်ရခဲ့ပါတယ်။

....တာဝန်ခံအုပ်ချုပ်ရေးမှုး ဆရာမကြီးဖြစ်သူ ဒေါ်အေးမြင့်....

မြသွေးနီရဲ့ မေးမြန်းချက်အပေါ် ဆရာမကြီးရဲ့ပြောပြချက်အရ အခုလိုသိခဲ့ရပါတယ်။

" သုခရိပ်မြုံ " မှာ မွေးရာပါ HIV ရောဂါတွယ်ငြိနေကြရှာတဲ့ အသက် ၂နှစ်ကနေ အသက် ၁၅နှစ် ၀န်းကျင်အရွယ်ရှိ ကလေးပေါင်း ၅၈ယောက်ကို လက်ခံပြီး ပြုစုစောင့်ရှောက်ပေးနေပါတယ်။ ဒီရိပ်မြုံလေးကို ၂၀၀၆ ခုနှစ်မှာ သံလျှင်မြို့မှာ အိမ်ကလေးတစ်လုံးငှားခဲ့ပြီး အစပျိုးခဲ့ပါတယ်။ ကလေးများကို လူမှူဝန်ထမ်းကျောင်းကို ပေးပို့ခဲ့ပေမယ့် ရောဂါတွယ်ကပ်နေရှာတဲ့အတွက် စောင့်ရှောက်ဖို့ရာ အခက်အခဲရှိလာတာမို့ နောက်ပိုင်းမှာ လက်မခံဘဲ ပြန်လည်ပေးပို့ခြင်း ခံခဲ့ရပါတယ်။ ၂၀၀၆ ခုနှစ်လည်လောက်မှာတော့ ဒဂုံမြို့သစ်အရှေ့ပိုင်း ယခုနေရာလေးမှာ မြေကွက်၎ကွက်ကို အမှု့ဆောင်အဖွဲ့များက ၀ယ်ယူခဲ့ပြီး စေတနာ့အလှူရှင်များရဲ့ ပံ့ပိုးမှုနဲ့ ဒီ " သုခရိပ်မြုံ " လေးကို စတင်ခဲ့တာ ယခုတိုင်ပါဘဲ။ အဓိကကတော့ ကလေးတွေက ဆေးရုံများကနေရောက်လာကြပါတယ်။ ဝေဘာဂီ ကူးဆက်ရောဂါကုဆေးရုံကနေ ရောက်လာသူများပါတယ်။ တခြား နယ်ဘက်ကနေ ရောက်လာတာမျိုးလည်း ရှိပါတယ်။

" သုခရိပ်မြုံ " မှာ လောလောဆည် အဆောင်(၄)ဆောင်ရှိပါတယ်။ အုပ်ချုပ်ရေးဝန်ထမ်း၊ နာ့စ်၊ ကလေးအကူ၊ ထမင်းချက်၊ ယာဉ်မောင်း၊ ညစောင့်၊ ပြင်ပဆက်သွယ်ရေး အစရှိတဲ့ ၀န်ထမ်း (၂၂) ယောက်နဲ့ လည်ပတ်နေပါတယ်။ သူငယ်တန်းကနေ ဆဌမတန်း အထိ ကလေး ၃၈ယောက်ကို ကမ္ဘာအေးစေတီအရှေ့ဘက်ရှိ " ပညာသိပံ္ပ" ဘုန်းတော်ကြီးစာသင်ကျောင်းမှာ ပညာသင်ယူစေ ပါတယ်။ နေ့စဉ်ကျောင်းသွားနိုင်ဖို့အတွက်လည်း သုခရိပ်မြုံမှ အပိုင်မော်တော်ယာဉ်နဲ့ နေ့စဉ်ကြို၊ ပို့ပေးပါတယ်။ ကျန် မူကြိုအရွယ်ကလေးများကိုတော့ မူကြိုသင်တန်းဆင်းဆရာမများ နဲ့ " သုခရိပ်မြုံ " မှာပဲ ပညာသင်ကြားပေးပါတယ်။

ကျန်းမာရေးနဲ့ ပတ်သက်ပြီး စဉ်ဆက်မပြတ် အနီးကပ် ပြုစုစောင့်ရှောက်ပါတယ်။ ကိုယ်ခံအား စီဒီဖိုး နှစ်ရာအောက်ဆင်းသူများကို အေအာတီဆေး တိုက်ကျွေးပြီး လက်ရှိ ၃၈ယောက် တိုက်ကျွေး နေရပါတယ်။ ကျန်ကလေးများကတော့ ပိုးသတ်ဆေးပုံမှန်တိုက်ကျွေးနေပါတယ်။ သဇင်ဆေးခန်း ကနေပြီးတော့ ကလေးများအတွက် ဆေးကုသမှုထောက်ပံ့ပေးနေပါတယ်။ လိုအပ်တဲ့ ရက်ချိန်းမှာ ဆေးစစ်၊ သွေးဖောက်၊  ညွှန်ကြားချက်အတိုင်း ကုသမှုခံယူပါတယ်။ တစ်ကိုယ်ရေသန့်ရှင်းရေး အတွက်လည်း အထူးအလေးထားပြီး ဆရာမတွေကိုယ်တိုင် ရေချိုး၊ ထမင်းကျွေး၊ အနာဆေးထည့်၊ စသဖြင့် အနီးကပ်ကြီးကြပ်မှုပြုလုပ်ပေးပါတယ်။ အသုံးဆောင်ပစ္စည်းများကို တစ်ဦးချင်းစီ သီးသန့်ထားပေးပါတယ်။

ကလေးများအတွက် စည်းကမ်းပိုင်းနဲ့ လိမ်မာရေးခြားရှိဖို့ကိုလည်း သေချာသွန်သင် ဆုံးမပေးပါတယ်။ တစ်ကိုယ်ရေသန့်ရှင်းမှု၊ အသုံးအဆောင် ပစ္စည်းများသန့်ရှင်းသပ်ရပ်မှု၊ မနက်ကနေ ညနေအထိမျက်နှာမှာ သနပ်ခါးရှိနေမှု၊ အချင်းချင်းကူညီယိုင်းပင်းမှု၊ စာနာစိတ်ရှိမှု၊ ငယ်သူကို ကြီးသူကစောင့်ရှောက်လိုစိတ်၊ ငယ်သူက ကြီးသူကို ရိုသေလေးစားစိတ်ရှိမှု၊ အုပ်ချုပ်သူဆရာမများ ရိုသေစွာစကားနားထောင်မှု..စတဲ့ အချက်အလက်တွေပေါ်မှာ ကြည့်ပြီး အတော်ဆုံးကလေးများကို လစဉ် အရုပ်လေးများ၊ စားစရာ၊ အ၀တ်အစား၊အသုံးအဆောင် လေးများ ဆုချပေးပါတယ်။ ကလေးများ အဆင်မပြေမှု တစ်ခုခုရှိလာပါက ကိုယ်တိုင် တိုင်ကြားနိုင်အောင် ကလေးများအတွက် စာတိုက်ပုံးလေးများ လုပ်ပေးထားပါတယ်။

....ကလေးများအား အစာကျွေးမွေးရန် အချိန်ဇယား....

အကျွေးအမွေးပိုင်းမှာတော့ မနက်ပိုင်းမှာ ခွန်အားရှိစေမယ့် ပဲပြုတ်ထမင်းကြော်၊ ကြက်ဥထမင်းကြော် ၊ ကြာဇံကြော်၊ ခေါက်ဆွဲပြုတ် ကျွေးပါတယ်။ နေ့လည်စာနဲ့ ညစာကိုလည်း ပုံမှန် အသား၊ငါးဟင်းများနဲ့ချက်ကျွေးပါတယ်။ နေ့လည် အဆာပြေစာများကိုလည်း အလျဉ်းသင့်သလို ကျန်းမာရေးနဲ့ညီညွတ်တဲ့ အဆာပြေစာများကျွေးမွေးပေးပါတယ်။နေ့စဉ် နွားနို့တစ်ခွက်လည်း ပုံမှန်တိုက်ပါတယ်။

ကလေးတွေ စိတ်အပမ်းပြေစေဖို့ နေ့စဉ် TV ပေးကြည့်ပါတယ်။ စနေ၊ တနင်္ဂနွေလိုနေ့မျိုး မှာတော့ Video အခွေများပေးကြည့်ပါတယ်။ ရန်ဖန်ရံခါ ပြင်ပမှာ ရုပ်ရှင်ပြသပေးခြင်းမျိုးလည်း ပြုလုပ်ပေးပါတယ်။ ညစဉ် ၈နာရီခွဲအိပ်ရာဝင်ရပြီး မအိပ်ခင် ဘုရားဝတ်ပြုစေပြီးမှ အိပ်စေပါတယ်။

ကျွန်မတွေ့သလောက် ကျောင်းပါတ်ဝန်းကျင် အတွင်း၊ အပြင် သန့်ရှင်း သပ်ယပ်ကာ ကျန်းမာရေးနဲ့ အထူးညီညွတ်အောင် ဆောင်ရွက်ထားတာကို တွေ့ရလို့ သူတို့လေးတွေ ဘ၀ဟာ ဒီဝေဒနာဆိုးကြီး တွယ်ငြိကပ်နေကြရှာပေမယ့်  ရုပ်ပိုင်းဆိုင်ရာလုံခြုံမှုသာမက စိတ်ပိုင်းဆိုင်ရာ လုံခြုံမှုပါ အပြည့်အ၀ရရှိနေကြတာတွေ့ရလို့ မတည်ခဲ့သူများရော၊ စောင့်ရှောက်ပေးနေ သူများရော၊ လှူဒါန်းနေကြသူများကိုပါ မုဒိတာပွားကာ သာဓုခေါ်မိပါတယ်။

ကလေးတွေအတွက် နေ့စဉ်စားသောက်ဖို့၊ ၀တ်ဆင်ဖို့၊ တစ်ကိုယ်ရေသန့်ရှင်းရေးပစ္စည်းများ နဲ့ ကျောင်းစာရေးကရိယာများ လိုအပ်လှပါတယ်။ မိဘတွေက လိင်မှုလိုက်စားခဲ့လို့ပဲဖြစ်စေ၊ မူးယစ်ဆေးဝါးသုံးရင်ကနေ ကူးလာလို့ပဲဖြစ်စေ၊  မတော်တဆ သွေးကနေပဲ ကူးဆက်ခဲ့လို့ ဖြစ်စေ၊ အပြစ်မဲ့ကလေးများကတော့ မိခင်ဝမ်းထဲမှာထဲကနေ ဘုမသိဘမသိ ကူးဆက်ခြင်း ခံခဲ့ရပါပြီ။ ထို့အတူ သူတို့လေးတွေမှာ HIVလို့ အများက ထိတ်လန့်ကြောက်ရွံနေတဲ့ ဒီရောဂါဆိုးကြီးအပြင် အပိုဆုအနေနဲ့ အုပ်ထိမ်းသူ မိဘမဲ့ဘ၀လေးတွေကိုပါ သနားဂရုဏာ သက်စဖွယ် ပိုင်ဆိုင်ထားရပြန်ပါသေးတယ်။ သူတို့အသက်လေးတွေ ရှင်သန်နေစဉ် အချိန်လေးမှာ နေခြည်မှာ ရွှေရည်လောင်းနိုင်ဖို့  စာနာဖေးမသူများရဲ့ မေတ္တာတရားတွေ အထူးလိုအပ်လှပါ ကြောင်း ပြောလိုပါတယ်ရှင်..။

Happy Heaven Humanitarian Project – HHHP လို့ ခေါ်တဲ့ ဒီ " သုခရိပ်မြုံလေး " ဟာ ကလေးများအတွက်တော့ တကယ့်ကို အိုအေစစ်လေး ပါဘဲ။ ဆက်သွယ်လှူဒါန်းလိုသူများရှိပါက ရန်ကုန်တိုင်း၊ ဒဂုံမြို့သစ်အရှေ့ပိုင်း၊ အမှတ် ၉၇၉-၉၈၂ ၊ တပင်ရွှေထီးလမ်း၊ ၁၁ရပ်ကွက်၊ ဖုန်း - ၅၈၁၉၅၅ ကို ဆက်သွယ်လှူဒါန်းနိုင်ပါကြောင်း...။

ဒီနေရာလေးမှာလည်း ၀င်ရောက်ဖတ်နိုင်ပါတယ်ရှင်။

ဆန္ဒနဲ့ဘ၀တစ်ထပ်ထဲကျကြပါစေရှင်။

ရောင်စုံစက္ကူကြယ်ပွင့်ငယ်များဆီသို့…

ကျွန်မတို့ Save The Aged အဖွဲ့ဟာ ယခုအခါ အဖွဲ့က ကိုယ်စားမိဘများလို့ ခံယူသတ်မှတ်ထားတဲ့ ဆင်းရဲနွမ်းပါးချို့တဲ့လှတဲ့ သက်ကြီးရွယ်အို ဘိုးဘွား၁၄ယောက်ရဲ့ စား၊ ၀တ်၊ နေရေး၊ ကျန်းမာရေး ကိစ္စအ၀၀ကို ရာသက်ပန် တာဝန်ယူစောင့်ရှောက်နေနိုင်ခဲ့ပါပြီ။ ဒါ့အပြင် အဖွဲ့ စတင်တည်ထောင်စဉ် ဇန်န၀ါရီလကတည်းကစလို့ လစဉ် တတိယပါတ် တနင်္ဂနွေနေ့တိုင်းမှာ တွဲဖက်ပရဟိတအလှူများကို တစိုက်မတ်မတ် လုပ်ခဲ့ကြပါတယ်။ ဘိုးဘွားရိပ်သာများ၊ သီလရှင် စာသင်ကျောင်းများ၊ ဘုန်းတော်ကြီးပညာသင်ကျောင်းများမှာ ပြည်တွင်း+ပြည်ပ အလှူရှင်များ၊ အဖွဲ့ဝင်များရဲ့ သဒ္ဓါတရား၊ စေတနာ၊ စာနာစိတ်စွမ်းအားနဲ့ လှူဒါန်းလာခဲ့တာ ၈လမြောက်လို့ ၉လထဲရောက်ခဲ့ပါပြီ။

ယခု စက်တင်ဘာလမှာတော့ တွဲဖက်ပရဟိတအလှူအတွက် ကျွန်မတို့အဖွဲ့ ရွေးချယ်လိုက်တဲ့ နေရာက ယခင်အခါများနဲ့ မတူပဲ တစ်ကြိမ်တစ်ခါမျှ မရောက်ခဲ့ဘူးသေးတဲ့ ရန်ကုန်တိုင်း၊ ဒဂုံမြို့သစ်အရှေ့ပိုင်း၊ အမှတ် ၉၇၉-၉၈၂၊ တပင်ရွှေထီးလမ်း၊ ၁၁ရပ်ကွက်မှာ တည်ရှိတဲ့ “ သုခရိပ်မြုံ -Happy Heaven Humanitarian Project (HHHP) ” လို့ခေါ်တဲ့ လူသားထုတစ်ရပ်လုံး ထိတ်လန့်ကြောက်ရွံ့နေရတဲ့ HIV ရောဂါဆိုးကြီး တွယ်ကပ်ငြိခြင်းခံနေရတဲ့ အပြစ်မဲ့မိဘမဲ့ ကလေးများအား စောင့်ရှောက်ထားရာနေရာစီကိုပဲ ဖြစ်ကြပါတယ်။

အလှူနေ့ရက်မတိုင်ခင်တစ်ရက် စက်တင်ဘာလ ၁၈ရက်နေ့၊ စနေနေ့အထိ အဖွဲ့ဝင်များဟာ အလှူအတွက် လိုအပ်တာတွေကို စီစဉ်ပြင်ဆင်ကြပါတယ်။ ကလေးများအတွက် သင့်လျှော်မယ့် ပစ္စည်းများ ၀ယ်သူက၀ယ်၊ ကစားစရာအရုပ်များစီမံကာ စက္ကူအရုပ်များ၊ ဦးထုတ်လေးများ ချိုးသူတွေကချိုး၊ အဖွဲ့ဝင်များစီးဖို့ ကားစီစဉ်သူက စီစဉ်၊ သုခရိပ်မြုံမှာ အလှူရက်မတိုင်ခင် ကြိုတင်သွားရောက်ပြီး စီစဉ်စရာများ စီစဉ်သူကစီစဉ်၊ စကာင်္ပူက အလှူရှင် ကိုရီးရဲ့ အဖွဲ့ဝင်များအတွက် နေ့လည်စာ ဒါနကို အကောင်ထည်ဖော်ဖို့ ဆောင်ရွက်သူက ဆောင်ရွက်နဲ့ ကျရာတာဝန်များကို အားလုံးမခိုမကပ်ပဲ တက်တက်ကြွကြွ ဆောင်ရွက်နေခဲ့ကြပါတယ်။

စက်တင်ဘာလ ၁၉ရက်နေ့၊ တနင်္ဂနွေနေ့  မနက်၈နာရီခွဲမှာတော့ ပုံမှန်ဆုံရပ်ဖြစ်တဲ့ Tokyo Donut ရှေ့မှာ အဖွဲ့ဝင်တွေ တဖွဲဖွဲနဲ့ ရောက်ရှိလာကြပါတယ်။ အဖွဲ့အနေနဲ့ သူခရိပ်မြုံမှာ အမှတ်တရပေးဖို့ တစ်ရက်ကြိုတင် ပြင်ဆင်ထားတဲ့ လက်ဆောင်ပန်းအိုးနဲ့တကွ မြသွေးနီနဲ့အတူ အသက်အငယ်ဆုံးအဖွဲ့ဝင် သားပြည့်တို့ ဆုံရပ်ကိုရောက်တော့ အဖွဲ့ဝင်တော်တော်များများက ရောက်နှင့်နေကြပြီ။ အားလုံးရဲ့ မျက်နှာမှာ လတ်ဆတ်တဲ့ အပြုံးပန်းများကို ဆင်မြန်းထားကာ အတွေ့အကြုံအသစ်၊ အလှူနေရာအသစ်ကို သွားဖို့အတွက် စိတ်အားကိုယ်စီ ထက်သန်လျှက် ရှိနေကြတာကို တွေ့ကြရပါတယ်။ မျက်နှာသစ်အဖွဲ့ဝင် တော်တော်များများကိုလည်း ၀မ်းသာစဖွယ် တွေ့ကြရပါတယ်။ လိုက်ပါမယ့် အဖွဲ့ဝင်စာရင်း ကောက်သူကကောက်၊ လှူဒါန်းမယ့် ပစ္စည်းစာရင်းပြုစုသူက ပြုစု၊ အလှူငွေ၊ မန်ဘာကြေးထည့်သူက ထည့်၊ အချင်းချင်း မိတ်ဖွဲ့သူများက မိတ်ဖွဲ့နဲ့ စည်ကားနေပါတယ်။

သာသာယာယာရှိနေတဲ့ ရာသီဥတုကလည်း ကျွန်မတို့ရဲ့ဘက်မှာ ရှိနေပေမယ့် တဖြေးဖြေးနဲ့ အဖွဲ့ဝင်အင်အား တစ်ရာနီးပါးလောက် ဖြစ်လာချိန်မှာတော့ တာဝန်ခံတွေရဲ့ ရင်ထဲမှာ အနည်းငယ်တော့ ပူပန်လာကြပါတယ်။ သွားရမယ့်နေရာက လူဦးရေအများကြီးနဲ့ အရင်လို တပြိုင်ထဲသွားဖို့ မဖြစ်နိုင်တဲ့နေရာ ဖြစ်လေတော့ ဘယ်လိုများ လုပ်ရမလည်းဆိုတာ ခေါင်းချင်းဆိုင်ကြရပြန်ပါတယ်။ နောက်ဆုံးတော့ HHHPကို အားလုံး တပြိုက်နက်ထဲဝင်မယ်။ အကယ်လို့ အားလုံးဝင်ဖို့ အဆင်မပြေရင်တော့ BM၂စီးစာ စီစဉ်ထားတာမို့ ၂ဖွဲ့ခွဲပြီး တစ်ဖွဲ့က HHHPမှာနေ။ ကျန်ကား တစ်စီးစာအဖွဲ့က HHHPနဲ့ မလှမ်းမကမ်းမှာရှိတဲ့ အဖွဲ့က လစဉ် ဆေးထောက်ပံ့နေတဲ့ ဆည်းဆာရိပ် ဘိုးဘွားရိပ်သာကိုသွား၊ ပြီးမှ၂ဖွဲ့ အပြန်အလှန် နေရာလဲ သွားကြဖို့ ဆုံးဖြတ်လိုက် ပါတယ်။

၉နာရီခွဲ ဆုံရပ်က ကားမထွက်မီ ဓာတ်ပုံရိုက်ခွင့်မပြု၊ ဆေးလိပ်သောက်ခွင့်မပြု၊ ကလေးများကို သူတို့ အကြောင်း၊ သူတို့လေးတွေရဲ့ မိသားစုများ အကြောင်းမမေးဖို့၊ ကလေးများနဲ့ ညှင်သာစွာ ဆော့ကစားဖို့၊ ကလေးတွေကို နွေးထွေးမေတ္တာပေးဖို့စတဲ့ အလှူနေရာရောက်ရင် သတိပြုရမယ့် အချက်များကို  ကြိုတင်သတိပေးပါတယ်။ HHHP ကိုရောက်တော့ ကိုနေလင်းရဲ့ကားနဲ့ ကြိုတင် ရောက်နေတဲ့ ဇလပ်၊ မိုးညနဲ့ နေရောင်တို့ အုပ်စုက အဖွဲ့ဝင်များကို ကြိုဆိုကြပါတယ်။ (ကိုနေလင်းက STA S’pore က ကိုရီးရဲ့သူငယ်ချင်းဖြစ်တယ်လို့ သိရတဲ့အပြင် ဒဂုံအရှေ့ပိုင်းမှာ Victory 48 ဆိုတဲ့ အင်တာနက်ဆိုင်ဖွင့်ထားသူ တစ်ဦးဖြစ်ပါတယ်။ ဒဂုံအရှေ့ပိုင်းမှာ နေထိုင်ကြတဲ့ အဖွဲ့ဝင်တော်တော်များများ  သူ့ဆိုင်မှာ သုံးဖြစ်ကြပါတယ်။ ဒီတစ်ခါတော့ သူကိုယ်တိုင်ပါဝင်လာပြီး အဖွဲ့ဝင်များကို ကားနဲ့ ကြိုပို့ပေးပါတယ်။) လူတွေများနေတဲ့အတွက် အဖွဲ့ကို ခွဲမှဖြစ်မယ်လို့ ထပ်မံသိလိုက်ရတာမို့ တာဝန်ခံများ ခေတ္တခေါင်းချင်းဆိုင် ဆွေးနွေးအပြီးမှာတော့ အဖွဲ့ဝင်အသစ်အများစုနဲ့ အဖွဲ့ဝင်ဟောင်း အနည်းငယ်တို့ကို HHHP မှာပဲ ကျန်နေစေလျှက်က၊ ကျန်အဖွဲ့ဝင်ဟောင်း အများစုပါတဲ့ အဖွဲ့ဝင်ထက်ဝက်ခန့်ကိုတော့ ဆည်းဆာရိပ်ဘက်ကို ခွဲသွားစေကာ အဖွဲ့၂စု နေရာပြန်ချိန်းဖို့ ဆုံးဖြတ်ခဲ့ပါတယ်။ ကျွန်မတို့ရဲ့ အဓိကအလှူက HHHP ဖြစ်တာမို့ ကိုဗေဒါရဲ့ “ အစ်မက ပို့စ်ရေးရမှာ.. ဒီမှာပဲ နေခဲ့လိုက်တော့ ” ဆိုတာနဲ့  မြသွေးနီလည်း စိတ်ထဲမှာ ကျိတ်ဝမ်းသာသွားရပြီး HHHPမှာ နေခဲ့ရပါတော့တယ်။

ဆည်းဆာရိပ်အဖွဲ့ထွက်သွားချိန်မှာ ကျန်ခဲ့တဲ့ အဖွဲ့ဝင်များလည်း ကလေးများရှိနေရာ အလယ်က အဆောက်အဦထဲကို ၀င်လို့ ကျောင်းနေအရွယ် ကလေးများ ကစားဖို့၊ ပုံကာလာခြယ်ဖို့၊ အရုပ်လေးတွေ ချိုးဖို့၊ ဂျုံနဲ့ အရုပ်ပျော့လေးတွေလုပ်ဖို့ ကိုယ်စီ ပြင်ဆင်ကြပါတယ်။ တချို့ မကစားနိုင်တဲ့ ကလေးများကိုတော့ အဖွဲ့ဝင်များက ချီထားကာ စကားများပြောပေးကြပါတယ်။ ညထဲက အဖွဲ့ဝင်တွေ အပင်ပမ်းခံ ချိုးထားတဲ့ ရောင်စုံစက္ကူနဲ့ ပန်းဖွားလေးများနဲ့ အလှဆင်ထားတဲ့ ဦးထုတ်လေးများက ကလေးများရဲ့ ဦးခေါင်းမှာသာမက အဖွဲ့ဝင်တချို့ရဲ့ ဦးခေါင်းမှာပါ တလက်လက် တောက်ပနေပါတယ်။ ကလေးငယ်များရဲ့ အပြစ်ကင်းမဲ့တဲ့ မျက်လုံးလေးတွေကလည်း အရောင် တဖျတ်ဖျတ်လက်လို့..။

...အလှူစာရင်းများပြုစု...

တစ်အောင့်နေတော့ မြသွေးနီလည်း အုပ်ချုပ်ရေးမှူးဆရာမကြီးရှိရာ ရုံးခန်းဘက် ခဏကူးလာပြီး အလှူပစ္စည်းစာရင်းတွေ ကူညီပြုစုပေးပါတယ်။

...အလှူပစ္စည်းများ...

ဒီနေ့ HHHP မှာ အဖွဲ့ဝင်များ ပါဝင်လှူဒါန်းခဲ့ကြတာကတော့.. ကလေးများအတွက် တစ်နေ့စာအလှူအပြင် အစားအစာများဖြစ်တဲ့ ပန်းသီး၊ ပေါင်မုန့်၊ ကွတ်ကီ၊ ဘီစကစ်၊ မိုင်လို စသည်များ။ အ၀တ်အထည်များ။ စာရေး ကရိယာများဖြစ်တဲ့ ဘောပင်၊ စာအုပ်၊ ရောင်စုံခဲတံ၊ ချွန်စက်၊ ခရေရွန်၊ ကာလာခြယ်စာအုပ်များ၊ တစ်ကိုယ်ရေသန့်ရှင်း ရေးပစ္စည်းများ ဖြစ်တဲ့ ဆပ်ပြာ၊ သွားပွတ်တံများ ဖြစ်ကြပါတယ်။

...အုပ်ချုပ်ရေးမှူးဆရာမကြီးအား သိလိုသည်များ မေးမြန်းစဉ်...

အဲ့ဒီနောက်မှာတော့ အုပ်ချုပ်ရေးမှူး ဆရာမကြီးဒေါ်အေးမြင့်ကို မြသွေးနီမှ သိလိုတာများ မေးမြန်းပါ တယ်။ ဆရာမကြီးမှလည်း “ သုခရိပ်မြုံ ” နဲ့ ပတ်သက်လို့ ကျွန်မစပ်စပ်စုစုမေးမြန်းသမျှကို စိတ်ရှည်လက်ရှည် ပြောပြပေးပါတယ်။ (ဒီအကြောင်းကို ပို့စ်တစ်ပုဒ် သီးသန့်တင်ပေးပါမယ်)။ ဆရာမကြီးကို မေးမြန်းလို့ ၀သလောက်ရှိချိန်မှာတော့ ကျွန်မစိတ်တွေက မူလအဆောက်အဦးမှာ အဖွဲ့ဝင်များနဲ့ အတူရှိနေကြတဲ့ ကလေးငယ် များဆီ ရောက်လို့ သွားပါပြီ။ ဆရာမကြီးကို နှုတ်ဆက်ခွင့်တောင်းလို့ တစ်ဖက်ဆောင်ကို ကျွန်မပြန်ကူးခဲ့ပါတယ်။

...Save The Aged ရဲ့ အမှတ်တရ ပန်းလက်ဆောင်...

အထဲမှာတော့ ကျွန်မတို့ အဖွဲ့ဝင်တွေ ကြရာတာဝန်ထမ်းဆောင်နေကြပါပြီ။ အရွယ်စုံ ကလေးငယ်များကို တစ်ယောက်စီလိုက်ကြည့်မိတော့ HIV တွယ်ကပ်နေသူများလို့ ထင်ရက်စရာမရှိအောင် ကျန်းမာဝဖြိုးလို့။ ပါးလေးတွေ ကိုယ်စီဖောင်းလို့။ စကားလေးတွေ ပြောကြည့်တော့ သွက်လက်ချက်ချာကာ လိမ်မာရေးခြားရှိကြလို့။ ကလေး(၅၈)ယောက်ရှိတာ ကြိုတင်သိထားရလို့ ကစားစရာလေးတွေ ၅၈ယောက်စာ စီစဉ်ခဲ့ကြတယ်။ ကျွန်မဒီဘက်ကို မကူးလာခင် အရှေ့မှာ သူတို့ဘာတွေကစားနေနှင့်ခဲ့သလဲတော့မသိ။ အခုတော့ ကလေးများ တစ်ဖွဲ့နဲ့တစ်ဖွဲ့ ပျော်ရွှင်စွာ ဆော့ကစားနေကြတာကို တွေ့ရပါတယ်။

သူတို့ ကစားနေတာကို ကျွန်မခဏရပ်လို့ကြည့်မိပါတယ်။ တစ်ဖွဲ့မှာ ၅ယောက်စီ၊ မူလတန်းအရွယ် ကလေးတစ်ယောက်နဲ့ အဖွဲ့ဝင်တစ်ယောက်စီ အရှေ့အနောက် နေရာ ခပ်လှမ်းလှမ်းခြားလို့ ၃ဖွဲ့ခွဲ၊ ၃မြှောင်းစီတန်းလို့။ ပါးစပ်ထဲမှာ ပလပ်စတစ်ပိုက်လေးများ ကိုက်ကာ။ ထိပ်ဆုံးတစ်ယောက်ရဲ့ ပါးစပ်က ပိုက်မှာတော့ သရေကွင်း တစ်ကွင်းစွတ်လို့။ ဒီသရေကွင်းကိုတစ်ယောက်နဲ့တစ်ယောက် ပိုက်ချင်းတေ့လို့ပေးပြီး ပန်းတိုင်ရောက်အောင် သယ်ကြရပါတယ်။ အဲ့ဒါအပြင် လေမှုတ်ထားတဲ့ ရာဘာပူဖောင်းကို ကလေးနှစ်ယောက် ပုခုံးကြားညှပ်ပြီး သယ်တမ်းကစားကြသလို၊ ပေါင်ကြားထဲညှပ်လို့ ခုန်ဆွခုန်ဆွ သယ်တမ်းလည်း ကစားကြပါတယ်။ ကလေးများနဲ့ ဆော့နေကြသူတွေရော၊ နဘေးမှာ ထိုင်ကြည့်ကာ အားပေးနေကြတဲ့ အဖွဲ့ဝင်တွေလည်း တစ်ဝါးဝါးနဲ့ ပွဲကျလို့ မဆုံးပါဘူး။

...ကလေးငယ်များရဲ့ ဆေးရောင်စုံခြယ်လက်ရာများ...

ရုပ်ပုံလေးများကို ကာလာခြယ်တဲ့ အုပ်စုနေရာမှာတော့ အဖွဲ့ဝင်တချို့နဲ့ ကလေးများ အတူတကွ ဆေးရောင်စုံ ခြယ်နေကြပါပြီ။ ၀မ်းလျားထိုးကာတစ်မျိုး၊ ဖင်ဘူးတောင်းထောင်လျှက် ခြယ်ကာတဖုံ နဲ့ စိတ်ပါဝင်စားစွာ ဆေးရောင်များကို ခြယ်ကြပါတယ်။ စက္ကူအရုပ်လေးများ ချိုးတဲ့နေရာမှာလည်း စည်ကားလို့နေပါတယ်။ ကြိုးကြာငှက်ရောင်စုံလေးများနဲ့ ရောင်စုံစက္ကူကြယ်ပွင့်လေးများကို ကြည့်လို့၊ ကိုင်လို့၊ ကိုယ်တိုင်ချိုးလို့ ဆော့ကစားကာ ပျော်ရွှင်နေကြရှာတဲ့ အပြစ်ကင်းတဲ့ ကလေးငယ်များ..။ အရောင်စုံ ဂျုံပျော့လေးများနဲ့ ကလေးတွေ စိတ်ကူးတည့်ရာ လုပ်ပေးထားတဲ့ အရုပ်ကလေးတွေက ချစ်စဖွယ်။

...ကလေးများအတွက် ကစားစရာများ...

ကလေးများကို ဓာတ်ပုံရိုက်ခွင့်တားမြစ်ထားတာမို့လို့ ချစ်စဖွယ်၊ ဂရုဏာသက်စဖွယ် ကလေးငယ်များရဲ့ အပျော်မျက်နှာများကို မှတ်တမ်းတင်ခွင့် မရခဲ့ပါဘူး။ ဒါနဲ့ မြသွေးနီလည်း “ငါးမရလည်း ရေချိုးပြန်” မယ် ဆိုပြီး ကလေးများရဲ့  ဦးထုတ်လေးတချို့၊ ကာလာခြယ်ပြီးတဲ့ ပုံကားချပ်လေးတစ်ခု နှစ်ခု၊ ချိုးထားတဲ့ စက္ကူကြိုးကြာငှက်ကလေးများကို ခဏလေးနော်ဆို အသာ“မ”လာပြီး အပေါ်ထပ်တက်တဲ့ အတွင်းအုတ်လှေကား တစ်ဆစ်ချိုးကွေ့ လူမမြင်နိုင်တဲ့ နေရာလေးမှာ သက်မဲ့ဝတ္တုလေးတွေကို တိတ်တိတ်လေး ဓာတ်ပုံခိုးရိုက်ခဲ့မိကြောင်းပါ။ ကလေးငယ်များကို  ဓာတ်ပုံမရိုက်ဖို့ ကိုယ်တိုင်အဖွဲ့ဝင်များကို ကြိုတင်ပြောထားမိလေတော့၊ တစ်ဖက်မှာ စိတ်ကဖြစ်နေတာကလည်း ဒီကလေးငယ်လေးများနဲ့ ဆက်စပ်ခဲ့တဲ့ ပစ္စည်းလေးများကို အမှတ်တရ မှတ်တမ်းတင်လိုပြန်တာမို့ လူမသိသူမသိ ၀ိနည်းလွတ်ပစ္စည်းလေးများကိုသာ ဓာတ်ပုံအချို့ရိုက်ယူခဲ့ရလို့ အပြောနဲ့အလုပ် မညီတဲ့ မြသွေးနီကို ခွင့်လွှတ်တော်မူကြပါကုန်….။

...ကျန်းမာရေးနဲ့ညီညွတ်ပြီး သန့်ရှင်းသောနေထိုင်မှု...

လှေကားတစ်ထစ်ချိုးမှာ ရိုက်ပြီးသွားချိန်မှာ ကျွန်မမျက်စိထဲ အပေါ်ထပ်က နံရံကပ်စင်ပေါ်မှာ အစီအရီတင်ထားတဲ့ ရောင်စုံပလပ်စတစ် ခွက်လေးများကို အကန့်လေးတွေနဲ့  ထားထားတာတွေ့ရလို့ စိတ်ဝင်စားလာပြီး တက်ကြည့်လိုက်တော့ တစ်ယောက်စီရဲ့ တစ်ကိုယ်စာ ရေချိုးခွက်၊ ဆပ်ပြာ၊ သွားပွတ်တံတွေကို စံနစ်တကျထားထားတာတွေ့ရပါတယ်။ အပေါ်ထပ်တစ်ထပ်လုံး လူရှင်းနေတာမို့ ကျွန်မစပ်စုရင်း  ကင်မရာခလုပ်လေးကိုလဲ သွက်သွက်လေးနှိပ်မိပါတယ်။ သန့်ရှင်းမှု အပြည့်အ၀ရှိတဲ့ ရေအိမ်၊ မျက်နှာသုတ်ပုဝါများထည့်ရာ နံရံကပ်ဘီဒို၊ အရွယ်ရောက် ကလေးကြီးများ (မိန်းကလေးများ)ရဲ့ သန့်ရှင်းသပ်ရပ်တဲ့ နှစ်ထပ်အိပ်စင်များနဲ့ အိပ်ခန်း။ အိပ်ခန်းတံခါးပေါ်က သူတို့လေးတွေရဲ့ ပန်းချီလက်ရာများ။ မူလတန်းအရွယ်ကလေးငယ်များအတွက် ခင်းအိပ်ဖို့၊ ခြုံဖို့ ဂွမ်းကပ်စောင်များ။ သူတို့ရဲ့ ကျောင်းသွားတက်တဲ့ လွယ်အိတ်ကလေးတွေ။ ဖျတ်ကနဲ၊ ဖျတ်ကနဲ ကျွန်မ မှတ်တမ်းတင်နေမိပါတယ်။ အပေါ်ထပ်က ပြန်ဆင်းလာချိန် လှေကားအကွေ့မှာ သနပ်ခါးအဖွေးသားနဲ့ ၁၂နှစ်အရွယ် သမီးငယ်တစ်ယောက် တက်လာတာ ကြုံရပါတယ်။ ကလေးမလေးက ကျွန်မကို အရင်ဆင်းလို့ရအောင် ဘေးကပ်ပေးရှာပါတယ်။ “ သမီး..တက်..တက်” လို့ ကျွန်မက ပြန်နေရာဖယ်ပေးတော့ ပြုံးပြလို့ အရှေ့ကနေ ခေါင်းငုံ့ရိုသေစွာ တက်သွားတာတွေ့ရလေတော့ ကလေးများကို စောင့်ရှောက်ဆေးကုသပေးယုံသာမက လိမ်မာရေးခြားရှိအောင်ပါ သင်ကြားပေးထားတာ ယုံမှား သံသယဖြစ်စရာမလိုတော့ပါဘူး.။

ကလေးတိုင်းရဲ့မျက်နှာမှာ သနပ်ခါး အဖွေးသားနဲ့ပါ။ ကလေးတိုင်းဟာ နွမ်းပေမယ့် သန့်ရှင်းသပ်ရပ်တဲ့ အ၀တ်အစားများကို ၀တ်ဆင်ထားပါတယ်။ ထမင်းစားချိန်မှာလည်း တစ်ယောက်စာ စားပွဲငယ်ကိုယ်စီ၊ ထမင်းပန်းကန်လေးတွေ ကိုယ်စီနဲ့ သေချာကျွေးမွေးပါတယ်။ အဆောက်အဦအတွင်းမှာ ပါကေးခင်းကြမ်းပြင်၊ ခြံဝင်းထဲမှာလည်း မြေကြီးဆိုတာ မမြင်ရလေအောင် ကွန်ကရစ်ခင်းထားတဲ့အတွက် ခြင်၊ ယင်ရန်က အတော်အသင့် ကာကွယ်ပြီးသားဖြစ်နေမှာ သေချာပါတယ်။ ကိုယ်ခံအားလျော့နည်းနေရှာတဲ့ ကလေးများမို့ သူတို့ရဲ့ ပတ်ဝန်းကျင်ကို သန့်ရှင်းအောင်၊ သူတို့ တစ်ကိုယ်ရေတစ်ကာယ သန့်ရှင်းမှုရှိအောင် အထူးအလေးပေးဆောင်ရွက်ထားတာကို တွေ့ရပါတယ်။ ကျွန်မတို့ရှိချိန်မှာပဲ ကလေးတစ်ဖွဲ့ကို ရှိုးစမိုးများနဲ့ ရုပ်ရှင်ပြပေးဖို့ တာဝန်ရှိသူများက ကားတစ်စီးစာအပြည့်နဲ့ ခေါ်သွားပေးတာ တွေ့ရပါတယ်။ ဒါကြောင့် ကလေးတွေရဲ့ စိတ်အားဖြင့် အပန်းပြေစေဖို့ စီစဉ်ဆောင်ရွက်ပေးနေတာကိုလည်း သိလိုက်ရပြန်ပါတယ်။

အဲ့ဒီအချိန်မှာ ၁၁နာရီခွဲကာနီးပါပြီ။ ကလေးကြီးတချို့က ထမင်းစားပြီးပေမယ့် အဖွဲ့ဝင်များနဲ့ ကစားနေတဲ့ ကလေးငယ်အချို့က မစားရသေးတာမို့ တစ်ဖက်က အဆောင်မှာ ကလေးများကို အဖွဲ့ဝင်များက ထမင်းကျွေးကြပါတယ်။ ဆည်းဆာရိပ်မှာ ရောက်နေတဲ့ တစ်ဖွဲ့လည်း အဖွဲ့ခြင်း ချိန်းဖို့အတွက် HHHPက ပြန်ရောက်လာကြပါတယ်။ ဆည်းဆာရိပ်ဘိုးဘွားရိပ်သာမှာ အစောင့်ရှောက်ခံအဘိုး (၂) ဦး၊ အဘွား (၈) ဦးရှိနေပြီး လက်ရှိ အယောက် (၃၀) ဆန့် ၂ထပ်အဆောက်အဦတစ်ခု ဆောက်လုပ်ဆဲလို့ ပြန်လာသူများထံမှ သိရပါတယ်။ ဆည်းဆာရိပ်မှာ စကာင်္ပူအဖွဲ့က ကိုရီးနာမည်နဲ့ ကျပ်သုံးသောင်းပေးလှူခဲ့ပြန်ပါတယ်။

ရောက်လာတဲ့အဖွဲ့က ကလေးများထမင်းစားတာ ၀င်ရောက်ကြည့်ရှု ကိုယ်တိုင်ကျွေးကြပါတယ်။ ကလေးတွေက ထမင်းစားပြီး အိပ်ရတော့မှာမို့ ကျွန်မတို့လည်း ဒီကအဖွဲ့တွေကို ဆည်းဆာရိပ်ကို မပို့တော့ပဲ အလှူငွေလှူပြီးရင် ပြန်ကြဖို့ စီစဉ်လိုက်ပါတယ်။ ဒါနဲ့ အဖွဲ့ရဲ့အလှူငွေနဲ့တကွ စကာင်္ပူအဖွဲ့က ကိုရီးရဲ့ တစ်နေ့စာဒါနအလှူငွေများကို HHHPမှ အုပ်ချုပ်ရေးမှူးဆရာမကြီးသို့ အဖွဲ့ရဲ့ကိုယ်စား ကိုဗေဒါဇော်က ပေးလှူပြီး ဆရာမကြီးမှ မှတ်တမ်းစာရွက် ပြန်လည်ပေးအပ်ပါတယ်။

....လှူဒါန်းမှုအ၀၀....

ကျွန်မတို့အားလုံး အချိန်တန်လို့ အိမ်ပြန်ကြရပါဦးမယ်။ ဆရာမကြီးကို နှုတ်ဆက်လို့ ကျွန်မတို့ ကလေးငယ်လေးများကို နှုတ်ဆက်ထားရစ်ကာ HHHP လို့ ခေါ်တဲ့ သုခရိပ်မြုံကနေ ပြန်လာခဲ့ကြပါတော့တယ်ရှင်။ လမ်းမှာတော့ ကြိုတင်စီစဉ်ထားတဲ့ ဒဂုံအရှေ့ပိုင်းက  Ocean စားသောက်ဆိုင်မှာ STA S’pore က အမာခံအဖွဲ့ဝင်တစ်ဦးဖြစ်သူ ကိုရီး(ကိုကြီး) ဒါနပြုတဲ့ နေ့လည်စာကို အဖွဲ့ဝင်အသစ်နဲ့ အဟောင်းများ အပြန်အလှန် မိတ်ဆက်ကြရင်း အတူတကွ ပျော်ရွှင်စွာ စားကြပါတယ်။

....အဖွဲ့ဝင်များအချင်းချင်းမိတ်ဆက်ခြင်းနဲ့ နေ့လည်စာ...

နေ့လည်၂နာရီကျော်လောက်မှာတော့ ကျွန်မတို့အားလုံး ပြန်ကြဖို့ အဆင်သင့် ဖြစ်နေကြပါပြီ။ အိမ်အပြန်လမ်းမှာ အားလုံးဟာ ပင်ပမ်းနေကြ ပေမယ့် ပီတိတွေ တဝေေ၀နဲ့ပါ။ အပြန်လမ်းတလျှောက် ကျွန်မစဉ်းစားခန်း ၀င်လာခဲ့မိပါတယ်။ ကျွန်မတွေ့ခဲ့တဲ့ ကလေးမလေးများရဲ့ အခန်းတံခါးဝမှာ ကပ်ထားတဲ့ " နီးနီးသာကျန် " ဆိုတဲ့ သီချင်းစာသားလေးနဲ့ သူတို့လက်ရာ ပန်းချီကားလေးများဆီသို့ ကျွန်မစိတ်က ရောက်နေပါတော့တယ်..။

" သွားမယ့်ခရီးဟာလေ ... နီးနီးသာကျန် " ...တဲ့..။ မြသွေးနီရင်ထဲ ဆို့နစ်လို့လာတော့တယ်..။

....ရင်ကိုထိခိုက်စေတဲ့စာသားလေးနဲ့ စကားပြောနေတဲ့ ပုံ ကားချပ်လေးများ...

ကလေးငယ်များဟာ လွန်စွာမှ အပြစ်ကင်းကြသူများပါ။ ကလေးများဟာ ကောင်းကင်ပြင်ကျယ်ကြီးထဲမှာ တဖျတ်ဖျတ်နဲ့ လင်းလက်နေတဲ့ အနာဂတ်ရဲ့ ကြယ်ပွင့်လေးများဆို မမှားပါဘူး။ သုခရိပ်မြုံက ကလေးငယ်များကတော့ အမိအဖမဲ့ နေကြသူများဖြစ်ယုံသာမက သူတို့ရဲ့ ခန္ဓာကိုယ်ထဲမှာ အမိဝမ်းတွင်းထဲက မွေးရာပါလာခဲ့တဲ့ HIV လို့ခေါ်တဲ့ ရောဂါဆိုးကြီး တွယ်ကပ်ငြိခြင်းခံနေရရှာတာမို့ ကျန်းမာပျော်ရွှင်တဲ့ အမိအဖ၊ မိသားစုနဲ့ အတူတကွလင်းလက်ဖို့ အခွင့်အရေးမရကြရှာတဲ့ ရောင်စုံစက္ကူကြယ်ပွင့်ငယ်လေးများ မဟုတ်ပါလားရှင်။

ရောင်စုံစက္ကူကြယ်ပွင့်လေးတွေမှာ စာနာမယ့်သူ၊ ဖေးကူမယ့်သူ၊ ကြင်နာမယ့် သူတွေရဲ့ စေတနာတွေ၊ မေတ္တာတရားတွေ မုချလိုအပ်နေပါတယ်။ သူတို့ကို မပစ်ပယ်ဖို့၊ သူတို့ တခြားကလေးများနည်းတူ တန်းတူအခွင့်အရေးလေးတွေရဖို့၊ ရုပ်ပိုင်းဆိုင်ရာတင်သာမက စိတ်ပိုင်းဆိုင်ရာပါ ဖွံ့ဖြိုးဖို့၊ အသက်ရှင်နေထိုင်စဉ် ကာလပတ်လုံး မိသားစုအခွင့်အရေးများ အပြည့်အ၀ခံစားနိုင်စေဖို့ အထူးလိုအပ်လှပါတယ်။

Save The Aged အနေနဲ့ ဒီနေ့မှာတော့ တစ်နေ့တာ အချိန်ပိုင်းမျှလောက်လေးဆိုပေမယ့် သူတို့လေးတွေအတွက် အတတ်နိုင်ဆုံး မေတ္တာတွေ၊ အကြင်နာတွေ ပေးဝေခွင့်ရခဲ့ကြပါတယ်။ ရောင်စုံစက္ကူ ကြယ်ပွင့်ငယ်လေးတွေလို့ ကျွန်မတင်စားခေါ်ဝေါ်မိတဲ့ သူတို့လေးတွေဟာ အပြောကျယ်တဲ့ ကောင်းကင်ပြာကြီးထဲမှာ မလင်းလက်နိုင်ကြပေမယ့် Save The Agedက သူတို့တွေရဲ့စေတနာတွေ၊ သူတို့တွေရဲ့ ပရဟိတစိတ်ဓာတ်တွေနဲ့ မေတ္တာကောင်းကင်ပြင်ကျယ်ကြီးတစ်ခုကို ဒီတစ်နေ့စာအတွက် ဖန်တီးပေးပြီး သူတို့လေးတွေ တောက်ပလင်

ဗြောင်တောင်တောင် ဗေ..ဗေ့..ဂျိ

ည..ည.. အိပ်မပျော်လို့ အတွေးတွေ ပျံ့လွင့်ပြန်တော့ ကဘောက်တိ ကဘောက်ချာနိုင်တဲ့ ကျွန်မရဲ့အတွေးတွေက ငယ်ငယ်တုန်းက ကစားတဲ့ဆီကို ပြန်ရောက်သွားပါတယ်။ ကျွန်မတို့ အားလုံးဟာ အပြစ်ကင်းစင်တဲ့ ငယ်စဉ်ကလေးဘ၀ကို မလွဲမသွေ ကျော်ဖြတ်ခဲ့ပြီး ကစားနည်း ပေါင်းစုံကို သူငယ်ချင်းများနဲ့၊ မောင်နှမများနဲ့အတူ ပျော်ရွှင်စွာ ဆော့ကစားဘူးခဲ့ကြမှာပါ။ ကစားနည်းတွေကလည်း တစ်မျိုးနဲ့တစ်မျိုး မထပ်စေရသလို ရိုးနိုင်တယ်ကို မရှိပါဘူး။

ကစားနည်းတွေထဲမှာ စိမ်ပြေးတမ်းပဲဖြစ်ဖြစ်၊ တူတူပုန်းတမ်းပဲဖြစ်ဖြစ်၊ လန်ဒန်ဂိုးဖလိပ်ပဲဖြစ်ဖြစ် အုပ်စုလိုက် ၁၀ယောက် ၁၅ယောက်၊ အများနဲ့ ကစားရတဲ့ ပွဲတွေမှာ မကစားခင် လိုက်ရမယ့်သူကို ရွေးချယ်ကြရပါတယ်။ ကစားမယ့်သူတွေ အားလုံးဝိုင်းစုလိုက်ပြီး တစ်ယောက်ကို လက်ကလေး တစ်ဖက်စီ ဆန့်ထုတ်လို့ မုန့်လေပွေမီးကင်သလို ဟိုဘက်သည်ဘက် မှောက်ချီ၊ လှန်ချီလုပ်ကာ...

" ဗြောင်တောင်တောင် ဗေဗေ့ဂျိ ... နည်းသူထွက်... များသူလိုက် "

..ဆိုပြီး သံပြိုင် အော်ကြပါတယ်။ အဲ့သည်အထဲမှာ အာပြဲတဲ့ကလေးများ ပါလာလို့ကတော့ အာခေါင်ခြစ်ပြီး ကုန်းအော်တော့တာပါဘဲ။ အော်လို့ ဆုံးသွားတာနဲ့ မှောက်ချီ၊ လှန်ချီလုပ်နေတဲ့ လက်ဖ၀ါးလေးတွေကို မိမိရောက်ရာနေရာမှာ ချက်ချင်းရပ်ချလိုက်ရပါတယ်။ တချို့ကလှန်လို့၊ တချို့ကမှောက်လို့ပေါ့။ ရေတွက်လိုက်လို့ လက်ဖ၀ါးမှောက်သူနည်းရင် ခုနက ဆိုထားတဲ့အတိုင်း နည်းသူက ၀ိုင်းအပြင်ကို ထွက်ပေးရပါတယ်။ " နည်းသူထွက်" လို့ ပြောထားတာကိုး။ ဘေးထွက်သူတွေကတော့ ပြေးရမယ့်သူတွေဆိုတော့ ခုန်ပေါက်ပျော်လို့ပဲပေါ့။ ကျန်တဲ့ လက်ဖ၀ါးလှန်ထားသူ အများစုကတော့ လိုက်ရမယ့်သူတွေပေါ့။ နောက်ဆုံး လိုက်ရမယ့်သူ တစ်ယောက်ပဲ ရွေးရမှာမို့ ကျန်ခဲ့သူအများစုအပါအ၀င် အားလုံးက  ခုနကအတိုင်း တစ်ဖန် အော်ဆိုကြရပြန်တယ်။

" ဗြောင်တောင်တောင် ဗေဗေ့ဂျိ ... နည်းသူထွက်... များသူလိုက် "

ဘေးမှာ ပြေးဖို့ ထွက်နေသူများကလည်း ဘယ်နေပါ့မလဲ။ အတူတကွ အော်ဆိုကြပြန်တာပေါ့။ ဒီလိုနဲ့ အော်ဆိုကြပြီးတိုင်း မှောက်ထား၊ လှန်ထားတဲ့ လက်ကလေးတွေကို ရေတွက်ပြီး နည်းသူတွေ ဆွဲထုတ်လိုက်ကြတာ နောက်ဆုံးဝိုင်းထဲမှာ များသူနှစ်ယောက်ထဲ ကျန်ခဲ့ပါရော။ အဲ့ဒီနှစ်ယောက်ထဲက လိုက်မယ့်သူ တစ်ယောက်ကို ရွေးတဲ့အခါကြတော့ အနားက ကစားမယ့် သူတစ်ယောက် ယာယီခဏဆွဲထည့်၊ စုစုပေါင်းသုံးယောက်လုပ်ပြီး....

" ဗြောင်တောင်တောင် ဗေဗေ့ဂျိ ... နည်းသူထွက်... များသူလိုက်။ အစားဝင်သူထွက်.. "

... ဆိုပြီိး စာသားလေး ဖြည့်အော်ကြပါတယ်။ သူတို့ ၃ယောက်ရဲ့ လက်ဖ၀ါးလေးတွေကိုလည်း မုန့်လေပွေမီးကင်ကြပြန်တယ်။ အဲ့ဒီအချိန်ကတော့ ကစားမယ့် အဖွဲ့ဝင်အားလုံး စိတ်အလှုပ်ရှားရဆုံး အချိန်ပါဘဲ။ ဘာလို့လည်းဆိုတော့ သူတို့ကစားမယ့်ပွဲမှာ လိုက်ရမယ့်သူ တစ်ယောက်ကို ရွေးထုတ်ယူရမယ့် နောက်ဆုံးအကြိမ်လည်း ဖြစ်နေတာကိုး။ အဖြေပေါ်လာကာနီးပြီမို့ ဘေးက ပြေးရမယ့် အဖွဲ့ဝင်တွေကလည်း လိုက်မယ့်သူပေါ်တာနဲ့ ချက်ချင်းပြေးနိုင်အောင် ဖိနပ်ကို လက်ထဲ ဂွင်းထိုးတားသူထိုး၊ ပြေးဖို့ ခြေလှမ်းထားသူလှမ်းနဲ့ အဆင်သင့်ပြင် ထားကြပါတယ်။ အဲ့ဒီအချိန်မှာ ခဏအစားဝင်ပေးတဲ့ ကလေးကလွဲလို့ ကျန်တဲ့ ကာယကံရှင်နှစ်ယောက်က အသည်းအသန်စိတ်လှုပ်ရှားနေကြပါပြီ။ အားလုံးရဲ့ ပိုမြန်၊ ပိုကျယ်လောင်လာအောင် သံပြိုင်ရွတ်ဆိုနေတဲ့ အသံတွေက ကာယကံရှင် နှစ်ယောက်ရင်ကို တဒိန်းဒိန်းခုန်နေအောင် ပံ့ပိုးပေးနေပါပြီ။

အဲ့ဒီအချိန်မှာ အဓိကကျတဲ့ လိုက်ရမယ့်သူကို ရွေးထုတ်ပေးမယ့်သူကတော့ ခုနက ပြေးဖို့ထဲက ခဏအစားဝင်ပေးရတဲ့ ကလေးရဲ့ လက်ဖ၀ါးလေးပဲဖြစ်ပါတယ်။ သူ့ရဲ့လက်ဖ၀ါးလေးက မှောက်ချင် မှောက်မယ်၊ လှန်ချင်လှန်ပါလိမ့်မယ်။ ကျန်သူနှစ်ယောက်ကလည်း သူတို့ အဆင်ပြေသလို၊ သူတို့ရဲ့ ဆုံးဖြတ်ချက်အတိုင်း လက်ဖ၀ါးလေးတွေကို မှောက်ကြ၊ လှန်ကြပါလိမ့်မယ်။ အဓိက အဖြေပေါ်မှာက " နည်းသူထွက်၊  များသူလိုက် " လို့ ဆိုထားကြလေတော့ အစားဝင်တဲ့ ကလေးရဲ့ လက်အနေအထားနဲ့ တူနေသူက " များသူ " ဖြစ်သွားလို့ ဒီကစားပွဲမှာ သေချာပေါက် လိုက်ရတော့မှာပါ။ ကျန်တစ်ယောက်ကတော့ နည်းသူမို့လို့ လွတ်လွတ်ကျွတ်ကျွတ် ပြေးခွင့်ရသွားရှာပါပြီ။

အစပိုင်းမှာ ပြောမိသလို ကျွန်မအတွေးတွေက မြင်နေ၊ ကြားနေရတာတွေကြောင့် ကဘောက်တိ၊ ကဘောက်ချာ ကဆင့်ကလျားနဲ့ပါ။ ဟိုတွေး၊ သည်တွေး တွေးနေမ်ိတုန်း " ဗျောင်တောင်တောင် ဗေဗေ့ဂျိ " အစချီတဲ့ ကလေးတွေ အုပ်စုလိုက် ကစားချိန်မှာ လိုက်သူရွေးရတဲ့ ဒီသံပေါက်လေးကို သွားပြီးတွေးမိ သတိရလိုက်မိပါတယ်။ နည်းသူကထွက်ပြီး များသူက လိုက်ရတယ်ဆိုလို့ ထွက်ရသူတွေက ပျော်တော့ပျော်ကြပါရဲ့။ ဒါပေမယ့် လိုက်သူမမိအောင် ကိုယ်လွတ်ရုန်းပြေးကြရ၊ လုံခြုံအောင်ပုန်းရ၊ ပြေးနေစဉ်မှာ ခလုပ်ကသင်း၊ ကမုနဲ့တိုးပြီး ချော်မလဲရလေအောင် ဂရုပြုရနဲ့ မလွယ်လှပါဘူး။ လိုက်သူက တစ်ယောက်ထဲ၊ ပြေးသူက အများပါနော်။ ဒီလိုပြေးရင်း၊ လွှားရင်းနဲ့ပဲ အနားရောက်လို့ မိကာနီးရင် " လိုက်သူမသိ တို့မမိ " ဆို ညစ်ပြီး အော်ချင်လည်း မရတော့ပါဘူး။ မဟုတ်ရင်တော့ မိရဲ့သားနဲ့ မမိဘူးညစ်တယ်ဆိုပြီး အငြင်းအခုံ ဖြစ်ရတော့တာပါဘဲ။ တကယ်တော့ လိုက်တဲ့သူကလိုက်၊ ပြေးတဲ့သူက ပြေးနဲ့၊ တရားမျှမျှတတ ကစားကြရင်ပျော်စရာကြီးပါနော်။ ကစားသူအချင်းချင်းလည်း ဘယ်သူက မှန်တယ်၊ ဘယ်သူက မှားတယ်၊ ဘယ်သူက ညစ်တယ်ဆိုတာ ကစားရင်း မြင်နေ၊ တွေ့နေ၊ သိနေကြတာပဲ မဟုတ်လား။

ပြေးသူနဲ့ လိုက်သူတွေဆီ အတွေးတွေ ရောက်ပြန်လေတော့ " ဗြောင်တောင်တောင် ဗေဗေ့ဂျိ " ဆိုတာ ကလေးတွေသာမက တစ်ခါတစ်ခါမှာ ကျွန်မတို့ လူကြီးတွေလည်း ကစားဖြစ်နေကြပါလားလို့ စဉ်းစားမိပြီး ပြုံးမိပြန်လေရော။ ကဘောက်တိ၊ ကဘောက်ချာတွေးနေမိတာပါလို့ စစချင်းကထဲက ကြိုပြောထားပြီးသားနော်။

ဆန္ဒနဲ့ဘ၀တစ်ထပ်ထဲကျကြပါစေရှင်။

ပီတိ

ဒီနေ့တော့ စာဖတ်သူတွေကို သိပ်မကြာသေးခင်က ကြုံတွေ့ခဲ့ရတဲ့ ကျွန်မရဲ့ ကိုယ်တွေ့အဖြစ်အပျက်လေး တစ်ခုကို ဒီပို့စ်လေးနဲ့ ပြောပြချင်မိတယ်ရှင့်။

အဲ့ဒီနေ့က ဘတ်စ်ကားပေါ်ကဆင်းလို့ ကတ္တရာလမ်းပေါ် ခြေချမိတာနဲ့ လက်ထဲက နာရီကို ကျွန်မကြည့်လိုက်မိတယ်။ ၉နာရီထိုးဖို့ ၁၅မိနစ်။ တဖွဲဖွဲကျနေတဲ့ မိုးစက်မှုန်တွေကို ကာကွယ်ဖို့ အိတ်ထဲက ထီးကို ထုတ်ဖွင့်လိုက်တယ်။ ဒီမှတ်တိုင်ကနေ ရုံးကိုလျှောက်ဖို့ဆိုရင် ၅မိနစ်လောက်ပဲ ကြာမှာမို့ တဂွီဂွီနဲ့ ဆန္ဒပြနေတဲ့ အစာအိမ်မီးကို ငြှိမ်းသတ်ဖို့ ကားမှတ်တိုင်နဲ့ မလှမ်းမကမ်းမှာရှိတဲ့ ခြံဝင်းထဲက မုန့်ဟင်းခါးဆိုင်ဆီကို ကျွန်မခြေဦးလှည့်လိုက်တယ်။ နေရာလေးက ကျယ်ဝန်းအေးဆေးပြီး မုန့်ဟင်းခါး၊ အသုတ်စုံ၊ ကော်ဖီရတဲ့အပြင် သန့်ရှင်းတာမို့ အခုလို ရုံးလာတာ စောတဲ့နေ့မျိုးဆိုရင်  ဒီဆိုင်လေးမှာ မကြာခဏ ၀င်စားဖြစ်တယ်။ ဒီနားတ၀ိုက်မှာ လူနေအိမ်ခြေ နည်းပေမယ့် မနက်ပိုင်း စာရင်းကိုင် သင်တန်းရှိလေတော့ သင်တန်းတက်တဲ့သူတွေကို အဓိက အမှီပြုရောင်းတာမို့ ဆိုင်ထဲ ၀င်လိုက်တာနဲ့ စားသူတွေပြည့်လု နီးပါးပါဘဲ။ ကျွန်မရဲ့ရုံးက ၉နာရီထက်နောက်ကျရင်  ဒါဏ်ကြေးထိမှာ။ လမ်းလျှောက်တာက ၅မိနစ်၊ စားတာက ၅မိနစ်ဆိုရင် အနည်းဆုံး ၉နာရီမထိုးခင် ၅မိနစ်တော့ ရုံးရောက်မှာမို့ သွက်သွက်စားမှလို့ တွေးလိုက်မိတယ်။

ဆိုင်ထဲမှာတော့ လူတွေက ခုံအပြည့်နီးပါးပါဘဲ။ ထီးကိုပိတ်လို့ စားပွဲနဲ့ အနီးဆုံး ခုံလွတ်တစ်ခုမှာ နေရာယူပြီးတော့ ညှပ်ခေါက်ဆွဲကို မုန့်ဟင်းရည်ပူပူ မွှေးမွှေးလေးနဲ့အတူ ဘူးသီးကြော် ထည့်မှာပြီး ရှောက်သီးအချဉ်ညှစ်၊ ငရုပ်သီးအကျက်မှုန့်လေးဖြူးပြီး ဆာဆာနဲ့ စားနေမိတယ်။ ကျွန်မစားနေလို့ တ၀က်တောင် မကုန်ချင်သေးပါဘူး။ မျက်လုံးထောင့်ထဲမှာ ဆိုင်ထဲကို တစ်ယောက်ယောက် ၀င်လာတယ်လို့ မြင်လိုက်မိသလိုရှိလို့ ကြည့်လိုက်မိတယ်။ သီလရှင်ပန်းသွေးရောင်ဝတ်စုံဝတ် အဖွားအိုတစ်ယောက်။ လက်တဖက်က ပိုက်ဆံအလှူခံတဲ့ နှီးဇကာကုံးလေးနဲ့။ ကျန်လက်တစ်ဖက်ကတော့ ၀ါးတောင်ဝှေးကို မြေကြီးကိုထောက်လို့ ဆိုင်ထဲကို တစ်လှုပ်လှုပ်နဲ့ ၀င်လာလေတယ်။

ဆိုင်ထဲမှာ လူတွေက အပြည့်ပါဘဲ။ ဒီနှစ်သင်္ကြန် ပိတ်ရက်ရှည်မှာ သီလရှင်တစ်ပါတ် ၀တ်ပြီးထဲက သီလရှင်တွေရဲ့ဘ၀ကို စာနာနားလည်ခဲ့လို့ သီလရှင်ဆို စိတ်ဝင်စားမိတဲ့အပြင် သက်ကြီးရွယ်အို တစ်ဦးဖြစ်နေတာကြောင့်မို့ ကျွန်မရဲ့စားလက်စ မုန့်ဟင်းခါးပေါ်မှာ အာရုံပြတ်သွားပြီး အဖွားကို ကြည့်နေမိတယ်။ အဖွားက တလှုပ်လှုပ်နဲ့ ၀င်ဝင်ခြင်းတွေ့ခဲ့တဲ့ စားပွဲတွေမှာ အလှူလိုက်ခံလေတယ်။ အနားကို အဖွားရောက်လာချိန်မှာတော့ လက်ထဲက မုန့်ဟင်းခါးဘိုးရှင်းဖို့ အသင့်ထုတ်ထားတဲ့ ငါးရာကျပ်တန်ကို လက်နှစ်ဖက်နဲ့ ဇကာကုံးထဲ သေသေချာချာ ထည့်ပေးလိုက်မိတယ်။ အဖွားက အ၀င်ဝမှာ ၀င်လာထဲက အလှူခံလာတာဖြစ်ပြီး တစ်ယောက်မှ မထည့်ရသေးတာမို့  ကျွန်မက ဈေးဦးဖောက်လှူလိုက်တာလို့ ပြောမယ်ဆိုရပါတယ်။ အဖွားက “ကျန်းမာချမ်းသာပါစေ၊ အန္တရာယ်ကင်း ဘေးရှင်းပါစေ၊ ကြံတိုင်းအောင် ဆောင်တိုင်းမြောက်ပါစေ၊ လိုရာဆန္ဒ တစ်လုံးတစ်ဝထဲ ပြည့်ပါစေလို့ ” ဆုပေးတာကို လက်အုပ်လေးချီလို့ ကျွန်မနားထောင်မိတယ်။

ကျွန်မကို အဖွားဆုပေးပြီးချိန်မှာ ကျွန်မဘေးနားမှာ ထိုင်စားနေတဲ့ ညီမတစ်ဦးကလည်း အလှူငွေ ထည့်ပြန်တယ်။ ပြီးတော့ အဖွားက ဆိုင်အတွင်းပိုင်းက ခုံဝိုင်းအပုလေးတွေဆီ တရွေ့ရွေ့ သွားပြန်ပါလေတယ်။ ကျွန်မလည်း စားလက်စ မုန့်ပန်းကန်ကို ကောက်ကိုင်လိုက်ပေမယ့် လူကတော့ အဖွားကို မျက်ခြေမပြတ် လိုက်ကြည့်နေမိပါတယ်။ တချို့က အလှူငွေထည့် ကြပါတယ်။ တချို့ကလည်း ပြောလက်စ စကားမပြတ်စေပဲ လက်အုပ်ချီကန်တော့လို့သာ။ အဖွားက ခင်းထားတဲ့ စားပွဲလေးတွေအားလုံးစီကို စုံစေ့အောင် တစ်လှုပ်လှုပ်နဲ့ သွားနေပါတယ်။  အတွင်းပိုင်းမှာ ၃ယောက်လောက်စီက အလှူငွေရပြီးတော့ အဖွားက ကျွန်မတို့ဘက်ကို ပြန်လျှောက်လာပြန်ပါတယ်။ လူ၃၀လောက်ရှိနေတဲ့ဆိုင်မှာ သီလရှင်အဖွားအိုကို ငွေလှူတဲ့သူက ၅ယောက်ထဲပါ။ ကျွန်မအနားကို အဖွားပြန်ရောက်လာချိန်မှာတော့ ကျွန်မစိတ်ကို မထိန်းနိုင် တော့ဘဲ အဖွားလက်ကိုဆွဲလို့…

“ အဖွား.. ဒီမှာ ခဏထိုင်ပါဦး ” ဆြိုပီး ဘေးနားက လွတ်သွားတဲ့ ခုံနေရာမှာ လက်ကိုဆွဲလို့ အတင်းထိုင်ခိုင်းလိုက်မိပါတယ်။ “ အဖွား..တစ်ခုခုစားပါ..။ ကျွန်မလှူပါရစေ..။ ” ဆိုတော့ အဖွားက “ အဖွားမစားတော့ပါဘူး သမီးရယ်။ ရေနွေးပူပူလေးတော့ သောက်ချင်မိသား ” လို့ပြောလာလို့ အဖွားကို ရေနွေးတစ်ခွက်ထည့်ပြီး ကပ်မိပါတယ်။ “ အဖွားတစ်ခုခုစားပါ..။ မုန့်ဟင်းခါးပဲ မှာလိုက်မယ် ” လို့ပြောချိန်မှာ ဆိုင်က ရောင်းတဲ့ အစ်မကလည်းဝင်ပြီး “ အဖွား.. စားလိုက်.. ဒီက ညီမလေးက လှူချင်နေတာကို ” လို့ ၀င်ပြောပေးတယ်။ ဒါနဲ့ အဖွားလည်း မငြင်းရှာတော့ပဲ ကျွန်မကပ်လှူတဲ့ မုန့်ဟင်းခါးငါးဖယ်ကြော်နဲ့ကို သာဓုအကြိမ်ကြိမ်ခေါ်ပြီးတော့ စားပါတယ်။

မုန့်ဟင်းခါးစားနေတုန်း အဖွားကို အနီးကပ် သေချာကြည့်မိတယ်။ အသားညိုညို၊ အရပ်ရည်ရှည်၊ မျက်နှာက သွယ်သွယ်။ ခါးက အနည်းငယ် ကိုင်းနေပြီ။ ချိုင်းမှာ သီလရှင် လွယ်အိတ်တစ်လုံးကို လွယ်ထားသေးတယ်။ အဖွားပုံစံက မောနေသလို ရင်ဘတ်က ဖုတ်လှိုက်ဖုတ်လှိုက်နဲ့။ အဖွားခန္ဓာကိုယ်က တုန်ရီနေသလိုလို။ အဖွားရဲ့မျက်နှာပေါ်၊ ဦးပြည်းပေါ်မှာ မိုးစက်မှုန်တွေနဲ့ ဟိုသည်တစ်ပေါက် စိုစွတ်လို့။ စားပွဲပေါ်က တစ်ရှုးဗူးထဲက တစ်ရှုးစာရွက် နည်းနည်းယူပြီး “ အဖွားကန်တော့နော်။ မိုးစက်တွေ ကျွန်မသုတ်ပေးမယ် ” ပြောပြီး မိုးစက်တွေကို အသာအယာ သုတ်ပေးဖြစ်ပါတယ်။ မိုးစက်တွေ သုတ်ပေးရင်း ကျွန်မလက်က အဖွားရဲ့မျက်နှာကို အသာထိမိတယ်။ အလို.. အဖွားရဲ့ အသားတွေက ပူနွေးနေပါလား။ ကျွန်မ ဇိုးဇိုးဇတ်ဇတ်နဲ့ အဖွားနဖူးပြင်ကို လက်ခုံနဲ့ စမ်းသပ်လိုက်မိတယ်။ သေချာပါပြီ။ အဖွားဖျားနေပြီ။

အဖွားက မုန့်ဟင်းခါးကို မှန်မှန်စားနေတယ်။ မုန့်စားနေတဲ့ အဖွားကိုကြည့်ပြီး ကျွန်မရဲ့ ခေါင်းထဲမှာ ဖျားနေတဲ့ အဖွားကို ဘယ်လို လုပ်ရင်ကောင်းမလဲ..။ ဒီနေ့ ရုံးအစည်းအဝေးကလည်း ၁၀နာရီစဖို့ရှိတယ်။ ကျွန်မပါဝင်ထားတဲ့ သက်ကြီးရွယ်အို စောင့်ရှောက်ရေးအဖွဲ့က အဖွဲ့ဝင် ဆရာဝန်များကို ဖုန်းလှမ်းဆက်ရင် ကောင်းမယ်ဆို.. စဉ်းစားမိလိုက်တယ်။ ဒါနဲ့ ကျွန်မက  အဖွားကို မေးမိတယ်။

“ အဖွား.. အသက်ဘယ်လောက်ရှိပြီလဲ ”

“ ၆၉နှစ် ရှိပြီသမီး..”

“ အဖွားအသက်က မနည်းဘူးပဲ။ အခု အဖွား ဘယ်ကျောင်းတိုက်ကနေ ဒီအထိလာတာလဲ ”

“ အဖွားက ဒေါပုံက သီလရှင်တိုက်ကပါ။ ဇာတိက စစ်ကိုင်းကပါ..။ ဒီကျောင်းကို မနှစ်က ပြာသိုလ အဖိုးကြီးမရှိတော့ထဲက ရောက်နေတာပေါ့ ”

အဲ့ဒီလို အဖွားနဲ့ ကျွန်မ အပြန်အလှန် မေးဖြေနေချိန်မှာ ကျွန်မတို့နှစ်ယောက်ရဲ့ နဘေးနားမှာ မုန့်ဟင်းခါးလာစားတဲ့ ကျောင်းသူကလေးမတချို့နဲ့ ကျောင်းသားတချို့ ၀ိုင်းလာကြတယ်။ ကျွန်မက အဖွားကို ထပ်မေးမိတယ်။

“ အဖွား ဒီကို ဘာနဲ့လာသလဲ ”

“ အဖွား.. လိုင်းကားစီးလာတယ်..။ ဒီနေရာမှာ ဆန်လာခံနေကြလေ ”

“ အဖွားက တစ်ပါးထဲ အဝေးကြီးကလာရတာပဲ။ အဖော်လည်းမပါဘူး။ ထီးလည်းမပါဘူး မဟုတ်လား။ မိုးသည်းလာရင် ဒုက္ခပါဘဲ..။ ကိုယ်တွေလည်း ပူနေတယ်.. ”

အဲ့ဒီမှာ ဘေးနားရပ်ကြည့်နေတဲ့အထဲက ညီမတစ်ယောက်က..

“ အဖွားကြည့်ရတာ အားမရှိသလိုပဲနော် အစ်မ..။ ကိုယ်တွေပူနေတာ ဆေးသောက်ထားသေးလားအဖွား ”

“ အင်း.. နည်းနည်းတော့ မောနေတယ်..။ ဆေးကတော့ တော်နေကြာ ဟိုဘက်က ဈေးလေးရောက်ရင် ၀ယ်သောက်မယ်..။ ထီးကလည်း အရွက်လည်းဖို့ ဆိုင်မှာ အပ်ထားတာ ညနေမှ ၀င်ယူရမယ်” လို့ အဖွားက ပြောတယ်။

အဲ့ဒီအချိန်မှာ အသက်၅၀အရွယ် အတွင်းက စားပွဲခုံမှာ မုန့်မှာစားနေတဲ့ ယောကျာ်းကြီး တစ်ယောက် ကျွန်မတို့ စကားဝိုင်းထဲ ၀င်လာတယ်။

“ အမေကြီးက အဖျားတက်နေပြီ။ ကျွန်တော့်ကားပါလာတယ်။ အမေကြီး ပြီးရင်ကျွန်တော်နဲ့ လိုက်ခဲ့ပါ။ ကျွန်တော်က ဒီနားမှာနေတဲ့ ဆရာဝန်တစ်ယောက်ပါ။ အမေကြီးကို ကျွန်တော့အိမ်မှာ စမ်းသပ်ပေးပြီး ဆေးတွေပေးပါ့မယ်..။ အခမဲ့ ဆေးကုလှူမှာပါ။ ကျွန်တော်ပေးတဲ့ ဆေးသောက်ပြီး အမေကြီး နေပြန်ကောင်းသွားမှာ။ ဖြေးဖြေးစားပါ။ ကျွန်တော်စောင့်ပါ့မယ် ”

ကျွန်မတို့ အားလုံးရဲ့ မျက်နှာတွေ ၀င်းကနဲဖြစ်သွားရပြီး အဖွားအတွက် ၀မ်းသာသွားမိရတယ်။ အဖွားက “ ရပါတယ်.. ဒုက္ခရှာလို့..။ ဆေးဝယ်သောက်လိုက်ရင် ရတဲ့ဟာကိုကွယ်..” လို့ အားနာစကား ဆိုပါတယ်။ ကျွန်မတို့ အားလုံးလည်း ဆရာဝန်ဦးလေးနဲ့ လိုက်သွားဖို့ အဖွားကို တစ်ယောက်တစ်ပေါက် ၀ိုင်းပြောကြပါတယ်။ အဲ့ဒီအချိန်မှာ ဆိုင်မှာလာစားနေကြသူ တော်တော်များများက ကျွန်မတို့အားလုံးကို သတိပြုမိနေကြပါပြီ။ အဲ့ဒီမှာ မိန်းကလေးတစ်ယောက်ကလာပြီး အဖွားအတွက် အလှူငွေထည့်လေတယ်။ အဖွားလည်း ဆုတွေပေးတယ်။ တစ်ခဏပဲရှိသေးတယ် နောက်တစ်ယောက်ကလည်း ငွေလာလှူပြန်တယ်။ အဖွားလည်း ဆုထပ်ပေးရပြန်ရော..။

ဒီလိုနဲ့ တစ်ယောက်ပြီး တစ်ယောက် လာလှူကြတယ်။ ခုနက လက်အုပ်ကလေးပဲချီပြီး “ ကန်တော့ပါသေးရဲ့” လို့ပြောသူတချို့လည်း သူတို့နိုင်သလောက်လေး လာလှူကြတယ်။ လှူတဲ့သူတွေများလာတော့ အဖွားက ဆုတွေကို တစ်ယောက်ချင်းဆီ မပေးနိုင်တော့ဘူး။ အားလုံးရဲ့ မျက်နှာတွေကို လိုက်ကြည့်ပြီး ဆုကိုတစ်ပြိုင်နက်ထဲပေးတယ်။ အဖွားရဲ့ နှီးဇကာလေးထဲမှာ တစ်မဟုတ်ချင်း ငွေစက္ကူတွေ ဗောင်းသလံလျှံ သွားတယ်။ နဘေးက ညီမတစ်ဦးက ပိုက်ဆံတွေကို သေသေချာချာ စီစီရီရီ ထပ်ပေးတယ်။ အဖွားကို သေချာသိမ်းဖို့ပြောတော့ အဖွားက နှုတ်က သာဓု တတွတ်တွတ် ရွတ်ခေါ်ရင်း ပိုက်ဆံတွေကို သူ့ရဲ့ ချွေးခံအိကျီ င်္လေးထဲက အိတ်ကပ်လေးထဲထည့်ပြီး တွယ်ချိတ်လေးနဲ့ အိတ်ကို တွယ်ပိတ်လိုက်တယ်။

အဖွားကို ဆရာဝန်ဦးလေးရဲ့ ကားဆီသွားဖို့ ၀ိုင်းတွဲကြချိန်မှာ ကျောင်းသူညီမလေးနှစ်ဦးက “ သမီးတို့ အဖွားနဲ့အဖော်လိုက်ခဲ့ပေးမယ် ” လို့ပြောလာတယ်။ အဲ့ဒီအခါမှာ သူတို့နဲ့ အတူ မုန့်လာစားတဲ့ ယောကျာ်းလေးအဖွဲ့ထဲက တစ်ယောက်က လူငယ်ပီပီ“ ဟေး ” ဆိုအော်ပြီး စပြီး လက်ခုပ်တီး အားပေးလိုက်တယ်။ တစ်ခဏတွင်း လက်ခုပ်သံတွေ ဆိုင်ထဲ ညံသွားတော့တယ်။ ကျွန်မလည်း ဘယ်နေမလဲ။ တီးမိတာပေါ့။ ကျွန်မတို့ အဖွားကို လမ်းမမှာရပ်ထားတဲ့ ကားပေါ် တွဲပို့တင်နေချိန်မှာ “ ခဏလေး.. ခဏလေး” ဆို အော်သံကြားရပြန်လို့ အနောက်ကို လှည့်ကြည့်လိုက်တော့ လူတစ်ယောက် ဆိုင်ထဲက အပြေးထွက်လာပြီး “ ကျွန်တော့ထီးလေး အဖွားကို လှူပါတယ်။ အဖွား အပြန်မှာ မိုးမိနေမှာစိုးလို့ပါ ” ဆိုပြီး သူ့ရဲ့ထီးကို အဖွားရဲ့လက်ထဲထည့်ပေးလိုက်တယ်။ အဖွားက သာဓုခေါ်ရင်း လက်ခံယူတယ်..။ ကားမထွက်ခင်မှာ အဖွားလက်ကို ဆုတ်ကိုင်လို့ ကျွန်မ နှုတ်ဆက်တယ်။ ကျွန်မလက်ကိုလည်း အဖွားက တစ်ဖန်ပြန်လို့ တင်းတင်းဆုတ်ကိုင်ပြီး အပြုံးမျက်ရည်ကြည်တွေလဲ့လျှက်က နှုတ်ဆက်တယ်။

အဖွားကိုခေါ်သွားတဲ့ ကားလေးမျက်စိအောက်က ပျောက်သွားလေမှ ကျွန်မလည်း လှမ်းမြင်နေရတဲ့ ရုံးဘက်ဆီကို ခြေဦးလှည့်လိုက်တယ်။ လက်က နာရီလေးကို ကြည့်လိုက်တော့ ၉နာရီ၁၅မိနစ်တောင်မှ ရှိနေပြီရှင့်။ ရုံးနောက်ကျလို့ ဒဏ်ကြေးထိတော့မယ်ဆိုတာသိပေမယ့် ကျေနပ်စိတ်နဲ့ ကျွန်မ တစ်ဦးထဲ နှစ်နှစ်ကာကာ ပြုံးလိုက်မိတယ်။ ဒီအပြုံးကို ပီတိအပြုံးလို့ နာမည်တပ်လို့ ရမယ်ထင်ပါတယ်။ ပေါ့ပါးသွက်လက်နေတဲ့ ကျွန်မရဲ့ ခြေလှမ်းအစုံက ရုံးရှိရာဆီကို ဦးတည်လို့ပေါ့…။

ကျွန်မတို့အားလုံးဟာ တစ်ယောက်နဲ့ တစ်ယောက် ယခင်က သိကျွမ်းခဲ့ကြခြင်းမရှိပါဘူး။ နောင်လည်း  ဆုံတွေ့ဖြစ်ကြမှာ မဟုတ်ပါဘူး။ ဒါပေမယ့် စာနာတတ်တဲ့၊ ကြင်နာတတ်တဲ့ နှလုံးသားတွေကတော့ အမှတ်မထင်ပဲ ဆုံမှတ်တစ်ခုရဲ့ အောက်မှာ အတူတူ တဒင်္ဂရှိနေခဲ့ကြတာ မငြင်းနိုင်ပါဘူးရှင်။

ပီတိဆိုတာမျိုးက ကျေနပ်မှုတစ်ခုအတွက် တစိမ့်စိမ့်တွေးပြီး ရင်ထဲမှာ ကြည်နူးနေရတာမျိုးပါ။ သူများကလုပ်ပေးလို့ ကိုယ်က ရလိုက်တဲ့ ပီတိထက်၊ သူများကို ကိုယ်က လုပ်ပေးလိုက်လို့ ကိုယ်တိုင် ပြန်ရလိုက်တဲ့ ပီတိက ပိုပြီးချိုမြိန်တယ်ဆိုတာ အခုနောက်ပိုင်း ကျွန်မတဖြည်းဖြည်းနဲ့ သိလာရတယ်ရှင့်။ အဲ့ဒီလို ပီတိမျိုးက စားသုံးမိပြီးရင်လည်း ထပ်ကာတလဲလဲ စားသုံးချင်လာမိပြီး စိတ်ဓာတ်ခွန်အားတွေ ပြည့်ဝလာတတ်တာမျိူးမို့ ကျွန်မတို့တစ်တွေ ရှာဖွေစားသုံးသင့်တယ် မဟုတ်ပါလားရှင်။

ဆန္ဒနဲ့ဘ၀တစ်ထပ်ထဲကျကြပါစေရှင်။

မလွှဲသာမရှောင်သာ

်

သီသီ့ကို သိဂီ င်္တို့ လင်မယား ဒီရပ်ကွက်ထဲ ပြောင်းလာပြီး  ၃နှစ်လောက်နေမှ သိခဲ့ရတာပါ။

သိဂီ င်္တို့အိမ်မှာက လင်ကိုယ်မယားနှစ်ယောက်နဲ့ သိဂီ င်္ရဲ့ယောကျာ်း ကိုသီဟရဲ့ အမေနဲ့ပါမှ မိသားစု သုံးယောက်ထဲရှိတာပါ။ လင်မယား နှစ်ယောက်လုံး အလုပ်သွားချိန်ဆို အိမ်မှာ အမေ့ကိုထားခဲ့ရတာမျိုးပါ။ ကိုသီဟက ဆရာဝန်ပေါက်စ တစ်ဦးဖြစ်ပြီး သိဂီ င်္ကတော့ ကုမ္မဏီတစ်ခုက စာရင်းကိုင်တစ်ဦးမို့ မိသားစု ချောင်ချောင်လည်လည်ရှိပါတယ်။ လင်မယားနှစ်ယောက် မနက်အိမ်ကထွက်၊ ညနေမှ အိမ်ပြန်နဲ့ ကြာလာတော့ ညည်းငွေ့လာပြီး သူတို့အိမ်အတွက် ဆည်းလည်းလေးတစ်လုံး လိုချင်လာခဲ့ပါတယ်။ ဒီလိုနဲ့ သိဂီ င်္တို့လင်မယား အိမ်ထောင်သက်၂နှစ်မှာ သားသမီးယူဖို့ ဆုံးဖြတ်လိုက်ပါတယ်။ သီဂီ င်္ကိုယ်ဝန်ဆောင်ချိန်မှာ လင်မယားနှစ်ယောက်လုံး ကလေးအတွက်  အရူးအမူး ဖြစ်ခဲ့ရပါတယ်။ ဒီလိုနဲ့ သမီးဦးလေး မွေးဖွားပြီးချိန်မှာ ကိုသီဟက သိဂီ င်္ကို အလုပ်ထွက်စေချင်ပြီး အိမ်မှာပဲ သမီးလေးကို    စောင့်ရှောက်စေချင်လာပါတယ်။ ဒါပေမယ့် လုပ်သက်တွေ နှမြောတာက တစ်ကြောင်း၊           သိဂီ င်္ရဲ့ စာရင်းကိုင်လစာကလည်း အိမ်ကို တစ်ဖက်တစ်လမ်းကနေ ပံ့ပိုးနေတာကြောင့် တစ်ကြောင်း၊ သမီးရဲ့နောင်ရေးအတွက် ငွေစုချင်တာနဲ့ နောက်ဆုံးအလုပ်မထွက်ဖို့ ဆုံးဖြတ်လိုက်မိပါတော့တယ်။

မီးဖွားခွင့်ပြည့်ပြီး ရုံးပြန်တက်ချိန်မှာ နုနယ်တဲ့ သမီးလေးကို အိမ်မှာ ကိုသီဟရဲ့အမေနဲ့ တစ်ယောက်ထဲ ထားခဲ့ဖို့ဆိုတာ မဖြစ်နိုင်ပါဘူး။ အမေက ထိမ်းနိုင်တယ်ထားဦး၊ ကလေးရဲ့ ဝေရာဝိစ္စတွေ စုံစီနဖာတွေကို အမေတစ်ယောက်ထဲ ကလေးအငယ်လေးတစ်ဖက်နဲ့ လုပ်ဖို့ဆိုတာ မလွယ်ကူလှပါဘူး။ ဒါနဲ့ တစ်လမ်းထဲနေ ဒေါ်ခင်မေရဲ့ အကျိုးတော်ဆောင်မှုနဲ့ သိဂီ င်္တို့ မျက်စောင်းထိုး ၀န်ထမ်းအိမ်ရာထဲမှာနေတဲ့ သီသီကို အိမ်အတွက် ခေါ်ယူသုံးခဲ့ရပါတယ်။

သီသီကလည်း သမီးတစ်ယောက်အမေ အိမ်ထောင်နဲ့ပါ။ သူ့ယောကျာ်းက ဆောက်လုပ်ရေး လုပ်ငန်းခွင်က လက်သမား ခေါင်းဆောင်တစ်ဦးလို့ သိရပြီး နယ်က လုပ်ငန်းခွင်တွေမှာပဲ သွားအလုပ်လုပ်ရတာများပြီး ရံဖန်ရံခါမှသာ ရန်ကုန်ကို ဆင်းလာတာလို့ သိရပါတယ်။ သီသီ့အဖေက အခုနေထိုင်ရာ အလုပ်မှာ အရင်က ညစောင့်ဝန်ထမ်းဟောင်းတစ်ဦးပါ။ ပင်စင်စား ဖြစ်သွားပေမယ့် နားလည်မှုနဲ့ ၀န်ထမ်းအိမ်ရာရဲ့ အစွန်ဆောက်အဦကို တစ်ဖက်ရပ်တဲ ဓနိမိုးသုံးပင်ကာ အိမ်ကလေးတစ်လုံးထိုးလို့ နေခွင့်ရထားပါတယ်။ သီသီ့မှာ အဖေက နေသိပ်မကောင်းပေမယ့် သီသီ့အမေကတော့ ကျန်းမာပါတယ်။ သီသီ့ကို သဘောကျတာတစ်ခုက သူက သေစာရှင်စာသာ တတ်ပေမယ့် သမီးဖြစ်သူကိုတော့ ပညာရအောင် သင်ပေးတာက ချီးကျူးစရာပါ။ ဆင်းရဲနွမ်းပါးပေမယ့် သုတို့မိသားစုကို ကြည့်လိုက်ရင် ကလေးကအစ၊ သူ့အလယ်၊ မိဘနှစ်ပါးအဆုံး မရှိရှိတာလေးဝတ်ပြီး သပ်ရပ်စွာ နေထိုင်တတ်တာကိုပါဘဲ။ သီသီ့တို့သားအမိဆိုရင် ဘယ်အချိန်ကြည့်ကြည့် တစ်ပတ်နွမ်းအိကျီ င်္အသန့်လေးနဲ့ မျက်နှာမှာ သနပ်ခါး အဖွေးသားနဲ့ပါ။

သီသီ့ကို သိဂီ င်္က သမီးအတွက် အိမ်မှာအကူခေါ်ခိုင်းဖို့ ဆွေးနွေးလေတော့ သူက သူ..အိမ်အလုပ် လုပ်မယ်၊ ကလေးကိုဂရုစိုက်မယ်။ ဒါပေမယ့် ညမအိပ်ဘူး၊ ထမင်းမစားဘူး၊ သိဂီ င်္ရုံးက ပြန်လာရင် သူ့ကို အိမ်ပြန်ခွင့်ပြုရမယ်လို့ တောင်းဆိုလာပါတယ်။ သူ့အိမ်က မျက်စောင်းထိုးလမ်းပေါ်က အိမ်ရာထဲမှာတင်နေတာဆိုတော့ သိဂီ င့်္တို့ လင်မယားဆွေးနွေးပြီးတော့ လစာသတ်မှတ်ပြီး အလုပ်စဆင်းဖို့ သဘောတူလိုက်ပါတယ်။

သီသီက စကားနည်းနည်း၊အသားညိုညို မျက်နှာဝိုင်းဝိုင်း နှာတံလုံးလုံးနဲ့ အရပ်ရှည်သူ၊ ပြောရရင် ရိုးသားတဲ့ မြန်မာစစ်စစ်တစ်ယောက် ရုပ်မျိုးပါ။ လုပ်ရည်ကိုင်ရည်ကတော့ အညံ့ကြီးမဟုတ်သလို၊ အတော်ကြီးလည်း မဟုတ်ပါဘူး။ မှန်တန်းပါဘဲ။ လာဘ်မမြင်ဘူးလို့တောင် ပြောရင်ရပါတယ်။ သူ့ကိုဘယ်လို ထမင်းကျွေးကျွေး မစားပါဘူး။ ဇွတ်အတင်း အိမ်ကိုယူသွားဆို ထည့်ပေးရင်တော့ ယူသွားတတ်ပါတယ်။ သူ့မှာ သိဂီ င်္ တို့ တစ်အိမ်လုံး ချီးမွမ်းရဆုံးအချက်ကတော့ သိဂီ င်္တို့ရဲ့ သမီးလေးကို ဂရုစိုက်ယုယလွန်းတာပါဘဲ။ သိဂီ င်္တို့ကလည်း သမီးလေးအတွက် ဦးစားပေး ခေါ်ခဲ့တာ ဆိုတော့ ကျန်တဲ့ကိစ္စတွေအတွက် သီသီ့ရဲ့ အားနည်းချက်တွေကို ခွင့်လွှတ်နိုင်ခဲ့ပါတယ်။

သမီးလေးဟာ လေးဘက်သွားကနေ အခါလည်ကျော်လာလို့ စကားတွေတီတီတာတာနဲ့ ပြောတတ်လာခဲ့ပါတယ်။ သမီးလေးနဲ့ပတ်သက်သမျှဟာ သီသီ့လက်၊ သီသီခြေဖြစ်ခဲ့ရပါပြီ။ သီသီကလည်း သမီးလေးအပေါ် သံယောဇဉ်တွယ်လာခဲ့ပြီး သမီးလေးကလည်း “သီ ” “သီ” နဲ့ အပျောက်မခံချင်တော့ပါဘူး။ သီသီတို့မိသားစုနဲ့ သိဂီ င်္တို့ မိသားစုရဲ့ကြားမှာ ရင်းနှီးမှုကလည်း ထုထည်နဲ့ရှိလာပါတယ်။ သီသီဟာ သိဂီ င်္တို့ရဲ့ မိသားစုဝင်တစ်ပိုင်းလို့တောင် ပြောလို့ရတဲ့ အခြေအနေအထိ ယုံကြည်မှု၊ စိတ်ချမှုတွေ ရှိလာခဲ့ရပါပြီ။ သီသီ့မှာ သိဂီ င်္တို့ မိသားစုအတွက် အလုပ်ချိန်ဆိုတာ မရှိတော့ပါဘူး။ သိဂီ င်္တို့ဘက်ကလည်း သီသီ့သမီးလေးကို ကျောင်းစရိတ်ကအစ တာဝန်ယူပေးတဲ့အထိ စောင့်ရှောက်ခဲ့ပါတယ်။ ကိုသီဟ မေမေ တရားရိပ်သာဝင်တဲ့ အချိန်မျိုးမှာ သီသီ့ကို အိမ်သော့တစ်ချောင်းနဲ့ ထားခဲ့လို့ရတဲ့အထိ ယုံကြည်မှုတွေ ရလာခဲ့ရပါတယ်။ ဒီလိုရင်းနှီးမှုတွေ နှစ်ရှည်လများ ကြာလာရပေမယ့် သီသီက စည်းကမ်းရှိတယ်။ အိမ်မှာ ထမင်းကျွေးလို့မရသေး။ အ၀တ်လျှော်ရင်း အိတ်ကပ်ထဲက ပိုက်ဆံတွေ တွေ့ရင်ပေးမြဲ။ သူကလွဲလို့ သူ့မိသားစုကို ဘယ်သူမှ သိဂီ င်္တို့ အိမ်ပေါ်မခေါ်ခဲ့။ သိဂီ င်္တို့ လင်မယားကတော့ သီသီလို အိမ်မြဲ တစ်ယောက်ရတာ ၀မ်းသာလို့မဆုံး။

ဒီလိုနဲ့ သမီးလေး မူကြိုတက်တဲ့ အရွယ်တောင်ရောက်လာခဲ့ပါပြီင်္။ သီသီ့သမီးဝါ၀ါနဲ့ သိဂီ င့်္သမီးလေး တောင် အတူတူ ကစားလို့ရနေပြီ။ သီသီ့အိမ်ထောင်ရေး အဆင်မပြေဘူးကြားလာရတယ်။ နယ်က သူကယောကျာ်းက နောက်အိမ်ထောင်ထူတယ်ပြောလာတယ်။ သူ့ဆီအရင်လို ငွေမပို့တော့လို့ ငွေပိုလေးများရအောင် သမီးလေး မူကြိုသွားချိန် တခြားအိမ်တွေမှာ အ၀တ်လျှော်ခွင့်တောင်းလို့ အိမ်ကအလုပ်တွေမထိခိုက်ရင် လုပ်ချေဆို ခွင့်ပြုပေးခဲ့ပါတယ်။ တစ်ခါ တစ်ပါတ်လောက် ခွင့်ပေးပါပြောပြီး ယောကျာ်းနောက်လိုက်သွားလေတယ်။ တစ်လ ကြာသွားတယ်။ ပြန်လာတော့ ယောကျာ်းပါပါလာတယ်။ သိပ်မကြာပါဘူး။ ယောကျာ်းနဲ့ ကွာရှင်းလိုက်ပြီ ပြောလာပါတယ်။ အိမ်ထောင်ရေး အဆင်မပြေတော့ သူ့လည်း တစ်ခါတစ်ခါ စိတ်နဲ့လူ မကပ်ရှာပါဘူး။ ဒီကြားထဲ သူ့အဖေကြီးက မမာဘူးဆိုပြန်တော့ သီသီ့ခမျာ ဒေါင်ချာဆိုင်းနေရှာတာပါဘဲ။ လစာငွေတွေလည်း ကြိုထုတ်ထားတာ တော်တော်များနေပါပြီ။ ဒါပေမယ့် သိဂီ င်္ တို့ ကလည်း စာနာစိတ်နဲ့ သီသီ့ကို တတ်နိုင်သလောက် ဖျောင်းဖျ ကူညီခဲ့ပါတယ်။

တစ်နေ့မှာ……။

ကိုသီဟက ပြုမြဲအတိုင်း အလုပ်မသွားခင် ဘုရားခန်းဝင် ၀တ်ပြုလေတယ်။ ကိုသီဟ ၀တ်ပြုပြီးတော့ သိဂီ င့်္ကို ခေါ်မေးလေတယ်။

“ သိဂီ င်္… ကိုယ်..ဘုရားစင်ဘေးက စိတ်ပုတီးတွေထည့်ထားတဲ့ ကြိမ်ခြင်းတောင်းလေးရဲ့ အောက်မှာ သိမ်းထားတဲ့ တစ်ထောင်တန် အသစ်လေးသုံးရွက်တွေ့မိလား။ ယူသိမ်းမိသေးလား ”

“ မတွေ့ဘူး..။ သိမ်းလည်းမသိမ်းဘူး။ ဘာဖြစ်လို့လဲ ”

“ ကိုယ်က ဘုရားပန်းဝယ်ရင် သုံးရအောင်လို့ ပိုက်ဆံအသစ်လေးတွေ ရှားရှားပါးပါးရလာလို့ မှတ်မှတ်ရရ မနေ့က အဲ့ဒီအောက်မှာ ထားထားတာ။ ဒီမနက်ကြည့်တော့ မတွေ့တော့လို့ ”

အဲ့ဒီအချိန်က ကိုသီဟရဲ့ အမေက တရားရိပ်သာဝင်နေချိန်ဆိုတော့ ဒီငွေသုံးထောင်ကို သူရော၊ သိဂီ င်္ရော မယူရင် ဘယ်လိုပျောက်သွားလည်းလို့ နှစ်ယောက်လုံး စဉ်းစားနေမိကြပြီ။ သိဂီ င်္က..

“ သီသီ ဈေးခနသွားတယ်။ သူများယူလားမသိဘူးနော်။ သူက ဒါမျိုးယူလေ့လည်း မရှိပါဘူး။ သူလာရင် ယူသလားမေးကြည့်လိုက်မယ်လေ ”

“ အဲဒီလိုမေးလိုက်လို့ ကောင်းပါ့မလား။ သူမယူဘူးဆို အားနာစရာနော် ”

“ အင်းနော်..။ သူသာမယူခဲ့ရင် အဲ့လိုမေးလိုက်တာ သူများစိတ်ထိခိုက်သွားမလား။ စွတ်စွဲသလို ဖြစ်သွားရင်လည်း မကောင်းဘူးနော်။ မနေ့ကတော့ ဘုရားပန်းတွေ သူလဲနေသေးတာလေ။ ဘုရားစင်သူရှင်းတာ။ သူတွေ့တော့ တွေ့မယ်ထင်တယ်နော်”

“ ငွေသုံးထောင်လေးနဲ့ ထားလိုက်ပါတော့ကွာ။ လုပ်မနေနဲ့တော့။ အလကား နှစ်ဦးနှစ်ဘက် စိတ်မကောင်းစရာတွေ ဖြစ်နေရလိမ့်မယ် ”

ဒါပေမယ့် စာရင်းသမားတစ်ယောက်ဖြစ်တဲ့ သိဂီ င်္က ဒီလို အလဟဿ ပျောက်သွားတာမျိုးကိုလည်း လက်မခံချင်ပါဘူး။ တစ်ဖက်ကလည်း သီသီကို မထင်ရက်ပြန်ဘူး။ သီသီရဲ့ ရိုးသားမှုကို နှစ်ရှည်လများသိလာတော့ မသေချာပဲ၊ မျက်မြင် ဒိတ္ထမတွေ့ရပဲနဲ့ မရိုးစွတ်ချင်ဘူး။ ဒါနဲ့ ကိုသီဟကို ဒီငွေဘယ်လိုပျောက်တယ်၊ သီသီ တကယ် ယူမယူဆိုတာကို သီသီလည်း မသိအောင် ဖော်နိုင်တဲ့ နည်းလမ်းတစ်ခုကို သီဂီ င်္က ပြောပြတယ်။

ဒါနဲ့ သီသီမနက်ဈေးက ပြန်လာလို့မီးဖိုထဲ ချက်ပြုတ်ဖို့ အလုပ်များနေတုန်း။ သိဂီ င်္က မီးဖိုချောင်နဲ့ကပ်လျှက်က မှန်တင်ခုံမှာ သနပ်ခါးသွေးလို့။  ကိုသီဟက မျက်နှာသုတ်ပုဝါလည်ပင်း ချိတ်ရင်း ရေချိုးခန်းဝင်ကာနီးမှာ …

“ သိဂီ င်္ရေ.. ကိုယ်..ဘုရားစင်ပေါ်က စိတ်ပုတီးခြင်းရဲ့ အောက်မှာ ထားထားတဲ့ ပိုက်ဆံသုံးထောင် မသိမ်းလိုက်နဲ့နော်။ ထီထိုးဖို့ အဓိဋ္ဌာန်ထားတဲ့ ပိုက်ဆံ.. သိလား။ ကိုယ်... သဘက်ခါ ထီထိုးရမယ်။ ဒါကြောင့် ကြိုပြောထားတာ”

“ အင်းပါ.. သိဂီ င်္တွေ့ပါတယ်။ ဘုရားစင်ပေါ်မှာ ပိုက်ဆံတွေတွေ့ထဲက ကို.. တစ်ခုခုလုပ်မယ် ထင်သားဘဲ..”

ကိုသီဟနဲ့ သိဂီ င်္က အတိုင်အဖောက်ညီညီနဲ့ မီးဖိုထဲအထိကြားရအောင် ပြောနေတယ်။ သီသီကလည်း မီးဖိုထဲမှာ သူလုပ်စရာတွေကို ဇယ်ဆက်မတတ် ပုံမှန်အတိုင်း လုပ်နေတာပါဘဲ။ ထုံးစံအတိုင်း အလုပ်သွားဖို့ သီသီ့ကို အိမ်မှာထားလို့ လင်မယားနှစ်ယောက် အိမ်ကနေ ထွက်လာခဲ့တယ်။ သူတို့နှစ်ယောက်ရဲ့ စိတ်ထဲမှာ အစောဆုံး ဒီညနေတော့ တစ်ခုခု ထူးခြားလိမ့်မယ်လို့ တွက်ထားလိုက်တယ်။ တစ်ချိန်ထဲမှာပဲ ဒီငွေယူတာ ဘယ်သူလည်းဆိုတာ သိလာခဲ့ရင်ဆိုတဲ့ စိုးရိမ်စိတ်ကလည်း နှစ်ယောက်လုံးရင်ထဲ တပြိုင်နက်ထဲ ရှိနေကြတယ်။

ဒီလိုနဲ့ ညနေ သိဂီ င်္တို့လင်မယား အိမ်ပြန်ရောက်လို့ သီသီတစ်ယောက်နှုတ်ဆက်ပြီး သူ့အိမ်ကို ပြန်သွားချိန်မှာ “ မဟုတ်ပါစေနဲ့ ” လို့ စိတ်ထဲက ဆုတောင်းမိကြပြီး ဘုရားခန်းထဲကို  စိတ်လှုပ်ရှားစွာ ၀င်ကြည့်လိုက်ကြတယ်။ ဘုရားစင်ပေါ်က စိတ်ပုတီးခြင်းလေးရဲ့ အောက်မှာတော့ ပျောက်ဆုံးနေတဲ့ ငွေသုံးထောင်။ ဒါပေမယ့် မူလကလို အသစ်မဟုတ်ပဲ နွမ်းဖတ် နေတဲ့၊ စုတ်ပြဲနေတဲ့ နေရာကို ဆယ်လိုတိပ်နဲ့ ကပ်ထားတဲ့ ငွေစက္ကူ တစ်ထောင်တန်အနွမ်းလေး သုံးရွက်။ သူတို့လင်မယားနှစ်ယောက် တစ်ယောက်ရဲ့ မျက်နှာကို တစ်ယောက် ၀မ်းနည်းစွာ ကြည့်နေမိတော့တယ်။ မျှော်လင့်ပြီးသားဖြစ်ပေမယ့် တကယ်တန်း သိလိုက်ရ ချိန်မှာတော့ အနှစ်နှစ်အလလ လက်တွဲခဲ့ရတဲ့ လူကောင်းတစ်ယောက် လက်လွှတ်လိုက် ရတော့မယ်လို့ နှမြောတသဖြစ်သွားမိရပါတယ်။

တကယ်တမ်းက သီသီဟာ မနက်က သိဂီ င်္တို့လင်မယားရဲ့ ပြောနေတာကို သိလို့၊ ကြားလို့ ငွေသုံးထောင်ကို အချိန်မှီ ဘုရားစင်ပေါ်မှာ ပြန်ထားလိုက်တာ မဟုတ်ရပါဘဲ ဒီငွေသုံးထောင်ကို သူ့သမီးလေး ဆေးခန်းပြဖို့ အရေးပေါ်လိုလာလို့ သိဂီ င်္တို့ ရုံးသွားနေတုန်း ကြံရာမရစိတ်နဲ့ ခဏယူသုံးတာဖြစ်ပြီး ဒီနေ့ကျမှ နေ့ပြန်တိုးနဲ့ ချေးငှါးပြီး မူလနေရာမှာ ပြန်ထားပေးထားရတာပါ။ ဒီငွေလေးကို သိဂီ င်္တို့ မသိအောင် တစ်နေ့တာ ခဏယူသုံးမိလိုက်လို့ မလုံတဲ့ လိပ်ပြာနဲ့ မနေ့ညက တစ်ညလုံး မိုးစင်စင်လင်းတဲ့အထိ သီသီတစ်ယောက် အိပ်မရခဲ့ပါဘူး။ အခုလို ငွေသုံးထောင်ကို ပြန်ထားပြီးပြီးဆိုမှ သူ့စိတ်တွေ လုံးလုံးအေးသွားရတဲ့ သီသီရဲ့ ဒီအဖြစ်တွေကို သိဂီ င်္တို့ လင်မယား သိရှိသွားခွင့် မရနိုင်တော့သလို ဒီထက် ပိုပြီး ၀မ်းနည်းစရာကောင်းတာက သိဂီ င်္တို့ လင်မယား သူ့အပေါ်မှာ ဘယ်လို ထင်မြင်သွား တယ်ဆိုတာကို သီသီတစ်ယောက်လည်း သိခွင့်မရရှာ တော့ပါ။

( နောက်ဆက်တွဲ ...)

အွန်လိုင်းပေါ်တွင်...

Me: ချောစုရေ.. တို့ ဒီနေ့ ပို့စ်အသစ်တက်မယ်..။

ချောစု : ရေးလှချည်လား တို့အစ်မ..။

Me: ကိုယ်တွေ့လေးလေ..။ နာမည်ကိုတော့ " မလွှဲသာမရှောင်သာ ".. လို့ပေးထားတယ်။

ချောစု : အစ်မပြောတာနဲ့ပဲ စိတ်ဝင်စားပြီး ဖတ်ချင်လာပြီ..။

Me: တွဲထည့်မယ့် ပုံရှာနေတုန်း။ လောလောဆည်ဖတ်ချင်ရင် အမြည်းပေးမယ်။ ဒီ Gtalk ကနေပဲ ဖတ်ကြည့်။

ချောစု : ဟုတ်ကဲ့..အစ်မ.. ဖတ်ပြီးပြီ..။ သူကအဲ့လို တကယ်လုပ်သွားတာလားဟင်..။

Me :အင်း..။ ဟုတ်တယ်။ သီသီ့ကို  အစ်မတို့..ဘာမှမပြောခဲ့ဘူး..။ သူက အစ်မ..တို့သိသွားတာလည်း မရိပ်မိဘူး။ အစ်မလည်း သူ့လုပ်ရပ်ကြောင့် တော်တော် စိတ်မကောင်းဖြစ်သွားမိတယ်။ သူက အိမ်မှာ ၅လလောက်ဆက်လုပ်သေးတယ်..။

ချောစု : အစ်မတို့က ဆက်လက်ခံထားတာပေါ့ ။

Me : အင်း..။ သူက ကုသိုလ်လေး ကောင်းတယ် ။ သူ့မိဘကို..သူ့သမီးကို ဂရုစိုက်တာဝန်ကျေတယ် ။ ပညာမတတ်ဘာမတတ်ပေမယ့် မိဘကို စောင့်ရှောက်တော့ အဆင်ပြေတယ်လေ..။ သူက အခု မလေးရှားမှာ။

ချောစု: ဟင်.. တယ်ဟုတ်ပါလား..။

Me: ဟုတ်တယ်..။  မြန်မာတယောက်ဖွင့်ထားတဲ့ အလှပြင်ဆိုင်မှာ ဆိုင်သန့်ရှင်းရေးတာဝန်နဲ့ အလုပ်လုပ်နေတယ်လေ။ သူ့သမီးလေးကလေ အစ်မသမီးလေးနဲ့ ကစားဘက်ပေါ့ ။ သမီးလေးဆီ  သီသီက မလေးရှားကနေ မကြာမကြာ ဖုန်းဆက်တယ် ။ သူ့ဓာတ်ပုံတွေ သမီးလေး ကြည့်ဖို့အတွက်ဆို ပို့ပေးတယ် ။ သမီးလေးကို သူက အရမ်း ချစ်တယ်လေ။ သူ့သမီးလေးကလည်း ယဉ်ကျေးတယ်။

ချောစု : ဟုတ်ကဲ့အစ်မ..။ အစ်မ.. ညီမသိချင်တာက သူက ပိုက်ဆံတကယ်ယူပြီး တကယ်လဲ ပြန်ထားတယ်ပေါ့..။

Me : အင်းလေ..။

ချောစု : ပြီးတော့ သူ့သမီးဆေးခန်းပြဖို့ဆိုတာ တကယ်ဟုတ်လို့လား..။ ဆေးခန်းပြဖို့ဆိုတာကို အစ်မတို့ ဘယ်လိုပြန်သိတာလဲ ? နောက်.. ပိုက်ဆံ ချေးပြီး ပြန်ထားတယ်ဆိုတာကရော..ဘယ်လိုပြန်သိလဲ..?

Me : သူ.. ဒီငွေကို ဘာအတွက်ယူသလဲဆိုတာ  အခုအချိန်အထိ အစ်မ မသိခဲ့ရပါဘူး..။

ချောစု : အင်း.. သဘောပေါက်သလို ရှိလာပြီ..။

Me : အစ်မ..က သူ့ကလေး ဆေးခန်းသွားပြဖို့..၊ နောက် ပိုက်ဆံချေးပြီး ပြန်ထည့်တယ်လို့ စိတ်ကူးယဉ်ပြီး ပြင်ရေးလိုက်တာလေ..။ စိတ်ကူးယဉ် တယ်ဆိုပေမယ့် အစ်မက သူ့မှာ အဲ့ဒီလို အကြောင်းတွေများ ရှိနေနိုင်လို့ ဒီငွေကို ယူတာများလားဆို တွေးမိပြီး ရေးလိုက်တာလေ..။

ချောစု: အစ်မဟာ အစ်မ ပြင်ပြီး ဖြည့်လိုက်တာပေါ့။ အင်း..တို့အစ်မက အဲ့လို ဖြစ်စေချင်နေတာ..။ သိပြီ..။ တကယ်လို့ အဲ့ဒီလိုသာဆို ခွင့်လွှတ် နိုင်မယ်ပေါ့..။

Me : အင်း .....။

ချောစု : သူက ငွေတော့ပြန်ထားတယ်ပေါ့..။

Me : ဟုတ်တယ်..။ သူက အစ်မတို့ ကြားအောင်ပြောတာကို ကြားသွားတာ ချောစုရဲ့။ ကြားပြီး  ငွေကိုပြန်ထားတာ လေ..။

ချောစု : အင်း.. သိပြီ..။ အစ်မကသူယူတယ်ဆိုတာကို ဒီလိုနည်းနဲ့ ဖော်ထုတ်ဖို့ ဘယ်လိုအကြံရသွားလဲ..။

Me : အင်း.... အစ်မလည်း အဲ့ဒါကို အမြဲတွေးမိတယ်။ ငါဘာလို့ ဒီတိုင်းမထားခဲ့ပဲ ဒီလို ဖော်ထုတ်မိတာပါလည်းလို့လေ..။ တကယ်က မသိအောင်ယူတာပဲ။ ပထမရေးတုန်းက အမှန်အတိုင်းရေးထားတာ ချောစုရ..။ ရေးရင်းနဲ့ သူ့ကို သတိရလာတယ်..။ သူ့အပေါ် အမှန်အတိုင်း မရေးရက်တော့ဘူး။ ဒါနဲ့ သူ့ကိုထွက်ပေါက်ပေးပြီး ဇာတ်ကိုချိုးချလိုက်တာ..။  ဇာတ်ကို ပြန်ပြင်လိုက်တယ်..။ ဒီပို့စ်ရေးတာ မနက် ၃နာရီထိုးရော ချောစုရေ..။ သူ့ကိုလည်း စာရေးတဲ့တလျှောက်လုံး သတိတွေရနေမိတယ်..။

ချောစု : အစ်မသူ့ကို အလုပ်ထုတ်လိုက်သလားဆိုတာ မပြောသေးဘူးနော်..။

Me : အစ်မ မထုတ်ပါဘူး..။ သူ့ဟာသူ ထွက်ပါရစေဆို ခွင့်တောင်းတာနဲ့ မတားတော့ပဲ  နောက်ဆုံးတော့... လွှတ်ပေးလိုက်တာပါ..။

ချောစု : အစ်မ..ပုံရှာလို့ရရင် အမြန်တင်လိုက်တော့နော်။ ဖတ်ချင်ပြီ။

............................................................................................................................................................................................

တစ်ခါတစ်ရံမှာ ပြောစရာရှိတာတွေ၊ ပြောသင့်တာတွေကို အချိန်မဆိုင်း ဖွင့်ပြောမှဖြစ်မယ့် အခြေအနေမျိုးရှိပေမယ့်၊ တစ်ခါတစ်ခါမှာတော့ ပြောရခက်အောင် နှုတ်ဆွံ့အစေတဲ့ အခြေအနေမျိုးတွေ ကြုံတွေ့ရတတ်ပါတယ်။ အဲ့ဒီအခြေအနေတွေကပဲ အဖြစ်အပျက်တွေကို တစ်မဟုတ်ချင်း ပြောင်းလဲသွားစေပြီး ရှင်းပြခွင့်၊ ဖြေရှင်းခွင့်တွေ ပါးလျှတဲ့ အခြေအနေမျိုးတွေနဲ့ ရင်ဆိုင်ကြုံတွေ့ရတတ်ပြန်တယ်။

ဆန္ဒနဲ့ဘ၀တစ်ထပ်ထဲကျကြပါစေရှင်။

ကောင်းကင်ရဲ့မိုး

...ကောင်းကင်ရဲ့မိုး ...

• ကြာလှပါပေါ့

ငါ့ကောင်းကင်မှာ

မိုးခေါင်နေခဲ့တာ....။

• ဒီနေ့တော့

မထစ်ချုန်းပဲ

အငြိုးတကြီးနဲ့ရွာ..။

• ငါ့မြက်ပင်လေးတွေ

လေယူရာ

ယိမ်းနွဲ့ကာ...။

• အေးစိမ့်လို ရွှဲရွှဲစိုအောင်

မိုးတိမ်လေး

ညို့ခဲ့ရတာ...။        ။

အရှုံးထဲက အနိုင်

အခန်းဝမှာ ပြူတစ်ပြူတစ်လုပ်နေတဲ့ ကျော်စွာ့ကို ဦးဘုန်းကျော် စာဖတ်နေလျှက်က မျက်လုံးထောင့်ကနေ မြင်လိုက်တယ်။

“ သားကြီး.. ၀င်ခဲ့လေကွာ..” လို့ ပြောလိုက်တော့မှ ကျော်စွာတစ်ယောက် အခန်းထဲဝင်လာပြီး ဦးဘုန်းကျော်ရှေ့က ကုလားထိုင်အလွတ်တစ်ခုမှာ ၀င်ထိုင်လိုက်တယ်။ သူတို့ သားအဖ နှစ်ယောက်က သူငယ်ချင်းပေါင်းပေါင်းပြီး ပွင့်ပွင့်လင်းလင်း ပြောဆိုနေထိုင်ကြသူမျိုး ဆိုလေတော့ အခုလို ကျော်စွာတစ်ယောက် မျက်နှာလည်းမကောင်း၊ အဖေရှိရာ အခန်းထဲဝင်ဖို့ တွန့်ဆုတ်တွန့်ဆုတ် လုပ်နေတာဟာ အကြောင်းတစ်ခုခုတော့ ရှိနေပြီဆိုတာ ဦးဘုန်းကျော် သိလိုက်ပြီ။ ဦးဘုန်းကျော်က လက်ထဲက ဖတ်လက်စ စာအုပ်ကို စားပွဲပေါ်ချလိုက်ပြီး သားဖြစ်သူကို ပြုံးလျှက် လှမ်းကြည့်လိုက်တယ်။ မွေးလာထဲက အခုလို တက္ကသိုလ်ဝင်တန်းစာမေးပွဲ အောင်မြင်ပြီးထားတဲ့ သည်အရွယ်အထိ သားဖြစ်သူရဲ့ မျက်နှာကို အရိပ်လို၊ မှန်လိုကြည့်ပြီး ဖတ်လာခဲ့သူမို့ ကျော်စွာ့မှာ အဖေဖြစ်သူ သူ့ကိုပြောစရာ၊ ဒီထက်ပိုလို့ ပြောရခက်တဲ့ကိစ္စ တစ်ခုခုရှိနေပြီဆိုတာကို ဦးဘုန်းကျော် ကောင်းကောင်းကြီး သိနှင့်ပြီးသား ဖြစ်နေတယ်။ ဒါနဲ့ ဦးဘုန်းကျော်က အလိုက်တသိနဲ့ပဲ…

“ သား..။ မင်းကို ကြည့်ရတာ ဖေဖေ့ကို ပြောစရာ တစ်ခုခုရှိနေပုံပဲ။ ပြောရလည်း ခက်နေပုံရတယ်..။ အင်း.. ဖေဖေ့မှာလည်း သားကို ပြောစရာ တစ်ခုရှိနေလေတော့.. ကဲ..သားပြောတာ နားမထောင်ခင်.. ဖေဖေပြောတာ သားအရင် နားထောင်။ ပြီးမှ သားပြောတာကို ဖေဖေက ပြန်နားထောင်ပေးမယ်.. ဟုတ်လား ”

ကျော်စွာက မပီမပြင်ပြုံးလျှက်က “ ဟုတ်ကဲ့ဖေဖေ ” လို့ပြောရင်း အကြပ်အတည်းက ခေတ္တလွတ်မြောက်သွားသူတို့ရဲ့ ထုံးစံအတိုင်း သက်ပြင်းမောလေး ကြိတ်ချလိုက်မိတယ်။

“ သားကို ဖေဖေလွန်ခဲ့တဲ့ ၁၀နှစ်က ကြည့်ခဲ့ရဘူးတဲ့ သိပ်ကောင်းတဲ့ ဘောလုံးပွဲ တစ်ခုအကြောင်း ပြောပြချင်တယ်.. ”

ဦးဘုန်းကျော်ရဲ့ စကားက ဘောလုံးဝါသနာအိုး ကျော်စွာရဲ့ စိတ်ဝင်စားမှုကို မြှင့်တင်ပေးလိုက်တယ်။

“ ပြောပါဖေဖေ..။ သား.. နားထောင်နေပါတယ် ”

“ ဒီလိုသားရဲ့..။ တစ်နေ့မှာ ဖေဖေဟာ ၅နှစ်.. ၆နှစ်အရွယ် မူလတန်းကလေးငယ်တွေ ကျောင်းမှာ ယှဉ်ပြိုင်ကစားနေတဲ့ ဘောလုံးပွဲတစ်ခုကို ကြည့်ခွင့်ရခဲ့တယ်။ အနီအသင်းနဲ့ အ၀ါအသင်း နှစ်သင်း ယှဉ်ပြိုင်တယ်ပေါ့ကွာ။ ယှဉ်ပြိုင်တဲ့ ကလေးတွေက ငယ်လွန်းပေမယ့် သူတို့ ကြိုးစားပမ်းစား ကစားကြတာကို အံ့သြဖွယ်ရာတွေ့ရတယ်။ နှစ်ဖက်အသင်းကို သောင်းသောင်းဖျဖျ အော်ဟစ် အားပေးကြတဲ့ ပရိသတ်တွေထဲမှာ ကျောင်းသူကျောင်းသားတွေ၊ ဆရာ၊ ဆရာမတွေ၊ ဘောလုံးနည်းပြတွေသာမက၊ အထူးသဖြင့် နှစ်ဖက်အသင်းမှာပါဝင်ကစားနေကြတဲ့ကလေးတွေရဲ့ မိဘတွေ၊ အားလုံးက သည်းသည်းလှုပ်အားပေးကြတယ်.. ”

“ တကယ့် ပွဲကောင်းပဲပေါ့နော် ဖေဖေ ”

“ ဒါပေါ့သားရ..။ ဖေဖေကတော့ ကစားနေတဲ့ ကလေးတော်တော်များများရော၊ လာအားပေးတဲ့ မိဘတွေတော်တော်များများနဲ့ရော သိပ်မရင်းနှီးဘူး.. မျက်မှန်းတမ်းမိယုံပေါ့။ ကလေးငယ်လေးတွေ ကစားတဲ့ပွဲဆိုတော့ ရှုံးချင်ရှုံး၊ နိုင်ချင်နိုင်၊ ဘယ်လို သောကမျိုးမှ မရှိပဲကြည့်နေနိုင်ခဲ့တယ်။ သည်းသည်းလှုပ်နေတဲ့ နည်းပြတွေနဲ့မိဘတွေကို ကြည့်ပြီး သူတို့လည်း ဖေဖေ့လို စိတ်မျိုးပဲ ရှိနေစေချင်ခဲ့တယ် ”

“ ဘောလုံးပွဲဆိုတာ အစွဲလေးနဲ့ ကြည့်မှ ပိုကောင်းတာ ဖေဖေရ ”

ကျော်စွာ့အပြောကို ဦးဘုန်းကျော်က အပြုံးလေးနဲ့ တုန့်ပြန်ရင်း ဆက်ပြောပြလေတယ်။

“ နှစ်သင်းလုံးက အကြိတ်အနယ် ကြိုးစားပမ်းစားကစားကြပေမယ့်  ပထမပိုင်းပြီးတဲ့ အထိ ဘယ်အသင်းမှ ဂိုးမရသေးဘူး သားရ..”

“ ဒုတိယပိုင်းက ပိုကြည့်လို့ ကောင်းပြီပေါ့နော် ဖေဖေ ”

“ အေးကွ။ ဒုတိယပိုင်း စချိန်မှာ အ၀ါအသင်းနည်းပြက သူ့ရဲ့ကစားသမားတွေ ခြေကုန်လာတာကို သိတော့ နောက်တန်းက အတော်ဆုံး ကစားသမားကလေးကို ဂိုးသမားနဲ့ နေရာလဲပြီး ဂိုးစောင့်ခိုင်းလိုက်တယ်။ အဲ့ဒီအချိန်ကစပြီး ကစားပွဲက အံ့သြစရာ ပြောင်းလဲသွားတော့တာ။ အနီအသင်းရဲ့ ရှေ့တန်းတိုက်စစ်မှူးတွေက အ၀ါအသင်းရဲ့နောက်တန်းကို  သုံး၊လေးယောက် စုပြုံ၊ အုံခဲပြီး ဖိကစားပြီး ဂိုးတွေ အကြိမ်ကြိမ် သွင်းယူဖို့ ကြိုးစားလေတော့တယ်။ အ၀ါအသင်းရဲ့ တော်လှပါတယ်ဆိုတဲ့ ကလေးလည်း ဘယ်လောက်ပဲ တော်နေပေမယ့် အများနဲ့ တစ်ယောက်ဆိုတော့ သူ့ခမျာ ပင်ပင်ပမ်းပမ်း ခုခံကာကွယ်နေရတော့တာပေါ့.. ”

“ ညှပ်ပူးညှပ်ပိတ် ကစားတော့ သူ့ခမျာ ဘယ်ခံနိုင်ပါတော့မလည်းနော် ..။ ပွဲက တော်တော် ကောင်းလာပြီ။ ဆက်ပြောပါဦး ဖေဖေ ”

စိတ်ဝင်တစားနားထောင်နေတဲ့ ကျော်စွာက ဦးဘုန်းကျော် တစ်အောင့်နားပြီး ရေနွေးတစ်ကျိုက် သောက်တာကိုတောင် သည်းခံမစောင့်နိုင်တော့ပဲ ဆက်ပြောဖို့ အဖေဖြစ်သူကို တိုက်တွန်းလိုက်ပါတယ်။

“ ဒီလိုနဲ့ ထင်တဲ့အတိုင်း အနီအသင်းက ဒုတိယပိုင်း ၁၅မိနစ်မှာ ပထမဆုံးဂိုးကို စရှူးတယ်။ ပထမဂိုး ဗွေဆော်ဦးပေးလိုက်ရတော့ အ၀ါအသင်းက ဂိုးသမားလေးလည်း သွေးတွေဆူပွက်လာပုံရပါတယ်။ အဲ့ဒီနောက်ပိုင်း သူတတ်စွမ်းသလောက် အစွမ်းကုန် ကာကွယ်ရှာတော့တာပါဘဲ။ သူ့ကိုယ်သူတောင် မငဲ့ရှာတော့ပဲ အနာခံ၊ မြေကြီးပေါ် ပစ်လှိမ့်လှဲချလို့ ဂိုးတိုင်နားဝဲပျံလာသမျှ ဘောလုံးတွေကို စွမ်းစွမ်းတမံ ကာကွယ်တော့ တာပါဘဲ။ ဒါပေမယ့် အ၀ါအသင်းရဲ့ ခြေက သိသိသာသာကျလာပြီး  အနီအသင်းက ထပ်မံဖိကစားပြန်တော့ ဒုတိယပိုင်း မိနစ်၃၀သာသာမှာ အ၀ါအသင်းက ဒုတိယဂိုးထပ်မံ ပေးလိုက်ရပြန်တော့တယ်။ အနီအသင်းကို အားပေးတဲ့ လက်ခုပ်သံတွေက ကစားကွင်းထဲမှာ သောသောညံလို့။ ဘောလုံးကလည်း အ၀ါအသင်းရဲ့ ဂိုးဧရိယာနားမှာပဲ တစ်ဝဲလည်လည်နဲ့ပေါ့။ ဒီလို အခြေအနေက အ၀ါအသင်းရဲ့ ဂိုးသမားကောင်လေးကို ဒေါသ ပိုထွက်စေတယ်။ စိတ်မငြိမ်မသက် ပိုဖြစ်စေတယ်။ အသင်းနည်းပြရဲ့ အော်ဟစ်ပြောဆိုသံ၊ ကစားသမားတွေရဲ့ ဖရိုဖရဲကစားကွက်၊ ပရိသတ်တွေရဲ့ တစ်ဖက်အသင်းကို အားပေးသံတွေက သူ့ကို ဖိအားပေးသလို ဖြစ်နေတော့တာပေါ့။ ဒီတော့ ၀င်လာသမျှ ဘောလုံးကို အော်ဟစ်ပြေးလွှားပြီး ဂမူးရှူးထိုးနဲ့ ဒိုက်ထိုးဖမ်းတယ်။

“ ရှုံးမဲမဲပြီထင်တယ်နော် ဖေဖေ ”

“ အင်း.. သူ့မှာရှိတဲ့ သက်လုံကို စုစည်းပြီး ကစားရှာပေမယ့် ဘယ်လိုမှ မလိုက်နိုင်တော့ဘူး။ မိနစ်၄၀မှာ တတိယဂိုးကို ထပ်မံပေးလိုက်ရပြန်တယ်။ အခြေအနေက ပွဲပြီးဖို့ ၅မိနစ်အလိုမှာ ၃ဂိုး ဂိုးမရှိနဲ့ ဂိုးပြတ်ရှုံးနေပြီ.. ”

“ အရှုံးကို ထိပ်တိုက်ရင်ဆိုင်တဲ့ အခါမှာ တည်ငြိမ်ဖို့ အရေးကြီးတယ်နော်ဖေဖေ ”

“ ဟုတ်တယ်သား။ ဖေဖေထိုင်နေတာက အ၀ါအသင်းက ပရိသတ်တွေထိုင်တဲ့ဘက်မှာဆိုတော့  ဖေဖေ့ပတ်ဝန်းကျင်ကို ကြည့်လိုက်မိတော့ ၀တ်ကောင်းစားလှတွေနဲ့ ကစားသမားတွေရဲ့ မိဘတွေဆိုတာ သူတို့သားသမီးတွေရဲ့ အရှုံးကြောင့် မျက်စိမျက်နှာပျက်သူပျက်၊ အပြစ်တင်သူတင်၊ အော်ဟစ်သူအော်ဟစ်နဲ့ပေါ့ ”

“ မိဘဆိုတော့ အားမလိုအားမရ ဖြစ်တာနေမှာပေါ့နော် ဖေဖေ ”

“ အေးပေါ့။ အဲ့ဒီမှာ အ၀ါအသင်းရဲ့ ဂိုးသမားလေးဟာ ပုံစံလုံးဝပြောင်းသွားတော့တယ်။ ပြိုင်ဘက်တွေကို သူဟန့်တားလို့ မရတော့ဘူးဆိုတာ သိတော့ သူက ကြမ်းကြမ်းတမ်းတမ်း ကစားလာတယ်။ အ၀ါကဒ်အပြခံရတယ်။ လက်ကျန်အချိန်၅မိနစ်မှာ သူ့ကစားကွက်တွေက မုန်ယိုနေတဲ့ ဆင်တစ်ကောင်လို ဗရမ်းဗတာ ဖြစ်လာတယ်။ ၀တ်စုံအ၀ါတစ်ခုလုံးလည်း မည်းပေပွနေပြီပေါ့ ”

“ ဘေးက ကြည့်နေသူက ကာယကံရှင်ထက် ပိုမြင်ရတာပေါ့နော် ”

“ အေးကွ သားရ။ ကာယကံရှင်က စိတ်လိုက်မာန်ပါလုပ်နေတာကို သတိလွတ်နေပေမယ့် ဘေးလူရဲ့အမြင်မှာတော့ သူ့လုပ်ရပ်က ဘွားကနဲ ပေါ်နေတော့တာပေါ့။ အဲ့ဒီအချိန်မှာ အ၀ါအသင်းရဲ့ ပရိသတ်ထဲမှာ တစ်ချိန်လုံး ငြိမ်ပြီးကြည့်နေတဲ့ လူတစ်ယောက်က ရုတ်တရက် မတ်တပ်ရပ်၊ ထအော်ပြီး အ၀ါအသင်းရဲ့ ဂိုးသမားလေးကို အားပေးလေတော့တယ်။ ဘယ်လိုဖမ်း၊ ဘယ်လိုနေရာယူ၊ အားမလျှော့နဲ့၊ ဖေဖေရှိနေတယ်လို့ အော်ပြောတယ် ”

“ ဒါဆို သူ့အဖေပဲပေါ့ ”

“ ဟုတ်တယ်သား။ သူ့အဖေရဲ့ မျက်နှာမှာ သောကတွေနဲ့ ပြည့်လျှံနေတယ်။ လူပုံအလည် လူမမယ်သားရဲ့အပေါ်မှာ ကျရောက်နေတဲ့ ပြင်းထန်တဲ့ ဖိအားအတွက် သူက ယူကြုံးမရ ဖြစ်နေတယ်ဆိုတာ သူ့ရဲ့မျက်နှာမှာ အတိုင်းသားပေါ်နေတယ် ”

“ မိဘရဲ့မေတ္တာပေါ့နော် ”

“ ဒီလိုနဲ့ ဒုတိယပိုင်း ၄၅မိနစ်ပြည့်လို့ နာကျင်ချိန် ၅မိနစ်ပေးတုန်းမှာ စတုထ္တဂိုး ထပ်သွင်းခံရပြန်ရော သားရေ။ ဂိုးတိုင်က ပိုက်နဲ့ လုံးထွေးဝင်နေတဲ့ ဘောလုံးကို ကောက်ယူပြီး  ဒိုင်လူကြီးလက်ထဲ ဘောလုံးကို ပြန်ထည့်အပြီးမှာ ဂိုးသမားလေးက ဂိုးတိုင်ရှေ့မှာ ဒူးခွေညွတ်ကျသွားပြီး ရင်နာနာနဲ့ ဟီးကနဲ ငိုချလိုက်တယ် ”

“ ဟာဗျာ… ”

“ အဲ့ဒီအချိန်မှာ ဂိုးသမားလေးရဲ့ အဖေလည်း ဘယ်လိုမှ တောင့်ခံမထားနိုင်တော့ပဲ ခုန်ပျံကျော်လွှားပြီး ကစားကွင်းထဲက သားဖြစ်သူရှိရာကို အပြေးရောက်လာပြီး သားကို ရင်ခွင်ထဲမှာ ပွေ့ဖက်ထားလိုက်တယ်။ ဘောလုံးပွဲက တာဝန်ရှိသူတွေလည်း ကွင်းထဲဝင်လာတဲ့ အဖေလုပ်သူကို ဘယ်လိုမှ မဟန့်တားနိုင်တော့ပါဘူး။ တစ်ကွင်းလုံးမှာ ရှိနေတဲ့ ပရိသတ်တွေဟာ မီးကိုရေနဲ့ ငြှိမ်းသတ်လိုက် သလို ငြိမ်သက်သွားပြီး သူတို့ အာရုံတွေအားလုံးက ဂိုးတိုင်နားက သားအဖနှစ်ယောက်ဆီကိုပဲ ရောက်နေကြတော့တာပေါ့။ ရှိုက်ကြီးတငင်ငိုနေတဲ့ သားဖြစ်သူကို ရင်ခွင်ထဲထည့်၊ ကျောကို ပွတ်သပ်ချော့နေတဲ့ အဖေလုပ်သူရဲ့မျက်ဝန်းမှာလည်း မျက်ရည်တွေက တတွေတွေကျလို့ပေါ့ ”

“ စိတ်မကောင်းစရာပါဘဲ ဖေဖေရာ ”

“ အဲ့ဒီ အချိန်မှာ ပွဲချိန်ပြည့်သွားတဲ့ ၀ီစီမှုတ်သံကြားလိုက်ရတယ်။ အဖေလုပ်သူက သူ့သားကို ပုခုံးပေါ်စွေ့ကနဲ တင်လိုက်တယ်။ သားကို ပုခုံးပေါ်တင်လို့နေရာကနေ ကွင်းထဲကို ဖြတ်လျှောက်လာချိန်မှာတော့  ကစားကွင်း တစ်ကွင်းလုံး ငြိမ်တိတ်နေတဲ့ ပရိသတ်တွေဟာ  အရှုံးနဲ့ ထွက်လာတဲ့ သားအဖနှစ်ယောက်ကို လက်ခုပ်လက်ဝါးတီးပြီး ကြိုဆိုအားပေးလိုက်ကြတာ ဆူဆူညံလို့ သွားတာပဲ ”

“ ပရိသတ်တွေက စာနာစိတ်ရှိတယ်နော် ဖေဖေ ”

“ အေးကွ။ ကောင်လေးက သူ့ဖေဖေ ပုခုံးထက်ကနေ ရှိုက်ငိုပြီးပြောတယ်။ ဖေဖေ..သား..သူတို့ကို မဟန့်တားနိုင်ခဲ့ဘူး။ သားကြိုးစားပြီးရင်း ကြိုးစားပေမယ့် သူတို့ ဂိုးတွေ ဆက်တိုက်ရှူးကြတယ်.. လို့ပြောတယ်။ ဒီတော့ သူ့အဖေက ဒါက အရေးမကြီးပါဘူးသားရယ်။ မင်းက ဖေဖေ့သား။ မင်းအတွက် ဖေဖေက ဘယ်လိုအချိန် ဘယ်လိုနေရာမှာဖြစ်ဖြစ် ဂုဏ်ယူတယ်။ ဒီတစ်ပွဲမှာ သားရှုံးပေမယ့် နောက်ကျန်တဲ့ ညနေကန်မယ့်ပွဲမှာ သားဆက်ကစားရမယ်.. လို့ပြောလိုက်တယ်။ ဒါနဲ့ အတိုချုံ့ရရင် ကစားသမားလေးလည်း သူ့ဖေဖေစကားကြောင့် အားတက်သွားပြီး ညနေပွဲ ဆက်ကန်တယ်။ နိုင်တယ်မထင်ပါနဲ့။ ဒီပွဲမှာလည်း သူတို့အသင်းက ၂ဂိုးတောင် သွင်းတာခံလိုက်ရတယ်။ ဒီတစ်ပွဲမှာတော့ သူက အေးအေးဆေးဆေးနဲ့ ခပ်ပြုံးပြုံးဘဲ။ တစ်လုံးသွင်းခံရပြီးတိုင်း သူ့ဖေဖေကို လက်မတောင်ထောင်ပြလိုက်သေးတယ် ”

“ ဟား… သူက အရှုံးကို ခံနိုင်ရည်ရှိသွားတာပေါ့နော်..။ ဟင်..ဖေဖေ…ဒါနဲ့ သူတို့ သားအဖ ကွင်းအလည်မှာ ပြောခဲ့တဲ့စကားကို ဖေဖေက ဘယ်လိုပြန်သိရလည်း.. ”

ဦးဘုန်းကျော်က ပြုံးစေ့စေ့နဲ့ ကျော်စွာ့ကို ကြည့်လျက်က..

“ သားက သိပ်ငယ်လွန်းသေးတော့ မမှတ်မိတာပါ။ အဲ့ဒါ ဦးဘုန်းကျော်နဲ့ သူ့ရဲ့သား ကျော်စွာ ပဲပေါ့ ”

ကျော်စွာတစ်ယောက် ဘယ်ကဘယ်လို သူ့ဖေဖေရဲ့နဘေးရောက်လာသလည်း မသိတော့ပဲ ဦးဘုန်းကျော်ရဲ့လည်ပင်းကို သိုင်းဖက်လို့ ထားလိုက်မိပါတော့တယ်။

ဦးဘုန်းကျော်က သားဖြစ်သူကို သူ့ဘေးမှာထိုင်စေပြီး ဦးခေါင်းက ဆံပင်စလေးများကို ပွတ်သပ်ပေးလျှက်က..

“ သား..ဖေဖေ့ကို ပြောစရာရှိတာ သားရဲ့အမှတ်ကိစ္စ မဟုတ်လား။ သားရဲ့ မေမေပြောပြလို့ ဖေဖေသိထားပြီးပြီ။ ဒီနေ့ တက္ကသိုလ်ဝင်တန်း အမှတ်စာရင်းသွားထုတ်တာ ငါ့သား မှန်းထားသလို ဆေးတက္ကသိုလ် မ၀င်ဘူးမဟုတ်လား။ ဒီမှာ သား.. ငယ်ငယ်က အနိုင်ဂိုးတွေ လှိုင်လှိုင် အသွင်းခံခဲ့ရတဲ့ ဖေဖေ့သားက အခုမြို့နယ်ရဲ့ အကောင်းဆုံး ဂိုးဖမ်းသမားတစ်ယောက် ဖြစ်လာခဲ့တယ် မဟုတ်လား။ ဒါ အံ့သြစရာမဟုတ်ပါဘူး။  ကိုယ်က ရပ်တံ့မနေပဲ ကြိုးစားဖို့။ နောက်.. ကိုယ်ရတဲ့နေရာလေးမှာ အဓိပ္ပါယ်ရှိရှိနဲ့ အကောင်းဆုံး နေထိုင်သွားနိုင်ဖို့သာ အရေးကြီးတာပါ ”

ဦးဘုန်းကျော်ရဲ့ စကားတွေက ဇဝေဇ၀ါ ဖြစ်နေတဲ့၊ မချိတင်ကဲ ဖြစ်နေရတဲ့ ကျော်စွာ့ရဲ့ စိတ်တွေကို ရှင်းလင်းပြတ်သားစေခဲ့ပါပြီ။ ဆေးတက္ကသိုလ် အမှတ်မမှီတော့လည်း သူဝါသနာပါတဲ့ ကွန်ပြူတာ တက္ကသိုလ်ကို တက်နိုင်သေးတာဘဲလို့ တွေးမိလာတယ်။ ကျော်စွာ့အတွက် ခက်ခဲရှုပ်ထွေးနေတဲ့  ပုစ္ဆာတစ်ပုဒ်ကို ဦးဘုန်းကျော်က ဖြေရှင်းပေးလိုက်ပါပြီ။

“ သား..တစ်ခါတစ်ရံ ဘ၀မှာ ကိုယ်မျှော်လင့်ထားသလို ဖြစ်မလာတာတွေ တွေ့ကြုံရမှာဘဲ။ ကိုယ်က ဘယ်လောက်တောင် ကြိုးစားပေမယ့်လည်း၊ ဘယ်လိုမှ တားဆီးလို့မရပဲ ခံလိုက်ရတာမျိုး၊ နေရာတစ်ခုမှာ နှစ်သိမ့်ကျေနပ်လိုက်ရတာမျိုးလည်း ရှိမှာဘဲ။ ဒါပေမယ့် အဲ့ဒါကအရေးမကြီးဘူး။ ကိုယ့်ကိုချစ်တဲ့သူ၊ ကိုယ့်ဘက်မှာ ရပ်တည်အားပေးမယ့်သူတွေ ဆက်ရှိနေတယ်ဆိုတာက ပိုအရေးကြီးတယ်။ အောင်မြင်တဲ့အခါတိုင်း ၀မ်းသာစိတ် ဖြစ်ရတာထက်  အရှုံးကို ရင်ဆိုင်ရချိန်မှာလည်း ကျေကျေနပ်နပ် နဲ့ လက်ခံတတ်ဖို့က ပိုအရေးကြီးတယ်။ ဖေဖေ့သားကို လူပီသတဲ့ လူတစ်ယောက် အဖြစ် မြင်ချင်တယ်ကွာ ..”

ဉ်ီးဘုန်းကျော်ရဲ့ နောက်ဆက်တွဲ ပြောလိုက်တဲ့စကားတွေက သားဖြစ်သူ ကျော်စွာ့ရင်ထဲ တစ်ဘ၀စာ သံမှိုနဲ့ အစွဲခံလိုက်ရပါပြီ။ ကျော်စွာ့ရင်ထဲက စကားတစ်ခွန်းက သူ့နှုတ်ဖျားကနေ လျှံကျလာခဲ့တယ်။

“ သား.. ကြိုးစားပါ့မယ် ဖေဖေ.. ”

ဆန္ဒနဲ့ဘ၀ တစ်ထပ်ထဲကျကြပါစေ။